ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
នៅក្នុងកម្មវិធី TEDxRUPP កាលពីពេលថ្មីៗនេះ លោកបណ្ឌិត ហោ ប៊ុនឡេង សាស្រ្តាចារ្យ នៃសាកលវិទ្យាល័យកម្ពុជា បានលើកឡើងថា ជាការមើលឃើញរបស់លោក បច្ចុប្បន្ននេះ កាលដែលសិស្សរៀនមិនពូកែ គឺបណ្តាលមកពី ពួកគេមិនបានដឹងនូវវិធីសាស្រ្តដើម្បីរៀនឱ្យពូកែ, លោកសាស្រ្តាចារ្យថា ការដឹងពីរបៀបរៀន ជាការបង្ហាញឱ្យឃើញពីភាពវៃឆ្លាត នៃការសិក្សា។
ហេតុអ្វីបានជាអ្នករៀនមួយចំនួនមានបញ្ហាក្នុងការសិក្សា?
តាមការស្រាវជ្រាវរបស់លោកសាស្រ្តាចារ្យ ប៊ុនឡេង លោករកឃើញថា វាអាចបណ្តាលមកពីបញ្ហាមួយចំនួនដូចជា រៀនមិនចប់ រៀនមិនជក់ រៀនមិនចេះ រៀនមិនយល់ រៀនមិនចាំ រៀនយកទៅធ្វើអ្វីមិនបាន និងរៀនមិនបានលទ្ធផលជាដើម ដែលបញ្ហាទាំងនេះអាចមកពីការខ្វះនូវវិធីសាស្រ្តរៀនសូត្រ។ លោកបន្តថា អ្នករៀនត្រូវចាត់ទុកការសិក្សាជាកតាព្វកិច្ច មិនមែនគ្រាន់តែជាភារកិច្ចនោះទេ មានន័យថា កើតមកជាមនុស្ស គឺត្រូវតែរៀនជាចាំបាច់។
លោកបណ្ឌិត ហោ ប៊ុនឡេង
“វាមិនចម្លែកពេកទេដែលយើងរៀនមិនចេះ ប៉ុន្តែវារឿងដែលចម្លែកប្រសិនបើមិនរកវិធីសាស្រ្តរៀនឱ្យចេះ”
លោកសាស្រ្តាចារ្យ ហោ ប៊ុនឡេង បន្តថា ការសិក្សាក៏ត្រូវកំណត់សកម្មភាពសំខាន់ៗដូចជា ការរៀនឱ្យមានសមត្ថភាពពិតប្រាកដ ព្រោះពេលដែលត្រូវធ្វើការងារ គឺទាមទារនូវសមត្ថភាពជាចម្បងក្នុងការបំពេញភារកិច្ច ដោយចំណេះដឹងតែមួយមុខមិនទាន់គ្រប់គ្រាន់នៅឡើយទេ ។ ទន្ទឹមគ្នានោះក៏ត្រូវតែរៀនអ្វីមួយឱ្យក្លាយទៅជាអាជីពផងដែរ ចំណុចនេះបានន័យថា មិនមែនគ្រាន់តែរៀនត្រឹមតែកម្រិតមធ្យមសិក្សាទុតិយភូមិម៉ុណ្ណោះទេ គឺត្រូវរៀននៅបរិញ្ញាបត្រជាន់ខ្ពស់ ឬបណ្ឌិត និងក្រោយបណ្ឌិត។ល។ ចំណុចមួយវិញទៀត គឺធ្វើឱ្យការសិក្សា ក្លាយជាការកម្សាន្ត ដោយការស្គាល់ពីចំណង់ចំណូលចិត្ត។ ហើយការរៀននៅសម័យបច្ចុប្បន្ន គឺទាមទារឱ្យរៀនភាសារអង់គ្លេស និងការប្រើប្រាស់កុំព្យូទ័រផងដែរ ដើម្បីជាគន្លឹះក្នុងការរក្សាទំនាក់ទំនង និងបង្កើតការប្រាស្រ័យទាក់ទងឱ្យមានភាពទូលាយជាងមុន។
