ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
គណៈកម្មាធិការអាហារូបករណ៍សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) តាមរយៈ សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី បានប្រកាសផ្តល់អាហារូបករណ៍ថ្លៃសិក្សា ១០០% ចំនួន ៣១៥ កន្លែង ដោយមិនឆ្លងកាត់ការប្រឡង សម្រាប់ឆ្នាំសិក្សា ២០២៦-២០២៧ នៅតាមគ្រឹះស្ថានឧត្តមសិក្សាចំនួន ១០ តាមបណ្តាខេត្ត។
គ្រឹះស្ថានឧត្តមសិក្សា និងចំនួនអាហារូបករណ៍
លក្ខខណ្ឌនៃការជ្រើសរើស
-ផ្តល់ជូនបេក្ខជនទូទាំងប្រទេសដែលបានប្រឡងជាប់សញ្ញាបត្រមធ្យមសិក្សាទុតិយភូមិ (បាក់ឌុប) គ្រប់ឆ្នាំសិក្សា ឬសមមូល (សម្រាប់ថ្នាក់បរិញ្ញាបត្រ)
-ផ្តល់ជូនបេក្ខជនទូទាំងប្រទេសដែលបានឬពុំបានប្រឡងជាប់បាក់ឌុបគ្រប់ឆ្នាំសិក្សា ឬសមមូល (សម្រាប់ថ្នាក់បរិញ្ញាបត្ររង)
-មានឆន្ទៈពិតប្រាកដក្នុងការបន្តការសិក្សា និងខិតខំរៀនសូត្រ
-គោរពតាមការណែនាំ និងលក្ខខណ្ឌរបស់គណៈកម្មាធិការ និងគ្រឹះស្ថានឧត្តមសិក្សានីមួយៗ
កាលបរិច្ឆេទ និងរបៀបនៃការដាក់ពាក្យ
បេក្ខជនម្នាក់អាចជ្រើសរើសដាក់ពាក្យស្នើសុំបានត្រឹមតែ ១ គ្រឹះស្ថានឧត្តមសិក្សាប៉ុណ្ណោះ តាមប្រព័ន្ធអនឡាញ៖ [https://reg.amt.live/web/signup] ដើម្បីបំពេញព័ត៌មានស្នើសុំ និងស្គេនបញ្ចូលឯកសារតម្រូវការដាក់ពាក្យ ដូចជា រូបថត, អត្តសញ្ញាណបណ្ណសញ្ជាតិខ្មែរ ឬសេចក្តីចម្លងសំបុត្របញ្ជាក់កំណើត, សៀវភៅគ្រួសារ ឬសៀវភៅស្នាក់នៅ, វិញ្ញាបនបត្របណ្តោះអាសន្នមធ្យមសិក្សាទុតិយភូមិ មានការបញ្ជាក់ទទួលស្គាល់ជាផ្លូវការ ឬបញ្ជីរាយនាមបេក្ខជនប្រឡងជាប់សញ្ញាបត្រមធ្យមសិក្សាទុតិយភូមិមានលំដាប់ពិន្ទុ។
កាលបរិច្ឆេទឈប់ទទួលពាក្យ៖ ត្រឹមថ្ងៃទី១៨ ខែតុលា ឆ្នាំ២០២៦ វេលាម៉ោង ១៧:០០ នាទី (លើកលែងតែ ពុទ្ធិកសាកលវិទ្យាល័យព្រះសីហនុរាជ សាខាខេត្តកំពង់ឆ្នាំង ផុតកំណត់ត្រឹមថ្ងៃទី២៧ ខែកញ្ញា ឆ្នាំ២០២៦)។
សម្រាប់ព័ត៌មានបន្ថែមអាចទាក់ទងការិយាល័យអាហារូបករណ៍ អគារលេខ ១៧៣៣ វិថីអូរវែង សង្កាត់ជ្រោយចង្វារ រាជធានីភ្នំពេញ រៀងរាល់ថ្ងៃចន្ទ-សុក្រ វេលាម៉ោង៨ព្រឹក-៥ល្ងាច៕
