ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ- កម្មវិធីអាហារូបករណ៍ Manaaki New Zealand បានប្រកាសបើកទទួលពាក្យស្នើសុំអាហារូបករណ៍សម្រាប់និស្សិតអន្តរជាតិទៅសិក្សាថ្នាក់បរិញ្ញាបត្រជាន់ខ្ពស់ និងបណ្ឌិត នៅប្រទេសណូវេសហ្សេឡង់ ក្រោយបិទអស់រយៈពេល២ឆ្នាំ។
ជំនាញដែលអាហារូបករណ៍ផ្ដល់ជូនសម្រាប់និស្សិតកម្ពុជារួមមាន ជំនាញទាក់ទងនឹង ៖ ការប្រែប្រួលអាកាសធាតុនិងបរិស្ថាន, ការគ្រប់គ្រងហានិភ័យគ្រោះមហន្តរាយ, សន្តិសុខស្បៀង និងកសិកម្ម, ថាមពលកកើតឡើងវិញ, ការងារអភិបាលកិច្ច និងជំនាញអប់រំ ។
ដើម្បីដាក់ពាក្យសុំអាហារូបករណ៍ បេក្ខជនត្រូវបំពេញពាក្យស្នើសុំ និងសំណួរតាមរយៈ Online ៖ https://scholarship.force.com/Scholar/s/eligibility-test ។ ឯកសារចាំបាច់ដែលបេក្ខជនត្រូវមានសម្រាប់ការស្នើពាក្យសុំអាហារូបករណ៍រួមមាន ជាសញ្ជាតិកម្ពុជា (និងជនជាតិដទៃទៀតដែលអាហារូបករណ៍បានកំណត់) លិខិតបញ្ជាក់ការស្នាក់នៅ(រយៈពេលនៃការស្នាក់នៅ) លិខិតបញ្ជាក់បទពិសោធន៍ការងារ២ឆ្នាំឡើងទៅ (ឬមានបទពិសោធន៍ជិត២ឆ្នាំ) ព្រឹត្តិបត្តិពិន្ទុសិក្សាថ្នាក់បរិញ្ញាបត្រ ឬបរិញ្ញាបត្រជាន់ខ្ពស់ លិខិតអនុសាសន៍ចំនួន២ច្បាប់ និងលិខិតបញ្ជាក់ភាសា IELTS និងមានអាយុពី១៨ ដល់៤០ឆ្នាំ ។
បេក្ខជនដែលទទួលបានអាហារូបករណ៍នឹងទទួលបានការគាំទ្រពីអាហារូបករណ៍ដូចជា ថ្លៃសិក្សា ថ្លៃស្នាក់នៅ ការចំណាយលើការស្នាក់នៅ និងសម្ភារៈសិក្សាផ្សេងៗ ការធានារ៉ាប់រងសុខភាព ធានារ៉ាប់រងថ្លៃធ្វើដំណើរ ។ សម្រាប់ព័ត៌មានបន្ថែមសូមចូលទៅកាន់តំណភ្ជាប់ https://bit.ly/3jjjn9V ។ ផុតកំណត់ទទួលពាក្យថ្ងៃទី២៨ កុម្ភៈ ឆ្នាំ២០២៣ ៕
