វិទ្យាស្ថានពហុច្ចេកទេសភូមិភាគតេជោសែនសៀមរាប កំពុងប្រកាសជ្រើសរើស យុវជន និងសាធារណជនចូលសិក្សាជំនាញវិជ្ជាជីវៈដោយឥតគិតថ្លៃសម្រាប់វគ្គសិក្សាថ្មី។ ការសិក្សាផ្ដល់ជូនគឺមាន​រហូត​ដល់ជិត២ពាន់នាក់សម្រាប់ឆ្នាំសិក្សាថ្មីក្រោមកម្មវិធី TVET C1-១.៥លាននាក់។

ជំនាញដែលអាហារូបករណ៍ផ្ដល់ជូនរួមមាន ៖ ជំនាញការដំឡើងបណ្ដាញអគ្គិសនីក្នុងអគារ២៧០កន្លែង, ជំនាញសេវាកម្មបរិក្ខាត្រជាក់ក្នុងគេហដ្ឋាន២៧០កន្លែង, ជំនាញការរចនាក្រាហ្វិកដោយកុំព្យូទ័រ១៥០កន្លែង, ជំនាញការដំឡើង និងថែទាំកាមេរ៉ាសុវត្ថិភាព៦០កន្លែង, ជំនាញការងារកំបោរ៩០កន្លែង, ជំនាញការដំឡើងបណ្ដាញបំពង់ទឹក៩០កន្លែង, ជំនាញសេវាកម្មកុំព្យូទ័រ១៧០កន្លែង, ជំនាញសេវាកម្មរដ្ឋបាល១២០កន្លែង, ជំនាញធុរកិច្ចភេសជ្ជៈ១២០កន្លែង, ជំនាញសេវាកម្មសម្អាងកាយ១៨០កន្លែង, ជំនាញសេវាកម្មកាត់សក់បុរស១៥០កន្លែង និងជំនាញការធ្វើម្ហូបខ្មែរ១៨០កន្លែង។

លក្ខខណ្ឌនៃការជ្រើសរើស ៖ បេក្ខជន បេក្ខនារី ឬសាធារណជនគ្រប់រូបដែលមានសញ្ជាតិខ្មែរ, បោះបង់ការសិក្សា ឬមិនមានជំនាញ, ជាបុគ្គលដែលមកពីគ្រួសារក្រីក្រ គ្រួសារងាយរងហានិភ័យ កម្មករនិយោជិត នៃសេដ្ឋកិច្ច ក្នុងនិងក្រៅប្រព័ន្ធ និងសាធារណជនទូទៅ។

អត្ថប្រយោជន៍​ដែលទទួលបានពីអាហារូបករណ៍ ៖ ការ​សិក្សា​ដោយ​ឥតបង់ថ្លៃ, ទទួលបានប្រាក់ឧបត្ថម្ភ​ប្រចាំខែចំនួន ២៨ម៉ឺនរៀល​ក្នុង១ខែ ដោយ​សិក្សា​ពេញម៉ោងសម្រាប់យុវជន​មាន​បណ្ណសមធម៌ ឬបណ្ណគ្រួសារងាយរងហានិភ័យ, មានផ្តល់​ការ​ប្រឹក្សា​យោបល់​ពីការជ្រើសរើសជំនាញ និង​ព័ត៌មានទីផ្សារ​ការងារ, ផ្តល់​កន្លែង​ចុះ​កម្មសិក្សា​នៅ​តាម​សហគ្រាស គ្រឹះស្ថាន​ឧស្សាហកម្ម និង​ក្រុមហ៊ុន​ឯកជន, ទទួលបានសញ្ញាបត្របច្ចេកទេស និង​វិជ្ជាជីវៈ១ និង​ឱកាស​បន្ត​ការ​សិក្សា, ទទួល​បាន​ជំនាញ​មួយ​ពិតប្រាកដ​ដែល​ទីផ្សារការងារកំពុងត្រូវការ, ទទួល​បាន​ឱកាស​ការងារធ្វើ​សមរម្យ និង​ចំណូលទៀងទាត់។

បេក្ខជនត្រូវមានឯកសារភ្ជាប់ក្នុងការ​ដាក់ពាក្យ​ចូលរៀនដូចជា ៖ សៀវភៅ​គ្រួសារ (ថតចម្លង) ១ច្បាប់, សំបុត្រ​កំណើត (ថតចម្លង) ១ច្បាប់, អត្តសញ្ញាណបណ្ណសញ្ជាតិខ្មែរ (ថតចម្លង) ១ច្បាប់, រូបថតថ្មី​ផ្ទៃពណ៌ខៀវ (ទំហំ៤x៦) ៤សន្លឹក, រូបថតថ្មីផ្ទៃ​ពណ៌ខៀវ (ទំហំ៣x៤) ២សន្លឹក, បណ្ណសមធម៌ ឬបណ្ណសម្គាល់​គ្រួសារងាយរងហានិភ័យ ឬបណ្ណសម្គាល់​ជន​មានពិការភាព ឬបណ្ណមូលនិធិ​សមធម៌សុខាភិបាល ឬលិខិតឧទ្ទេសនាម​ដោយ​រដ្ឋបាល​ខេត្តស្រុក/ក្រុង ឃុំ/សង្កាត់ (ច្បាប់ដើម)។

សម្រាប់ព័ត៌មានបន្ថែមអាចទំនាក់ទំនងទៅកាន់ ០៩៦ ៦៦៦ ០៣ ០៦ / ០៨៩ ៤៨៣ ៦២៣ / ០៦៩ ៧២៨ ៩៩៦ ឬទៅកាន់វិទ្យាស្ថានដោយផ្ទាល់ដែលមានទីតាំងស្ថិតនៅភូមិបន្ទាយចាស់ សង្កាត់ស្លក្រាម ក្រុងសៀមរាប ខាងកើតផ្សារសាមគ្គី៧០ម៉ែត្រ។ ចាប់ទទួលការចុះឈ្មោះចូលរៀនពីថ្ងៃផ្សាយដំណឹងនេះរហូតគ្រប់ចំនួនកំណត់៕