ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
តាមរយៈកម្មវិធី TVET ១លាន៥សែននាក់ វិទ្យាស្ថានពហុបច្ចេកទេសភូមិភាគតេជោសែនសៀមរាប ប្រកាសបន្តជ្រើសរើសសិក្ខាកាមចូលរៀនជំនាញវិជ្ជាជីវៈ ថ្នាក់សញ្ញាបត្របច្ចេកទេស និងវិជ្ជាជីវៈ១ សម្រាប់វគ្គសិក្សាថ្មី។
ជំនាញដែលកម្មវិធីផ្ដល់ជូនរួមមាន ៖ ការដំឡើងបណ្ដាញអគ្គិសនីក្នុងអគារ, សេវាកម្មបរិក្ខាត្រជាក់ក្នុងគេហដ្ឋាន, ការរចនាក្រាហ្វិកដោយកុំព្យូទ័រ, ការដំឡើង និងថែទាំងកាមេរ៉ាសុវត្ថិភាព, ការងារកំបោរ, ការដំឡើងបណ្ដាញបំពង់ទឹក, សេវាកម្មកុំព្យូទ័រ, សេវាកម្មរដ្ឋបាល, ធុរកិច្ចភេសជ្ជៈ, សេវាកម្មម្ហូបអាហារ និងភេសជ្ជៈ, សេវាកម្មសម្អាងកាយ, សេវាកម្មកាត់សក់បុរស និង ការធ្វើម្ហូបខ្មែរ ជាច្រើនកន្លែង។
លក្ខខណ្ឌនៃការជ្រើសរើស ៖ ជាបេក្ខជនដែលមានអាយុចាប់ទី១៥ឆ្នាំឡើងទៅ មានអត្តសញ្ញាណបណ្ណខ្មែរ ឬសំបុត្រកំណើត ជាបេក្ខជនដែលបោះបង់ការសិក្សាព្រោះបញ្ហាជីវភាព ឬកត្តាផ្សេងៗ មិនទាន់មានជំនាញ និងបេក្ខជនទូទៅដែលមានចំណាប់អារម្មណ៍ក្នុងការរៀនជំនាញ។ សម្រាប់យុវជនមកពីគ្រួសារដែលមានបណ្ណក្រីក្រ១ និង២ និងគ្រួសារដែលមានបណ្ណសម្គាល់ជនថាយរងហានិភ័យទទួលបានការសិក្សាដោយឥតគិតថ្លៃ និងទទួលបានប្រាក់ឧត្ថម្ភប្រចាំខែ២៨ម៉ឺនរៀលក្នុងមួយខែ។
សម្រាប់ព័ត៌មានបន្ថែមអំពីការចុះឈ្មោះ បេក្ខជនអាចចុះឈ្មោះនៅវិទ្យាស្ថានពហុបច្ចេកទេសភូមិភាគតេជោសែនសៀមរាប ដោយផ្ទាល់ និងអាចទំនាក់ទំនងទៅកាន់ទូរស័ព្ទលេខ ០៩៦ ៦៦៦ ០៣០៦ / ០៨៩ ៤៨៣ ៦២៣ / ០៦៩ ៧២៨ ៩៩៦។
ចាប់ទទួលពាក្យពីថ្ងៃផ្សាយដំណឹងនេះ រហូតដល់គ្រប់ចំនួនកំណត់៕
