ឱកាសអប់រំ បើកផ្លូវអនាគតសម្រាប់ក្មេងស្រីកម្ពុជាពីគ្រួសារខ្វះខាត ឈានទៅរកឱកាសការងារ

ពីក្មេងស្រីម្នាក់មកពីគ្រួសារមានជីវភាពខ្វះខាត និងស្ទើរតែគ្មានឱកាសបន្តការសិក្សា បច្ចុប្បន្ន ង៉ែត ចាប អាយុ ២៥ឆ្នាំ កំពុងក្លាយជានិស្សិតកំពុងបន្តការសិក្សាថ្នាក់បរិញ្ញាបត្រជាន់ខ្ពស់អប់រំ។ សម្រាប់នាង ឱកាសទទួលបានការអប់រំតាំងពីកុមារភាព មិនត្រឹមតែផ្តល់ចំណេះដឹងប៉ុណ្ណោះទេ ប៉ុន្តែបានផ្លាស់ប្តូរទស្សនៈ និងទិសដៅអនាគតរបស់នាងផងដែរ។

នាងបានចូលរៀនតាំងពីវ័យក្មេង ក្នុងកម្មវិធីអប់រំដែលផ្តល់ឱកាសដល់ក្មេងស្រីមកពីគ្រួសារដែលមានជីវភាពខ្វះខាត។ ក្រៅពីមុខវិជ្ជាទូទៅ នាងបានសិក្សាភាសាបារាំង អង់គ្លេស និងចិន ព្រមទាំងចូលរួមសកម្មភាពសិល្បៈ កីឡា និងការងារស្ម័គ្រចិត្ត។

 និស្សិត ង៉ែត ចាប អាយុ ២៥ឆ្នាំ

ង៉ែត ចាប រៀបរាប់ប្រាប់ AMS ថា «សម្រាប់ខ្ញុំ ការសិក្សាបានផ្លាស់ប្តូរអនាគតរបស់ខ្ញុំ។ ពីក្មេងស្រីម្នាក់ដែលគ្រួសារមានស្ថានភាពខ្វះខាត រហូតទទួលបានចំណេះដឹង កំពុងសិក្សាថ្នាក់ម៉ាស្ទ័រ និងមានឱកាសចូលរួមការងារក្នុងសង្គម» ។

កាលពីដំបូង នាងមិនធ្លាប់គិតថាខ្លួនអាចបន្តការសិក្សារហូតដល់កម្រិតបរិញ្ញាបត្រជាន់ខ្ពស់ឡើយ។ គោលដៅរបស់នាងនៅពេលនោះ គ្រាន់តែចង់រៀនឱ្យចប់ថ្នាក់ទី១២។ ប៉ុន្តែការគាំទ្រដែលនាងទទួលបាន បានធ្វើឱ្យគោលដៅនោះបន្តផ្លាស់ប្តូរតាមដំណាក់កាលនៃការសិក្សា រហូតដល់ការរៀបចំខ្លួនសម្រាប់អនាគតការងារ។

ការផ្លាស់ប្តូរបែបនេះក៏កើតឡើងចំពោះ ណូ ដាលែន ដែលបានចូលរៀនតាំងពីអាយុ៧ឆ្នាំ។ បច្ចុប្បន្ន នាងមានអាយុ២៦ឆ្នាំ ជានិស្សិតពេទ្យ បន្ទាប់ពីឆ្លងកាត់ការសិក្សាជាច្រើនឆ្នាំ ដើម្បីឈានទៅរកវិជ្ជាជីវៈដែលខ្លួនបានជ្រើសរើស។

ដាលែនរៀបរាប់ថា កាលពីនៅតូច នាងមិនធ្លាប់គិតថា ខ្លួនអាចបន្តការសិក្សារហូតដល់កម្រិតនេះឡើយ ដោយសារតែគ្រួសារមានជីវភាពខ្វះខាត។ ការគាំទ្រផ្នែកការសិក្សា និងការថែទាំជាបន្តបន្ទាប់ បានជួយឱ្យនាងអាចបន្តការសិក្សា និងជ្រើសរើសជំនាញដែលខ្លួនចង់បាន។

និស្សិត ណូ ដាលែន អាយុ២៦ឆ្នាំ

«ខ្ញុំមិនដែលគិតទេថា ខ្លួននឹងបានមកដល់ថ្ងៃនេះ ព្រោះខ្ញុំជាក្មេងស្រីម្នាក់ដែលចេញពីគ្រួសារមានជីវភាពខ្វះខាត។ ការជ្រើសរើសជំនាញនេះ ក៏ដោយសារតែខាងសាលាបានជួយ និងគាំទ្រខ្ញុំ»

