ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កម្មវិធីអាហារូបករណ៍ Chevening ជាមូលនិធិសិក្សាឥតគិតថ្លៃនៅចក្រភពអង់គ្លេស ថ្នាក់បរិញ្ញាបត្រជាន់ខ្ពស់សម្រាប់និស្សិតអន្តរជាតិ ។ ក្នុងមួយឆ្នាំៗមាននិស្សិតមិនតិចនោះទេ ដែលប្រាថ្នាចង់បានអាហារូបករណ៍មួយនេះ ។ តើបេក្ខជនត្រូវមានលក្ខខណ្ឌសមស្របអ្វីខ្លះអាចស្នើពាក្យអាហារូបករណ៍ Chevening បាន?
តាមរយៈការចុះផ្សាយរបស់គេហទំព័រផ្លូវការរបស់ Chevening បានលើកឡើងថា បេក្ខជនដែលអាចស្នើពាក្យអាហារូបករណ៍ Chevening បាន គឺបេក្ខជនត្រូវមានលក្ខខណ្ឌមួយចំនួនដូចជា ជាពលរដ្ឋ នៃប្រទេសដែល Chevening ផ្ដល់សិទ្ធ (រួមទាំងកម្ពុជា), ត្រឡប់ទៅកាន់ប្រទេសកំណើតវិញក្រោយបញ្ចប់ការសិក្សាក្នុងរយៈពេល២ឆ្នាំ, បានបញ្ចប់ការសិក្សាថ្នាក់បរិញ្ញាបត្រ ។ មានវិញ្ញាបនបត្របញ្ជាក់ភាសាអង់គ្លេស មានបទពិសោធន៍ការងារយ៉ាងតិច២ឆ្នាំ ឬស្មើនឹង២៨០០ម៉ោង ។
ដោយឡែកសម្រាប់បេក្ខជនដែលមិនមានសិទ្ធក្នុងការស្នើពាក្យអាហារូបករណ៍ Chevening នេះបាន គឺជាបេក្ខជនដែល មានសញ្ជាតិអង់គ្លេស, ជនបរទេសដែលកំពុងស្នាក់នៅប្រទេសដែលមិនមានសិទ្ធពីអាហារូបករណ៍C hevening គឺមិនមានសិទ្ធស្នើអាហារូបករណ៍ទេ ប៉ុន្តែជនបរទេសដែលកំពុងរស់នៅប្រទេសដែលមានសិទ្ធពី Chevening នឹងមានសិទ្ធស្នើពាក្យអាហារូបករណ៍ ។ ជានយោជិត អតីតបុគ្គលិក ឬសាច់ញាតិ នៃអង្គការដៃគូ Chevening ប្រសិនបើការងារបានកើតឡើងក្នុងរយៈពេលពីរឆ្នាំចុងក្រោយនេះ ។ ជាបេក្ខជនដែលធ្លាប់សិក្សានៅចក្រភពអង់គ្លេសដោយទទួលបានអាហារូបករណ៍ពីរដ្ឋាភិបាលចក្រភពអង់គ្លេស។
គួរបញ្ជាក់ដែរថា បេក្ខជនដែលត្រូវបានជ្រើសរើសជាបេក្ខជនជ័យលាភីអាហារូបករណ៍នឹងទទួលបានការគាំទ្រពីសំណាក់ភាគីអាហារូបករណ៍ដូចជា ថ្លៃសិក្សាពេញលេញ ការធ្វើដំណើរពីប្រទេសកំណើតទៅកាន់ចក្រភពអង់គ្លេស ថ្លៃនៃពាក្យសុំចូលទិដ្ឋាការ (Visa) ប្រាក់សម្រាប់ពិនិត្យសុខភាពចំនួន£75 ឬ៩៥$ (តេសត្តជំងឺរបេង) ។ ប្រាក់ឧបត្ថម្ភប្រចាំខែ កន្លែងស្នាក់នៅ និងការចំណាយប្រចាំខែនឹងទទួលបានអាស្រ័យលើអ្នកនឹងសិក្សាក្នុង ឬក្រៅទីក្រុងឡុងដ៍ (តាមសាកលវិទ្យាល័យផ្សេងៗ) ៕
