ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សាធារណរដ្ឋប្រជាមានិតចិន កំពុងប្រកាសផ្តល់អាហារូបករណ៍ដល់និស្សិតកម្ពុជាចំនួន ១០ រូប ដើម្បីឱ្យទៅបន្តការសិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត លើមុខជំនាញផ្សេងៗ នៅ Harbin Institute of Technology, Shenzhen នៃប្រទេសចិន ក្រោមកម្មវិធីអាហារូបករណ៍ China-ASEAN Digital Academy ឆ្នាំ២០២៦។
យោងតាមក្រសួងអប់រំ យុវជន និងកីឡា អាហារូបករណ៍នេះ ភាគីចិននឹងរ៉ាប់រងថ្លៃសិក្សា, ប្រាក់អាហារូបករណ៍ ១០០០យន់ ក្នុងមួយខែ សម្រាប់ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ និងប្រាក់អាហារូបករណ៍ ៥០០០០យន់ ក្នុងមួយឆ្នាំសម្រាប់ថ្នាក់បណ្ឌិត។
បេក្ខជន បេក្ខនារី ដែលមានបំណងចូលរួមក្នុងកម្មវិធីអាហារូបការណ៍ខាងលើ អាចសាកសួរព័ត៌មាន និង បំពេញពាក្យសុំអាហារូបករណ៍ ដោយទាក់ទងផ្ទាល់ជាមួយ China-ASEAN Digital Academy Admission Office ដែលមានអាសយដ្ឋាន Room 721, Building H, Harbin Institute of Technology, Shenzhen University Town, Shenzhen, P.R. China; Postal Code: 518055 ឬតាម Email: digital-academy@hit.edu.cn ឬតាម WeChat Account “Digital Academy Applicant Consulting”។
បន្ទាប់ពីបេក្ខជន និងបេក្ខនារី បំពេញពាក្យសុំអាហារូបករណ៍តាមអនឡាញរួចហើយ សាមីខ្លួនត្រូវបោះពុម្ព (Print) ពាក្យសុំនោះ ដោយភ្ជាប់ឯកសារពាក់ព័ន្ធផ្សេងៗ បញ្ជូនមកការិយាល័យសហប្រតិបត្តិការទ្វេភាគី និងពហុភាគី នៃនាយកដ្ឋាន សហប្រតិបត្តិការអន្តរជាតិ និងកិច្ចការអាស៊ាន នៃក្រសួងអប់រំ យុវជន និងកីឡា ដែលមានអាសយដ្ឋានស្ថិតនៅ អគារលេខ២៣ ផ្លូវ៣៦០ សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ ឱ្យបានត្រឹមថ្ងៃទី២១ ខែឧសភា ឆ្នាំ២០២៦ វេលាម៉ោង១៦:០០នាទី។
ក្រោយកាលបរិច្ឆេទ នៃការឈប់ទទួលពាក្យសុំអាហារូបករណ៍ ក្រសួងនឹងជ្រើសរើសបេក្ខជនថ្នាក់បរិញ្ញាបត្រ ចំនួន ២នាក់ ថ្នាក់បរិញ្ញាបត្រជាន់ខ្ពស់ ចំនួន ៣នាក់ និងថ្នាក់បណ្ឌិត ចំនួន ៥នាក់ បញ្ជូនទៅឱ្យខាងស្ថានទូតចិន នៅរាជធានីភ្នំពេញ បន្តនីតិវិធី និងសម្រេចជាចុងក្រោយ៕
អត្ថបទ ៖ ឌិន ថារី
