ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រសួងអប់រំ យុវជន និងកីឡា សហការណ៍ជាមួយទីភ្នាក់ងារសហប្រតិបត្តិការអន្តរជាតិជប៉ុន (JICA) ប្រកាសជ្រើសរើសគ្រូឧទ្ទេសដើម្បីទៅសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅប្រទេសជប៉ុនចំនួន៥កន្លែង។
ជំនាញមុខវិជ្ជាដែលត្រូវបណ្ដុះបណ្ដាលរួមមាន សិក្សាសង្គម ចិត្តវិទ្យាអប់រំ ICT ក្នុងការអប់រំ និង ការអប់រំវិទ្យាសាស្ត្រ។ បេក្ខជនដែលទទួលបានអាហារូបករណ៍ និងក្រោយបញ្ចប់ការសិក្សាត្រូវបម្រើការនៅវិទ្យាស្ថានគរុកោសល្យបាត់ដំបង មជ្ឈមណ្ឌលគរុកោសល្យភូមិខេត្តកណ្ដាល និងកំពង់ចាម។ ជាមួយគ្នានេះ បេក្ខជននឹងទទួលបានការឧបត្ថម្ភពីរដ្ឋាភិបាលជប៉ុនដូចជា ការផ្ដល់ប្រាក់អាហារូបករណ៍ ថ្លៃផ្គត់ផ្គង់អាហារ ការស្នាក់នៅ និងសំបុត្រយន្តហោះទៅមកកម្ពុជា-ជប៉ុន-កម្ពុជា។
លក្ខខណ្ឌនៃការជ្រើសរើស បេក្ខជនទាំងពីរភេទត្រូវមានសញ្ជាតិខ្មែរ មានអាយុក្រោម៤០ឆ្នាំគិតត្រឹមថ្ងៃទី១៨ ខែមករា ឆ្នាំ២០២៤ មានសញ្ញាបត្របរិញ្ញាបត្រ ឬសញ្ញាបត្រដែលមានតម្លៃសមមូលត្រូវនឹងមុខវិជ្ជាដែលបានជ្រើសរើស។ លើសពីនេះ មានបទពិសោធន៍ក្នុងការបង្រៀនយ៉ាងតិច៥ឆ្នាំ មានចំណេះដឹងភាសាអង់គ្លេសជ្រៅជ្រះ មានសុខភាពល្អទាំងកាយសម្បទា និងសតិបញ្ញា កំពុងបម្រើការងារនៅតាមគ្រឹះស្ថានសិក្សាសាធារណៈក្រោមឱវាទក្រសួងអប់រំ យុវជន និងកីឡា។ សម្រាប់គ្រូឧទ្ទេសនៅវិទ្យាស្ថានគរុកោសល្យ មជ្ឈមណ្ឌលគរុកោសល្យភូមិភាគ និងសាលាគរុកោសល្យ និងវិក្រឹតការខេត្តត្រូវបានផ្ដល់អាទិភាព។
បេក្ខជនដែលមានបំណងដាក់ពាក្យស្នើសុំអាហារូបករណ៍អាចទាញយកបាក្យតាមរយៈ https://drive.google.com/drive/folders/1tNRv9IzvliGz2AZkb6UqChDj9Uwp1PlQ និងបំពេញរួចផ្ញើទៅកាន់ក្រសួងអប់រំ យុវជន និងកីឡាជាHard Copy ផ្ទាល់និងជា Soft Copy តាមប្រព័ន្ធអេឡិចត្រូនិចដោយរៀបចំជា PDF (នាយកដ្ឋានបណ្ដុះបណ្ដាល និងវិក្រឹតការ តាមរយៈតេលេក្រាម ០១៧ ៥៥១ ០២១) ចាប់ពីថ្ងៃផ្សាយដំណឹងរហូតដល់ថ្ងៃទី១៨ ខែមករា ឆ្នាំ២០២៤ វេលាម៉ោង១៧:០០នាទី។
សម្រាប់ព័ត៌មានលម្អិត និងបន្ថែមអាចទំនាក់ទំនងទៅមន្ត្រីកម្មវិធីរបស់អង្គការ JICA តាមរយៈទូរស័ព្ទ ០៩៥ ៨៨៨ ៦៦៧ (Srun Danith) ឬតាមរយៈ Email: Srun-Danith@jica.go.jp ៕
