ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានជាតិបណ្តុះបណ្តាលបច្ចេកទេស ហៅកាត់ថា NTTI បានប្រកាសពីការផ្តល់អាហារូបករណ៍ចំនួន ៥០កន្លែង សម្រាប់ការសិក្សាថ្នាក់សញ្ញាបត្រជាន់ខ្ពស់បច្ចេកទេស (បរិញ្ញាបត្ររង) ក្នុងឆ្នាំសិក្សា២០២៥-២០២៦ លើជំនាញក្នុងវិស័យសេវាកម្មធុរកិច្ច/បច្ចេកវិទ្យាទូរគមនាគមន៍ និងព័ត៌មានវិទ្យា។
អាហារូបករណ៍នេះ ផ្តល់សម្រាប់តែការសិក្សាវេនរសៀល ពីម៉ោង ២ ដល់ម៉ោង ៥ល្ងាច។
ជំនាញដែលផ្តល់ជូនរួមមាន ៖ វិស្វកម្មព័ត៌មានវិទ្យា (Information Technology Engineering), វិស្វកម្មបណ្ដាញកុំព្យូទ័រ (Computer Networking Engineering), វិស្វកម្មអ៊ីនធឺណិតនៃវត្ថុ (IoT Engineering), វិស្វកម្មបច្ចេកវិទ្យានិម្មិត (Virtual Technology Engineering), សន្តិសុខសាយប័រ (Cybersecurity), បញ្ញាសិប្បនិម្មិតអនុវត្ត (Applied Artificial Intelligence), វិស្វកម្មសុសវែរ (Software Engineering), វិស្វកម្មរចនាក្រាហ្វិកកុំព្យូទ័រ និងមេឌៀ (Graphics Design and Media)។
លក្ខខណ្ឌនៃការជ្រើសរើស ៖ បេក្ខជនត្រូវមានសញ្ញាបត្របច្ចេកទេស និងវិជ្ជាជីវៈ ៣ ឬ ជាប់ ឬធ្លាក់ មធ្យមសិក្សាទុតិយភូមិ ឬសញ្ញាបត្រដែលមានតម្លៃស្មើ។
សំណុំលិខិតត្រូវបំពេញក្នុងការដាក់ពាក្យ ៖ ពាក្យសុំចុះឈ្មោះចូលរៀន ១ច្បាប់, សាលាកបត្រទទួលពាក្យចូលរៀន ២ច្បាប់, សញ្ញាបត្រ ឬលិខិតបញ្ជាក់មានតម្លៃស្មើ ២ច្បាប់, អត្តសញ្ញាណប័ណ្ណថតចម្លង ២ច្បាប់, រូបថតថ្មីផ្ទៃពណ៌ខៀវ (4×6) ចំនួន៣សន្លឹក។
សម្រាប់ព័ត៌មានលំអិតសូមធ្វេីការទំនាក់ទំនងវិទ្យាស្ថាន ដែលមានអាស័យដ្ឋានស្ថិតនៅតាមបណ្តោយផ្លូវសហព័ន្ធរុស្ស៊ី ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ ឬទំនាក់ទំនងតាមលេខទូសព្ទ 012 859 934 / 093 593 944៕
