ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មជ្ឈមណ្ឌលធនធានសោតទស្សន៍បុប្ផាណា (Bophana Center) បានប្រកាសទទួលពាក្យសុំចូលរៀនវគ្គបណ្តុះបណ្តាលផ្នែក «ផលិតភាពយន្តឯកសារ និងពហុប្រព័ន្ធផ្សព្វផ្សាយ» សម្រាប់ឆ្នាំសិក្សា ២០២៦-២០២៧។ គម្រោងនេះធ្វើឡើងក្រោមការឧបត្ថម្ភពីទីភ្នាក់ងារបារាំងសម្រាប់អភិវឌ្ឍន៍ (AFD), មូលនិធិហេនរីលូស៍ (The Henry Luce Foundation) និងមូលនិធិរៃ (Rei Foundation Limited)។
វគ្គបណ្តុះបណ្តាលនេះ ស្ថិតនៅក្រោមគម្រោង «លើកកម្ពស់ការថែរក្សាការចងចាំផ្នែកសោតទស្សន៍ និងការផ្តល់ភាពអង់អាចដល់យុវជន» ដែលមានរយៈពេល ៣ឆ្នាំ (២០២៥-២០២៨)។ ក្នុងមួយឆ្នាំ គម្រោងនឹងជ្រើសរើសយុវជនឆ្នើមចំនួន ១២នាក់ ដើម្បីទទួលបានអាហារូបករណ៍សិក្សាពេញលេញ។
លក្ខខណ្ឌនៃការជ្រើសរើស ៖ បេក្ខជនដែលមានបំណងដាក់ពាក្យ ត្រូវមានលក្ខណៈសម្បត្តិដូចជា ប្រជាជនកម្ពុជា រួមទាំងជនជាតិខ្មែរ ជនជាតិភាគតិច និងជនជាតិដើមភាគតិច, មានអាយុចាប់ពី ១៨ ដល់ ៣០ឆ្នាំ, គ្មានពិរុទ្ធភាព មានឆន្ទៈស្រឡាញ់ការចងក្រងឯកសារ (ស្ត្រី និងជនមានពិការភាព ត្រូវបានលើកទឹកចិត្តឱ្យដាក់ពាក្យ)។
អត្ថប្រយោជន៍ដែលទទួលបាន ៖ សិក្ខាកាមដែលត្រូវបានជ្រើសរើសនឹងទទួលបាន ការសិក្សា និងប្រើប្រាស់សម្ភារៈថតដោយឥតបង់ថ្លៃ, ការធានារ៉ាប់រងសុខភាពក្នុងអំឡុងពេលសិក្សា, ផ្តល់កន្លែងស្នាក់នៅ សម្រាប់សិស្សដែលមកពីបណ្តាខេត្ត, វិញ្ញាបនបត្របញ្ជាក់ការសិក្សា និងឱកាសបង្ហាញស្នាដៃក្នុងមហោស្រពភាពយន្តទាំងក្នុង និងក្រៅប្រទេស។
សម្រាប់បេក្ខជនដែលចាប់អារម្មណ៍ សូមបំពេញទម្រង់ពាក្យស្នើសុំចូលរៀន តាមរយៈតំណភ្ជាប់ ៖ https://forms.gle/USfTyjaG6xNoFDD59 ឬទៅទទួលពាក្យដោយផ្ទាល់នៅមជ្ឈមណ្ឌលធនធានសោតទស្សន៍បុប្ផាណា។
កាលបរិច្ឆេទឈប់ទទួលពាក្យ ៖ ថ្ងៃទី២២ ខែកុម្ភៈ ឆ្នាំ២០២៦។
កាលបរិច្ឆេទសិក្សា៖ ថ្ងៃទី៩ ខែមីនា ឆ្នាំ២០២៦ ដល់ ថ្ងៃទី៨ ខែមីនា ឆ្នាំ២០២៧។
ម៉ោងសិក្សា៖ ថ្ងៃចន្ទ – សុក្រ (៨ម៉ោងក្នុងមួយថ្ងៃ) នៅមជ្ឈមណ្ឌលបុប្ផាណា រាជធានីភ្នំពេញ។
សម្រាប់ព័ត៌មានបន្ថែមសូមទំនាក់ទំនងតាមរយៈទូរសព្ទ៖ ០១០ ៧៧៥ ១៥១ ឬ ០១៧ ៦៧២ ៩២៦៕