ក្នុងបរិបទនេះ អង្គការ Toutes à l’école បានចាប់ផ្តើមផ្តល់ការអប់រំដល់ក្មេងស្រីដែលជួបការលំបាកនៅកម្ពុជា តាំងពីឆ្នាំ២០០៥ តាមរយៈសាលាហេបភីច័ន្ទតារាស្ថិតនៅសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។ ការគាំទ្ររួមមានការអប់រំទូទៅ ភាសាបរទេស ការបណ្តុះបណ្តាលវិជ្ជាជីវៈ និងការបន្តការសិក្សាថ្នាក់ឧត្តមសិក្សា។

សូមជម្រាបថា មានក្មេងស្រីជាង ១ ៧០០នាក់ បានចុះឈ្មោះក្នុងការទទួលបានការអប់រំ ហើយមានសិស្សថ្មីប្រមាណ ១០០នាក់ ចូលរៀនជារៀងរាល់ឆ្នាំ។ ការគាំទ្រត្រូវបានបន្តពីការសិក្សា រហូតដល់ការបណ្តុះបណ្តាលវិជ្ជាជីវៈ និងការចាប់ផ្តើមការងារដំបូងរបស់ពួកគេ។

លោកស្រី Juliette DUQUERROY មន្ត្រីផ្នែកទំនាក់ទំនងនៅសាលាហេបភីច័ន្ទតារា បានលើកឡើងថា ការងាររបស់អង្គការផ្តោតលើការផ្តល់ឱកាសឱ្យក្មេងស្រីកម្ពុជាទទួលបានការអប់រំ និងអភិវឌ្ឍសមត្ថភាព ដើម្បីអាចបន្តការសិក្សា និងចូលរួមក្នុងសង្គមបានកាន់តែប្រសើរ។

លោកស្រីក៏បានចាត់ទុកការងារនេះថា ជាផ្នែកមួយនៃកិច្ចសហប្រតិបត្តិការរវាងកម្ពុជា និងបារាំង ដែលមានទំនាក់ទំនងយូរអង្វែង ជាពិសេសក្នុងវិស័យអប់រំ និងការអភិវឌ្ឍធនធានមនុស្ស។

កញ្ញា Juliette DUQUERROY មន្ត្រីផ្នែកទំនាក់ទំនងនៅសាលាហេបភីច័ន្ទតារា

ពីក្មេងស្រីដែលធ្លាប់មិនប្រាកដថាខ្លួននឹងមានឱកាសរៀនបានខ្ពស់ ទៅជានិស្សិតដែលកំពុងរៀបចំខ្លួនសម្រាប់អាជីពរបស់ខ្លួន ដំណើររបស់ពួកគេបង្ហាញថា ឱកាសអប់រំអាចជួយឱ្យក្មេងស្រីពីគ្រួសារខ្វះខាត បង្កើនសមត្ថភាព បន្តការសិក្សា និងឈានទៅរកឱកាសការងារដែលពួកគេធ្លាប់មិនហ៊ានស្រមៃ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសផ្លាស់ប្ដូរការសិក្សារយៈពេលខ្លីពីកម្មវិធីអាហារូបរកណ៍ Tech Girls សម្រាប់សិស្សវិទ្យាល័យឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 11/10/2023

ឱកាសផ្លាស់ប្ដូរការសិក្សារយៈពេលខ្លីពីកម្មវិធីអាហារូបករណ៍TechGirlsនៅសហរដ្ឋអាមេរិកឆ្នាំសិក្សា២០២៤ សម្រាប់ក្មេងស្រីដែលកំពុងសិក្សានៅថ្នាក់វិទ្យាល័យ...

អាហារូបករណ៍រដ្ឋាភិបាលចិន ផ្លូវមួយ ខ្សែក្រវ៉ាត់មួយ ជំនាញវេជ្ជសាស្ត្រ

ព័ត៌មានអាហារូបករណ៍, ព្រឹត្តិការណ៍

• 02/04/2026

ឱកាស​ទទួលបានអាហារូបករណ៍រដ្ឋាភិបាលចិន ផ្លូវមួយ ខ្សែក្រវ៉ាត់មួយ ប្រភេទ CSC Type B ទៅសិក្សា​ជំនាញវេជ្ជសាស្ត្រ ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ឆ្នាំសិក្សា ២០២៦-២០២៧ នៅប្រទេសចិន

សិក្សាជំនាញ៨ ឥតគិតថ្លៃ នៅ​វិទ្យាស្ថាន​ជាតិសហគ្រិនភាព និង​នវានុវត្តន៍ (NIEI)

ព័ត៌មានអាហារូបករណ៍, ព្រឹត្តិការណ៍

• 20/02/2025

សម្រាប់យុវជនមកពីគ្រួសារក្រីក្រ/គ្រួសារងាយរងហានិភ័យ កម្មករនិយោជិតនៃសេដ្ឋកិច្ចក្នុងនិងក្រៅប្រព័ន្ធ និងសារធារណៈជនទូទៅ ដែលចង់ទទួលបាន​ជំនាញ​មួយ​ច្បាស់លាស់​ប្រចាំជីវិត ដើម្បីប្រកប​ការងារ ឬបង្កើតជាមុខរបរ​ ពេលនេះ...