លោកបណ្ឌិត ហោ ប៊ុនឡេង
“ជាអ្នករៀនគឺត្រូវតែរៀនមួយជីវិត ពីព្រោះ ទោះចង់ ឬមិនចង់ យើងរស់នៅក្នុងភពផែនដីនេះ ជាធម្មជាតិមានការវិវឌ្ឍន៍ និងការផ្លាស់ប្តូរដោយឥតព្រៀងទុក”
លោកសាស្រ្តាចារ្យបន្តថា អ្វីដែលយើងរៀនសព្វថ្ងៃនេះគឺមិនចេះរីងស្ងួតឡើយ ហើយអ្វីដែលមនុស្សចេះកន្លងមកក៏វាមិនដែលគ្រប់គ្រាន់ដែរ ចំណែករាល់លទ្ធផលដែលមនុស្សទទួលបានក៏វាកម្រស្កប់ស្កល់ដែរ។ ហេតុដូច្នេះហើយ ទើបតម្រូវឱ្យមនុស្សទាំងអស់គ្នា ត្រូវជ្រើសយកការរៀនពេញមួយជីវិត។
ជាមួយគ្នានេះ លោកសាស្រ្តារ្យបានផ្តល់ដំបូន្មានថា មុននឹងចាប់ផ្តើមធ្វើអ្វីមួយ ជាពិសេស ការសិក្សា មនុស្សត្រូវចេះកំណត់នូវគោលដៅ, សមត្ថភាព កំណត់ពីកម្រិតនៃការសិក្សា កំណត់គុណភាព រៀបចំផែនការ និងលទ្ធផលរំពឹងទុក។ ហើយនៅពេលយកផែនការទៅអនុវត្តន៍ ត្រូវមានសំណួរចោទបីចំណុចសិនដូចជា តើអ្វីដែលខ្ញុំរៀនវាត្រឹមត្រូវដែរឬទេ? តើអ្វីដែលខ្ញុំរៀនវាមានវឌ្ឍនភាពដែរ ឬទេ? ហើយអ្វីដែលខ្ញុំរៀនមានប្រសិទ្ធភាពយ៉ាងដូចម្តេច? លោកសាស្រ្តាចារ្យបញ្ជាក់ថា សំណួរទាំងនេះគឺដើម្បីវាស់វែងនូវសកម្មភាព និងផែនការសិក្សា៕
ថានិត រាយការណ៍ព័ត៌មាន និងប្រែសម្រួលអត្ថបទនៅ AMS-Education ទាក់ទងអំពី ការអប់រំកុមារតូចនិងការចិញ្ចឹមកូនបែបវិជ្ជមាន បំណិនជីវិត បុគ្គលិកលក្ខណៈរបស់មនុស្ស ប្រវត្តិរបស់យុវជនឆ្នើមឬបុគ្គលគំរូ ការជ្រើសជំនាញសិក្សា និងព្រឹត្តិការណ៍ព័ត៌មានក្នុងកម្មវិធីចំណេះដឹងទូទៅតាមរយៈវេទិកាសាធារណៈនិងនៅតាមសហគមន៍នានា៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសសិក្សាជំនាញបច្ចេកទេស និងវិជ្ជាជីវៈ ឥតគិតថ្លៃ នៅវិទ្យាស្ថានពហុបច្ចេកទេសខេត្តបន្ទាយមានជ័យ
ព័ត៌មានអាហារូបករណ៍, ព្រឹត្តិការណ៍
• 10/02/2025
វិទ្យាស្ថានពហុបច្ចេកទេសខេត្តបន្ទាយមានជ័យ បានប្រកាសផ្តល់អាហារូបករណ៍ចំនួន ៩៩០កន្លែង សម្រាប់ការសិក្សាជំនាញបច្ចេកទេស និងវិជ្ជាជីវៈ ដោយឥតបង់ថ្លៃដល់ប្រជាពលរដ្ឋ យុវជន យុវនារី កម្មករ កម្មការិនី និងជនចំណាកស្រុកដែលមកពីគ្រួសារក្រីក្រ...
