ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
តាមរយៈកិច្ចសហការរវាងក្រសួងការងារ និងបណ្តុះបណ្តាលវិជ្ជាជីវៈ និង CIIC International Education Technology (Beijing) (CIICIE) នៃសាធារណរដ្ឋប្រជាមានិតចិន, ក្នុងឆ្នាំសិក្សា២០២៤-២០២៥ CIICIE បានផ្តល់អាហារូបករណ៍កម្រិតសញ្ញាបត្រជាន់ខ្ពស់បច្ចេកទេស លើមុខជំនាញ Animation Production Technology សម្រាប់សិស្ស-និស្សិតកម្ពុជាចំនួន៣០នាក់ ទៅសិក្សានៅសាកលវិទ្យាល័យ Shenzhen Polytechnic រយៈពេល៣ឆ្នាំ។
បើតាមក្រសួងការងារ និងបណ្តុះបណ្តាលវិជ្ជាជីវៈ អាហារូបករណ៍នេះ ភាគីចិនទទួលរ៉ាប់រងលើថ្លៃសិក្សា និងការស្នាក់នៅ រីឯការហូបចុក និងការចំណាយលើថ្លៃសំបុត្រយន្តហោះជាបន្ទុករបស់សាម៉ីខ្លួន។
សម្រាប់លក្ខខណ្ឌនៃការជ្រើសរើស ៖ បេក្ខជនទាំងពីរភេទត្រូវមានអាយុចាប់ពី១៨ឆ្នាំឡើង, ជាប់សញ្ញាបត្រមធ្យមសិក្សាទុតិយភូិ (អាទិភាពសម្រាប់សិស្សដែលមាននិទ្ទេសល្អ), មានសុខភាពល្អ និងឧស្សាហ៍ព្យាយាមក្នុងការសិក្សា។
ឯកសារដែលត្រូវបំពេញ និងភ្ជាប់ រួមមាន ៖ ពាក្យស្នើសុំអាហារូបករណ៍, ព្រឹត្តប័ត្រពិន្ទុមធ្យមសិក្សាទុតិយភូមិ (ភាសាអង់គ្លេស), សញ្ញាបត្រមធ្យមសិក្សាទុតិយភូមិ (ភាសាអង់គ្លេស), លិខិតថ្កោលទោស (ជាភាសាអង់គ្លេស), វិញ្ញាបនបត្របញ្ជាក់អំពីចំណេះដឹងផ្នែកភាសាអង់គ្លេស, លិខិតឆ្លងដែថតចម្លង។
ដូច្នេះ សាធារណជន សិស្ស-និស្សិត ដែលមានបំណងចង់ដាក់ពាក្យសុំអាហារូបករណ៍នេះ សូមបំពេញសំណុំឯកសារផ្សេងៗ និងផ្ញើទៅការិយាល័យទំនាក់ទំនង និងអាហារូបករណ៍ នៃនាយកដ្ឋានគ្រប់គ្រងគ្រឹះស្ថានសិក្សា ដែលមានអាសយដ្ឋាន ៖ ក្រសួងការងារ និងបណ្តុះបណ្តាលវិជ្ជាជីវៈ អគារលេខ៣ មហាវិថីសហព័ន្ធរុស្ស៊ី សង្កាត់ទឹកល្អក់១ ខណ្ឌទួលគោក រាជធានីភ្នំពេញ ចាប់ពីថ្ងៃផ្សាយដំណឹងនេះ រហូតដល់ថ្ងៃទី៥ ខែមេសា ឆ្នាំ២០២៤ ត្រឹមម៉ោង៥រសៀល៕
