ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – កម្មវិធីអាហារូបករណ៍ Chulabhorn Postgraduate Scholarship in Thailand ប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់នៅប្រទេសថៃ ។ អាហារូបករណ៍ផ្ដល់ជូនចំនួន១៥កន្លែង និងការសិក្សារយៈពេល២ឆ្នាំ ។
ជំនាញដែលអាហារូបករណ៍ផ្ដល់ជូនរួមមាន ថ្នាក់បរិញ្ញាបត្រជាន់ខ្ពស់សុខភាពបរិស្ថាន, ថ្នាក់បរិញ្ញាបត្រជាន់ខ្ពសគីមីវិទ្យាបរិស្ថាន និងថ្នាក់បរិញ្ញាបត្រជាន់ខ្ពស់វិទ្យាសាស្ត្រគីមី ។ បេក្ខជន-បេក្ខនារីដែលទទួលបានអាហារូបករណ៍នឹងទទួលបានការគាំទ្រពីភាគីអាហារូបករណ៍ដូចជា ថ្លៃទិដ្ឋាការ ថ្លៃសំបុត្រយន្តហោះទៅមក ប្រាក់ឧបត្ថម្ភសម្រាប់កន្លែងស្នាក់នៅ និងការផ្លាស់ប្តូរទីលំនៅ ប្រាក់ឧបត្ថម្ភការរស់នៅប្រចាំខែ ធានារ៉ាប់រងសុខភាព និងប្រាក់ឧបត្ថម្ភសម្រាប់សៀវភៅ ។
បេក្ខជនដែលអាចស្នើពាក្យអាហារូបករណ៍នេះបាន គឺត្រូវមានអាយុក្រោម៣០ឆ្នាំ មានបទពិសោធន៍ក្នុងការស្រាវជ្រាវក្នុងមន្ទីរពិសោធន៍វិទ្យាសាស្ត្រ ត្រូវមានសញ្ញាបត្របរិញ្ញាបត្រដែលមានលំដាប់ពិន្ទុ២.៧៥(CGPA)ឡើងទៅក្នុងផ្នែកទាក់ទងដូចជា វិទ្យាសាស្ត្រឱសថ វិទ្យាសាស្ត្របរិស្ថាន គីមីវិទ្យា ជីវវិទ្យា ជីវវិទ្យា ជីវវិទ្យាម៉ូលេគុល បច្ចេកវិទ្យាវេជ្ជសាស្រ្ត និងវេជ្ជសាស្ត្រ ។ លើសពីនេះត្រូវភ្ជាប់ជាមួយសេចក្ដីថ្លៃការស្រាវជ្រាវអំពីគោលបំណងដែលបង្ហាញពីចំណាប់អារម្មណ៍របស់បេក្ខជនក្នុងវិស័យនេះ ។ របាយការណ៍អំពីសមត្ថភាពភាសាអង់គ្លេស TOEFL ឬ IELTS ។ ជាមួយគ្នានិស្សិតមកពីផ្នែកផ្សេងទៀតក៏អាចស្នើពាក្យអាហារូបករណ៍នេះបានដែរ ប៉ុន្តែគួរមានបទពិសោធន៍ក្នុងមន្ទីរពិសោធន៍វិទ្យាសាស្ត្រ ។
បេក្ខជនដែលមានចំណាប់អារម្មណ៍ក្នុងការដាក់ពាក្យសូមភ្ជាប់ជាមួយឯកសារចាំបាច់ដូចជា ទម្រង់ពាក្យស្នើសុំ, លិខិតអនុសាសន៍ចំនួន៣, របាយការណ៍អំពីប្រវត្តិវេជ្ជសាស្ត្រ, ប្រតិចារិកសិក្សា, សេចក្តីថ្លែងការណ៍នៃគោលបំណងដែលបញ្ជាក់ពីចំណាប់អារម្មណ៍របស់បេក្ខជនក្នុងការសិក្សា និងឯកសារជំនួយផ្សេងទៀតសម្រាប់ការពិនិត្យពាក្យសុំត្រូវបានទាមទារ ។
សម្រាប់ព័ត៌មានបន្ថែមសូមចូលទៅកាន់តំណភ្ជាប់ https://b4unew.com/chulabhorn-postgraduate-scholarship-in-thailand/ ។ ដើម្បីធ្វើការដាក់ពាក្យសូមចូលទៅកាន់តំណភ្ជាប់ https://www.cgi.ac.th/admissions/cgi-af-scholorship/ ។ ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី៣០ ខែកញ្ញា ឆ្នាំ២០២៣ ៕
