ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ CamTech សម្រាប់វគ្គសិក្សាថ្មី ។ បេក្ខជនជ័យលាភីអាហារូបករណ៍នឹងត្រូវគោរពតាមលក្ខខណ្ឌនៃកាលវិភាគសិក្សានៃកម្មវិធីសិក្សា។

ជំនាញដែលអាហារូបករណ៍ផ្ដល់ជូនថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតរួមមាន បច្ចេកវិទ្យាបរិស្ថាន, ការគ្រប់គ្រងបច្ចេកវិទ្យា (Technology Management), Technology Governance, វិទ្យាសាស្ត្រទិន្នន័យ (Data Science), បញ្ញាសិប្បនិម្មិត (Artificial Intelligence), សុវត្ថិភាពតាមអ៊ីនធឺណិត (Cybersecurity), បច្ចេកវិទ្យាឧស្សាហកម្ម (Industrial Technology), បច្ចេកវិទ្យាកសិកម្ម (Agriculture Technology), បច្ចេកវិទ្យាអប់រំ (Education Technology), បច្ចេកវិទ្យាហិរញ្ញវត្ថុ (Financial Technology) និង ការសិក្សាវិទ្យាសាស្ត្រ និងបច្ចេកវិទ្យា (Science and Technology Studies)។

លក្ខខណ្ឌបេក្ខជនក្នុងការដាក់ពាក្យ ៖ សម្រាប់ថ្នាក់បរិញ្ញាបត្រជាន់ខ្ពស់ ត្រូវមានសញ្ញាបត្រថ្នាក់បរិញ្ញាបត្រដែលមានពិន្ទុ GPA ៣.២០ឡើង មានពិន្ទុជំនាញភាសាអង់គ្លេសដែលត្រូវនឹងការធ្វើតេស្តមួយក្នុងចំណោមការធ្វើតេស្ត ដូចជា IELTS ៦.០ យ៉ាងតិច, TOEFL iBT យ៉ាងតិច៦០, TOEFL PBT យ៉ាងតិច៥០០ ឬ CEFE យ៉ាងតិច B2។ ជាមួយគ្នានេះ បេក្ខជនត្រូវមាននិក្ខេបបទសំណើរស្រាវជ្រាវដែលមានកំណត់ត្រាបទបង្ហាញ នៃការបោះពុម្ពផ្សាយ (ប្រសិនបើមាន) លិខិតអនុសាសន៍ចំនួនពីរ។

សម្រាប់ថ្នាក់បណ្ឌិត ត្រូវមានសញ្ញាបត្រថ្នាក់បរិញ្ញាបត្រជាន់ខ្ពស់មានពិន្ទុ GPA ៣.៥០ យ៉ាងតិច (ដែលទទួលស្គាល់ដោយក្រសួងអប់រំក្នុងប្រទេសកម្ពុជា ឬក្រៅប្រទេស) មានពិន្ទុជំនាញភាសាអង់គ្លេសដែលត្រូវនឹងការធ្វើតេស្តមួយក្នុងចំណោមការធ្វើតេស្តខាងក្រោមដូចជា IELTS ៦.៥ យ៉ាងតិច, TOEFL iBT យ៉ាងតិច៨០, TOEFL PBT យ៉ាងតិច៥៥០ ឬ CEFEយ៉ាងតិច C1 និងសំណើរស្រាវជ្រាវថ្នាក់បរិញ្ញាបត្រជាន់ខ្ពស់ដែលមានកំណត់ត្រាបទបង្ហាញ នៃការបោះពុម្ពផ្សាយ (ប្រសិនបើមាន) លិខិតអនុសាសន៍ចំនួនពីរ។

ដើម្បីធ្វើការដាក់ពាក្យអាចចូលទៅកាន់តំណភ្ជាប់ https://ee-eu.kobotoolbox.org/x/FaebcANX ។ សម្រាប់ព័ត៌មានបន្ថែមអាចចូលទៅកាន់ https://camtech.edu.kh/masters-and-phd-programs/ ឬអាចទំនាក់ទំនងទៅកាន់ Dr. May Thu តាមរយៈ ០១២ ៦៩៩ ៦៣៣ ឬ Email: may.thu@camtech.edu.kh ៕