រូបថតជាប់ជ័យ​លាភីលេខ១ ការ​ប្រកួត​ថតរូបយុវជន​អាស៊ាន​ឆ្នាំ​២០២២ មានអត្ថន័យ​បង្ហាញពី​សាមគ្គីភាព និង​ការ​រួបរួមរបស់ប្រជាជនខ្មែរ

ភ្នំពេញ – ក្នុង​ការ​ប្រកួត​ថតរូប​យុវជន​អាស៊ាន​ឆ្នាំ​២០២២ ក្រោម​ប្រធានបទ «សាមគ្គីដើម្បី​ប្រយោជន៍​រួម» ជា​មោទនភាព ​យុវជន​កម្ពុជា​ចំនួន២រូប បាន​ឈ្នះជ័យលាភីលេខ១ និង​លេខ៣ នៅ​ក្នុង​ការ​ប្រកួតនោះ។

លោក អ៊ុំ ផានិត យុវជន​កម្ពុជា ដែល​ជាម្ចាស់ជ័យលាភីលេខ១ នៃការប្រកួតថតរូបអាស៊ានឆ្នាំ២០២២ បានឱ្យដឹងថា រូបថត​របស់លោកដែលទទួលបានជ័យលាភីលេខមួយនេះ គឺបានបង្ហាញពីទិដ្ឋភាពមួយផ្នែកនៃការសហការណ៍ និងសាមគ្គីរបស់ប្រជាជន​ ដោយ​ពួក​គាត់បានរួមគ្នាសងស្ពានធ្វើពីឬស្សីដើម្បីឆ្លងកាត់ដៃទន្លេ​នៅរដូវទឹកស្រក ។ រូបភាពនោះ គឺលោកបានថត​នៅ «ស្ពានឫស្សីកោះប៉ែន» ស្ថិតនៅឃុំកោះមិត្ត ក្រុងកំពង់ចាម ខេត្តកំពង់ចាម ។

ម្ចាស់ជ័យលាភីលេខ១រូបនេះបានបន្តថា ស្ពានឫស្សីកោះប៉ែននេះ មិនត្រឹមតែអាចជួយសម្រួលដល់ការធ្វើដំណើរដល់ប្រជាជន​ក្នុងតំបន់ទេ ថែមទាំងជាកន្លែងទេសចរណ៍ដែលល្បីឈ្មោះក្នុងខេត្តកំពង់ចាម និងល្បីឈ្មោះទៅកាន់ទូទាំងពិភពលោកផងដែរ ព្រោះ​ស្ពានឫស្សីកោះប៉ែននេះ ត្រូវ​គេសងដោយប្រើប្រាស់ដើមឫស្សី ក្រងជាប្រដឹសជាប់គ្នា។ ស្ពានឬស្សីនេះ អាចទ្រទម្ងន់ឡានធន់តូច ម៉ូតូ និងការឆ្លងដោយថ្មើរជើងផងដែរ ។

ដោយឡែក កញ្ញា ទែន បូរី ដែលជាប់ជ័យ​លាភីលេខ៣ ក្នុង​ការ​ប្រកួត​ថតរូប​យុវជន​អាស៊ាន រូបថតរបស់នាង ក៏​មាន​អត្ថន័យ​ប្រហាក់ប្រហែល​នឹង​លោក អ៊ុំ ផានិត ដែរ ដោយ​នាង​បាន​ថតបង្ហាញអំពីសកម្មភាពរបស់ប្រជាជន​ក្នុងខេត្តកំពង់ស្ពឺកំពុងស្ទូងស្រូវបណ្ដាក់គ្នានៅក្នុងភូមិមួយ​។ កញ្ញា បូរី បញ្ជាក់ថា សកម្មភាពក្នុង​រូបថតនោះ បាន​បង្ហាញនូវការសាមគ្គី និងយកអាសាគ្នាក្នុងសហគមន៍ ក៏ដូចជាក្នុងភូមិតែមួយ ហើយ​រូបថតមួយ​សន្លឹកនេះ ក៏​បានបញ្ជាក់ឱ្យឃើញពីទំនៀមទម្លាប់ជួយគ្នាក្នុងសហគមន៍របស់ប្រជាពលរដ្ឋខ្មែរឱ្យមានភាពរីកចម្រើន និងប្រកដោយសន្តិភាពផងដែរ។

ជារួមមក លោក អ៊ុំ ផានិត និង កញ្ញា ទែន បូរី ពិតជាមានក្ដីសោមនស្សរីករាយណាស់ដែលខ្លួន​ទទួលបានជ័យលាភីក្នុងចំណោមបេក្ខជនជាច្រើនមកពីប្រទេសក្នុងតំបន់អាស៊ាន ។ ជាមួយ​គ្នានេះ ម្ចាស់ជ័យលាភីទាំង២រូប ក៏​លើកទឹកចិត្តដល់យុវជនខ្មែរទាំងអស់ សូម​ចូលរួមក្នុងការប្រកួតប្រជែងនានាទាំងក្នុងប្រទេស និងអន្តរជាតិដើម្បីទទួលបានបទពិសោធន៍ជាមួយនឹងអ្នកមានសម្ថភាពផ្សេងទៀត និងបង្កើនមិត្តភាពឱ្យបានកាន់តែប្រសើរ ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រចំនួន១៦០កន្លែងនៅវិទ្យាស្ថានជាតិសង្គមកិច្ច ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 25/10/2024