ឱកាសសិក្សាអាហារូបករណ៍កម្រិតសញ្ញាបត្រជាន់ខ្ពស់បច្ចេកទេស ជំនាញវិស្វកម្មអគ្គិសនី ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 24/10/2025
តាមរយៈ គម្រោង S4C វិទ្យាស្ថានជាតិសហគ្រិនភាព និងនវានុវត្តន៍ (NIEI) កំពុងប្រកាសជ្រើសរើសសិស្ស និស្សិត ចូលសិក្សាអាហារូបករណ៍កម្រិតសញ្ញាបត្រជាន់ខ្ពស់បច្ចេកទេស ជំនាញវិស្វកម្មអគ្គិសនី ចំនួន៤៥០កន្លែង សម្រាប់ឆ្នាំសិក្សា២០២៥-២០២៦។
អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ MGIMO ចំនួន៣កន្លែង
ព័ត៌មានអាហារូបករណ៍, ព្រឹត្តិការណ៍
• 26/05/2025
យោងតាមសមាគមនិស្សិតខ្មែរប្រចាំសហព័ន្ធរុស្សី ពេលនេះ សាកលវិទ្យាល័យ MGIMO បានប្រកាសជ្រើសរើសនិស្សិតចំនួន៣កន្លែង សម្រាប់ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ក្នុងឆ្នាំសិក្សា២០២៥-២០២៦។
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យបច្ចេកវិទ្យាប៉េកាំងឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 06/12/2024
តាមរយៈសាកលវិទ្យាល័យភូមិន្ទភ្នំពេញ បានប្រកាសអំពីអាហារូបករណ៍រដ្ឋាភិបាលចិន ដែលនឹងជ្រើសរើសនិស្សិតកម្ពុជាទៅបន្តការសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យបច្ចេកវិទ្យាប៉េកាំង សម្រាប់ឆ្នាំសិក្សា២០២៥។
អាហារូបករណ៍ថ្នាក់បណ្ឌិត-អនុបណ្ឌិតពីកម្មវិធី MSIS Lap នៅសាកលវិទ្យាល័យជាតិ Chungbuk
ព័ត៌មានអាហារូបករណ៍, ព្រឹត្តិការណ៍
• 04/04/2024
ឱកាសសិក្សាអាហារូបករណ៍ថ្នាក់បណ្ឌិត-អនុបណ្ឌិតពីកម្មវិធីអាហារូបករណ៍ Master-Ph.D or Ph.D Student Positions with Research Scholarship ...
កម្មវិធីអាហារូបករណ៍ថ្នាក់អនុបណ្ឌិតពីប្រទេសអៀរឡង់ សម្រាប់ឆ្នាំសិក្សា ២០២៧/២០២៨
ព័ត៌មានអាហារូបករណ៍, ព្រឹត្តិការណ៍
• 30/06/2026
កម្មវិធីអាហារូបករណ៍ Ireland Fellows Programme – Asia សម្រាប់ឆ្នាំសិក្សា 2027/2028 ត្រូវបានបើកទទួលពាក្យជាផ្លូវការហើយ! អាហារូបករណ៍នេះផ្តល់ឱកាសដល់និស្សិត និងមន្ត្រីជំនាញមកពីប្រទេសកម្ពុជា វៀតណាម និងឡាវ...
ឱកាសសិក្សាអាហារូបករណ៍ចំនួន២០កន្លែងនៅសាកលវិទ្យាល័យក្រចេះឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 07/11/2024
ឱកាសទទួលបានការសិក្សាថ្នាក់បរិញ្ញាបត្រចំនួន២០កន្លែងនៅសាកលវិទ្យាល័យក្រចេះ សម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាពីគម្រោង...
ឱកាសសម្រាប់សិស្សនិស្សិតកម្ពុជា បន្តការសិក្សាថ្នាក់ឧត្តមសិក្សានៅប្រទេសចិន តាមរយៈអាហារូបករណ៍ China-ASEAN Digital Academy
ព័ត៌មានអាហារូបករណ៍, ព្រឹត្តិការណ៍
• 18/05/2026
សាធារណរដ្ឋប្រជាមានិតចិន កំពុុងប្រកាសផ្តល់អាហារូបករណ៍ដល់និស្សិតកម្ពុជាចំនួន ១០ រូប ដើម្បីឱ្យទៅបន្តការសិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត លើមុខជំនាញផ្សេងៗ នៅ Harbin Institute of Technolog
កម្មវិធីពិសេសរបស់ AMS EDUCATION
ព័ត៌មានសង្ខេប