ឱកាសសិក្សាអាហារូបករណ៍សិក្សាវគ្គខ្លីពី World Health Organization តាមរយៈ Online 

ព័ត៌មានអាហារូបករណ៍, ព្រឹត្តិការណ៍

• 05/06/2024

តាមរយៈ OpenWHO អង្គការសុខភាពពិភពលោកផ្ដល់វគ្គសិក្សាតាម Internet ដោយឥតគិតថ្លៃសម្រាប់សិស្សនិស្សិតអន្តរជាតិទូទាំងពិភពលោក។ វគ្គ...

ស្វែងយល់ពីសាកលវិទ្យាល័យអឺរ៉ុបចំនួន ៥០សាលា នៅកម្មវិធីពិព័រណ៍សិក្សានៅអឺរ៉ុបឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 10/11/2025

និស្សិតកម្ពុជាដែលកំពុងស្វែងរកឱកាសទទួលបានការអប់រំកម្រិតពិភពលោកនឹងមកជួបជុំគ្នានៅសាលបុរីកោះពេជ្រ សម្រាប់កម្មវិធីពិព័រណ៍សិក្សានៅអឺរ៉ុបឆ្នាំ ២០២៥ នៅថ្ងៃទី១២ ខែវិច្ឆិកា...

អាហារូបករណ៍ទេពកោសល្យឌីជីថលតេជោ ប្រកាស​ផ្តល់​អាហារូបករណ៍​ថ្នាក់បរិញ្ញាបត្រ ចំនួន៥០០កន្លែង សម្រាប់ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 11/08/2025

ក្នុងឆ្នាំសិក្សា២០២៥-២០២៦ នេះ កម្មវិធី អាហារូបករណ៍ទេពកោសល្យឌីជីថលតេជោ តាមរយៈក្រសួងប្រៃសណីយ៍និងទូរគមនាគមន៍ (ក.ប.ទ.) នឹងបន្តផ្តល់អាហារូបករណ៍ចំនួន ៥០០ កន្លែង សម្រាប់សិក្សាថ្នាក់បរិញ្ញាបត្រជំនាញបច្ចេកវិទ្យាឌីជីថល...

ក្រសួងអប់រំជ្រើសរើសបេក្ខជនជាង៣ពាន់នាក់ឱ្យ​ទទួល​អាហារូបករណ៍ថ្នាក់បរិញ្ញាបត្ររង និង​ថ្នាក់បរិញ្ញាបត្រ លើជំនាញបច្ចេកទេស និងវិជ្ជាជីវៈ

ព័ត៌មានអាហារូបករណ៍, ព្រឹត្តិការណ៍

• 27/10/2025

តាមរយៈកម្មវិធី Competency Based ក្រសួងអប់រំ យុវជន និងកីឡា បានប្រកាស​ជ្រើសរើស​សិស្សានុសិស្ស​ដែលបានប្រឡង​ជាប់សញ្ញាបត្រ​បច្ចេកទេស និង​វិជ្ជាជីវៈកម្រិត៣ ​សរុបចំនួន ៣ ០២៥កន្លែង...

ឱកាសសិក្សាវគ្គកុំព្យូទ័ររដ្ឋបាលឥតគិតថ្លៃពីមជ្ឈមណ្ឌលជាតិយុវជនកម្ពុជាចំនួន៥០កន្លែង

ព័ត៌មានអាហារូបករណ៍, ព្រឹត្តិការណ៍

• 09/08/2023

ឱកាសសិក្សាវគ្គកុំព្យូទ័ររដ្ឋបាលសម្រាប់សិស្ស-និស្សិតក្នុងខេត្តសៀមរាបចំនួន៥០កន្លែងពីមជ្ឈមណ្ឌលជាតិយុវជនកម្ពុជា ។ ជំនាញសិក្សាដែលអាហារូបករណ៍ផ្ដល់ជូនមាន កម្មវិធី...

ឱកាសផ្លាស់ប្តូរការសិក្សា​នៅប្រទេស​កាណាដា ពីកម្មវិធី SEED-2

ព័ត៌មានអាហារូបករណ៍, ព្រឹត្តិការណ៍

• 26/02/2026

កម្មវិធីអាហារូបករណ៍ និងការផ្លាស់ប្តូរការសិក្សាសម្រាប់ការអភិវឌ្ឍ ដំណាក់កាលទី ២ (Scholarships and Educational Exchanges for Development – Phase 2 ឬ SEED-2) ដែលផ្តល់ដោយរដ្ឋាភិបាលកាណាដា...