ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតពីអាហារូបករណ៍រដ្ឋាភិបាលចិននៅសាកលវិទ្យាល័យ Hubei ឆ្នាំសិក្សា២០២៤។
ជំនាញដែលកម្មវិធីអាហារូបករណ៍ផ្ដល់ជូនរួមមាន វិទ្យាសាស្ត្រសម្ភារៈ(Material Science) សេដ្ឋកិច្ចពិភពលោក(World Economy) គណិតវិទ្យា(Mathematics) ហិរញ្ញវត្ថុ(Finance) គណនេយ្យ(Accounting) ការគ្រប់គ្រងទេសចរណ៍(Tourism Management) ទស្សនវិជ្ជាចិន(Chinese Philosophy) និងជំនាញជាច្រើនទៀត។
លក្ខខណ្ឌបេក្ខជនក្នុងការដាក់ពាក្យស្នើសុំអាហារូបករណ៍បេក្ខជនត្រូវបំពេញពាក្យទម្រង់ពាក្យសុំអាហារូបករណ៍រដ្ឋាភិបាលចិន និងហត្ថលេខា (ជាភាសាចិន ឬភាសាអង់គ្លេស), ថតចម្លងលិខិតឆ្លងដែនមានសុពលភាព, ប្រតិចារិកសិក្សា (បកប្រែជាភាសាចិន ឬអង់គ្លេស), ផែនការសិក្សា (Study Plan) ច្រើនជាង១៥០០ពាក្យ ជាភាសាចិន ឬអង់គ្លេស, លិខិតណែនាំចំនួន២ ( Recommendation letter ជាភាសាចិន ឬអង់គ្លេស)។ លើសពីនេះភ្ជាប់ជាមួយ របាយការណ៍កំណត់ត្រាមិនឧក្រិដ្ឋកម្ម (លិខិតថ្កោលទោស) និងសញ្ញាបត្របរិញ្ញាបត្រសម្រាប់ថ្នាក់បរិញ្ញាបត្រជាន់ខ្ពស់ មានអាយុមិនលើសពី៣៥ឆ្នាំ និងសញ្ញាបត្របរិញ្ញាបត្រជាន់ខ្ពស់សម្រាប់ថ្នាក់បណ្ឌិតមានអាយុមិនលើស៤០ឆ្នាំ។
បេក្ខជនជ័យលាភីអាហារូបករណ៍នឹងទទួលបានការគាំទ្រពីភាគីអាហារូបករណ៍ដូចជា ថ្លៃសិក្សា ថ្លៃស្នាក់នៅ ធានារ៉ាប់រងសុខភាព ថ្លៃស្នាក់នៅប្រចាំថ្ងៃ និងប្រាក់ប្រចាំខែ។
បេក្ខជនត្រូវចុះឈ្មោះក្នុងប្រព័ន្ធក្រុមប្រឹក្សាអាហារូបករណ៍ប្រទេសចិន ហើយដាក់ឯកសារពាក់ព័ន្ធតាមរយៈ http://www.csc.edu.cn/studyinchina ។ បេក្ខជនក៏ត្រូវចុះឈ្មោះនៅលើវេទិកាសេវាកម្មនិស្សិតអន្តរជាតិរបស់សាកលវិទ្យាល័យ Hubei ហើយដាក់ឯកសារពាក់ព័ន្ធតាមរយៈ https://hubu.at0086.cn/student ។
សម្រាប់ព័ត៌មានបន្ថែមអាចចូលទៅកាន់ https://mp.weixin.qq.com/s/QuMaf1-ouihEJNA4EtoLNg ។
ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី០១ ខែមីនា ឆ្នាំ២០២៤៕