ឱកាសសិក្សាអាហារូបករណ៍ថ្នាក់បរិញ្ញាបត្រចំនួន១៦០កន្លែងនៅវិទ្យាស្ថានជាតិសង្គមកិច្ចក្នុងឆ្នាំសិក្សា២០២៤-២០២៥។ អាហារូបករណ៍ជាការគាំទ្រពី ឯកឧត្តមអភិបណ្ឌិត ស សុខា និង លោកជំទាវ កែ សួនសុភី សហការជាមួយវិទ្យាស្ថានជាតិសង្គមកិច្ច។

ឱកាសសិក្សាអាហារូបករណ៍ផ្នែក Digital Marketing តាមរយៈ Online ពីសាកលវិទ្យាល័យ Edinburgh

ព័ត៌មានអាហារូបករណ៍, ព្រឹត្តិការណ៍

• 25/07/2023

ឱកាសសិក្សាអាហារូបករណ៍ផ្នែក Digital Marketing នៅសាកលវិទ្យាល័យ Edinburgh នៅចក្រភពអង់គ្លេសឆ្នាំសិក្សា២០២៣ ។ វគ្គសិក្សាផ្ដល់ជូនរយៈពេល៨សប្ដាហ៍សម្រាប់ពង្រឹងសមត្ថភាព...

ឱកាសផ្លាស់ប្ដូរការសិក្សារយៈពេលខ្លីពីកម្មវិធីអាហារូបរកណ៍ Tech Girls សម្រាប់សិស្សវិទ្យាល័យឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 11/10/2023

ឱកាសផ្លាស់ប្ដូរការសិក្សារយៈពេលខ្លីពីកម្មវិធីអាហារូបករណ៍TechGirlsនៅសហរដ្ឋអាមេរិកឆ្នាំសិក្សា២០២៤ សម្រាប់ក្មេងស្រីដែលកំពុងសិក្សានៅថ្នាក់វិទ្យាល័យ...

ឱកាសសិក្សាជំនាញ AI ពីកម្មវិធី Google Course Artificial Intelligence 2024 តាមរយៈ Online

ព័ត៌មានអាហារូបករណ៍, ព្រឹត្តិការណ៍

• 01/02/2024

កម្មវិធី Google Course Artificial Intelligence 2024 ផ្ដល់ការសិក្សាអំពី Artificial Intelligence(AI) សម្រាប់ឆ្នាំសិក្សា២០២៤ ។ ការសិក្សាវគ្គខ្លីនេះផ្ដល់...

សាកលវិទ្យាល័យដ៏ល្បីផ្នែកសុខាភិបាលរបស់អាមេរិក UAB ប្រកាសផ្តល់អាហារូបករណ៍​ថ្នាក់បរិញ្ញាបត្រ​ដល់និស្សិតអន្តរជាតិ

ព័ត៌មានអាហារូបករណ៍, ព្រឹត្តិការណ៍

• 19/05/2026

សាកលវិទ្យាល័យ Alabama at Birmingham (UAB) ដែលជាគ្រឹះស្ថានឧត្តមសិក្សាដ៏ល្បីល្បាញ​មួយនៅសហរដ្ឋអាមេរិក​​លើផ្នែក​វិទ្យាសាស្ត្រ​សុខាភិបាល បានប្រកាសផ្តល់ «អាហារូបករណ៍និស្សិតអន្តរជាតិ UAB»

អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតពីកម្មវិធី Melbourne Graduate Research

ព័ត៌មានអាហារូបករណ៍, ព្រឹត្តិការណ៍

• 11/07/2024

ឱកាសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Melbourne ពីកម្មវិធី Melbourne Graduate ...

អាហារូបករណ៍ថ្នាក់បរិញ្ញាបត្រនៅសាកលវិទ្យាល័យអាមេរិកាំងភ្នំពេញចំនួន១០០កន្លែងឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 14/12/2023

គណៈកម្មាធិការអាហារូបករណ៍សិស្ស-និស្សិតក្រីក្រសម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិតប្រកាសផ្ដល់អាហារូបករណ៍សិក្សានៅសាកលវិទ្យា...

ឱកា​សសិក្សាជំនាញបច្ចេកទេស និង​វិជ្ជាជីវៈ ឥតគិតថ្លៃ នៅ​វិទ្យាស្ថានពហុបច្ចេកទេស​ខេត្តបន្ទាយមានជ័យ

ព័ត៌មានអាហារូបករណ៍, ព្រឹត្តិការណ៍

• 10/02/2025

វិទ្យាស្ថានពហុបច្ចេកទេស​ខេត្ត​បន្ទាយមានជ័យ បានប្រកាសផ្តល់អាហារូបករណ៍​ចំនួន ៩៩០កន្លែង សម្រាប់ការ​សិក្សាជំនាញបច្ចេកទេស និងវិជ្ជាជីវៈ ដោយ​ឥតបង់ថ្លៃដល់ប្រជាពលរដ្ឋ យុវជន យុវនារី កម្មករ កម្មការិនី និង​ជនចំណាកស្រុក​ដែល​មក​ពី​គ្រួសារក្រីក្រ...

ឱកាសសិក្សាអាហារូបករណ៍ថ្នាក់ឧត្ដមសិក្សាពីរដ្ឋាភិបាលរុស្សីឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 15/11/2023

ឱកាសសិក្សាអាហារូបករណ៍ថ្នាក់បរិញ្ញបត្រ ថ្នាក់បរិញ្ញាបត្រជាន់ខ្ពស់ ថ្នាក់បណ្ឌិត និងថ្នាក់ឯកទេស(Specialist)ចំនួន៤០កន្លែងនៅសហព័ន្ធរុស្សីពីកម្មវិធីអាហារូបករណ៍...