ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កម្មវិធីអាហារូបករណ៍ France Eiffel Excellence ឆ្នាំសិក្សា២០២៥ប្រកាសជ្រើសរើសនិស្សិតសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតជាច្រើនកន្លែងសម្រាប់និស្សិតអន្តរជាតិ។ អាហារូបករណ៍គាំទ្រ និងផ្ដល់ដោយក្រសួងបារាំងសម្រាប់អឺរ៉ុប និងក្រសួងការបរទេស។
ជំនាញដែលអាហារូបករណ៍ផ្ដល់ជូនសិក្សារួមមានផ្នែក វិទ្យាសាស្ត្រ បច្ចេកវិទ្យា វិទ្យាសាស្ត្រសង្គម និងមនុស្សសាស្ត្រ។ ដោយផ្នែកវិទ្យាសាស្ត្រ និងបច្ចេកវិទ្យាមានដូចជា គណិតវិទ្យា និងឌីជីថល, វិទ្យាសាស្ត្រវិស្វកម្ម, ជីវវិទ្យា និងសុខភាព, និង ការផ្លាស់ប្ដូរអេកូឡូស៊ី។ សម្រាប់ផ្នែកវិទ្យាសាស្ត្រសង្គម និងមនុស្សសាស្ត្រមានដូចជា សេដ្ឋកិច្ច និងការគ្រប់គ្រង, ប្រវត្តិសាស្ត្រ ភាសាបារាំង និងអរិយធម៌ ច្បាប់ និងវិទ្យាសាស្ត្រនយោបាយ។
បេក្ខជនជ័យលាភីអាហារូបករណ៍នឹងទទួលបានអត្ថប្រយោជន៍នឹងការគាំទ្រពីអាហារូបករណ៍ជាច្រើនដូចជា ប្រាក់ឧបត្ថម្ភប្រចាំខែ ថ្លៃសំបុត្រយន្តហោះ ការធានារ៉ាប់រង ជំនួយក្នុងការស្វែងរកលំនៅដ្ឋាន និងចូលរួមក្នុងសកម្មភាពវប្បធម៌ផ្សេងៗក្នុងអំឡុងពេលសិក្សា។
លក្ខខណ្ឌក្នុងការដាក់ពាក្យ បេក្ខជនត្រូវឆ្លងកាត់ពីរជំហ៊ាន ដោយជំហ៊ានទីមួយ បេក្ខជនត្រូវទំនាក់ទំនងទៅកាន់ ការិយាល័យ Campus France នៅក្នុងប្រទេសរបស់បេក្ខជន និងជ្រើសរើសសាលារៀន ឬសាកលវិទ្យាល័យដែលសមស្របនឹងការសិក្សារបស់បេក្ខជនតាមរយៈតំណភ្ជាប់ https://www.campusfrance.org/en ។ ជំហ៊ានទីពីរ ភាគីសាកលវិទ្យាល័យនឹងជួយនិស្សិតក្នុងការបំពេញទម្រង់ពាក្យសុំរបស់បេក្ខជន បន្ទាប់មកខាងសាកលវិទ្យាល័យនឹងជួយបញ្ជូនពាក្យស្នើសុំអាហារូបករណ៍ Eiffel Excellence ក្នុងនាមជានិស្សិត ក្នុងលក្ខខណ្ឌដែលសិស្ស និស្សិត ស្នើទៅដោលផ្ទាល់នឹងមិនត្រូវទទួលបានសិទ្ធអាហារូបករណ៍។
សម្រាប់ព័ត៌មានបន្ថែមអាចចូលទៅកាន់តំណភ្ជាប់ https://www.campusfrance.org/en/actu/call-for-france-excellence-eiffel-applications-2025 ។ ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី៨ ខែមករា ឆ្នាំ២០២៥៕
