ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
តាមរយៈសាកលវិទ្យាល័យភូមិន្ទភ្នំពេញ បានប្រកាសអំពីអាហារូបករណ៍រដ្ឋាភិបាលចិន ដែលនឹងជ្រើសរើសនិស្សិតកម្ពុជាទៅបន្តការសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យបច្ចេកវិទ្យាប៉េកាំង សម្រាប់ឆ្នាំសិក្សា២០២៥។
លក្ខខណ្ឌ នៃការជ្រើសរើស ៖ បេក្ខជនទាំងអស់ត្រូវមានសញ្ជាតិខ្មែរដែលបានបញ្ចប់ការសិក្សាថ្នាក់បរិញ្ញាបត្រនៅសាកលវិទ្យាល័យភូមិន្ទភ្នំពេញ មានអាយុមិនលើស៣៥ឆ្នាំ និងបានបញ្ចប់ថ្នាក់បរិញ្ញាបត្រសម្រាប់ថ្នាក់បរិញ្ញាបត្រជាន់ខ្ពស់ ហើយសម្រាប់ថ្នាក់បណ្ឌិត ត្រូវមានអាយុមិនលើសពី៤០ឆ្នាំ និងមានសញ្ញាបត្រថ្នាក់បរិញ្ញាបត្រជាន់ខ្ពស់។ បេក្ខជនត្រូវមានប្រត្តិបត្តិពិន្ទុ (CGPA) ចាប់ពី ៣.០ឡើងទៅ មានចំណេះដឹងផ្នែកភាសាអង់គ្លេសជ្រៅជ្រះ ដោយមាន TOEFL ៨៥ ឬ IELTS ៦.០ និងជាបេក្ខជនដែលមានបទពិសោធន៍ធ្វើការ ឬការងារស្ម័គ្រចិត្តក្នុងផ្នែក MBA។
បេក្ខជន បេក្ខនារីដែលមានចំណាប់អារម្មណ៍ក្នុងការដាក់ពាក្យអាហារូបករណ៍ សូមភ្ជាប់ឯកសារចាំបាច់មួយចំនួនដូចជា ប្រវត្តិរូបសង្ខេប សេចក្តីថ្លែងការណ៍អំពីគោលបំណង, ប្រវត្តិរូបសិក្សាចុងក្រោយបង្អស់, វិញ្ញាបនបត្រចុះឈ្មោះចូលរៀនចុងក្រោយបង្អស់, ច្បាប់ចម្លងនៃវិញ្ញាបនបត្រសញ្ញាបត្រ ច្បាប់ចម្លងលិខិតឆ្លងដែន, ច្បាប់ចម្លងភស្តុតាងជំនាញភាសា និង លិខិតណែនាំចំនួនពីរច្បាប់។
បេក្ខជនជ័យលាភីអាហារូបករណ៍ នឹងទទួលបាន កន្លែងស្នាក់នៅសម្រាប់និស្សិត, ធានារ៉ាប់រងសុខភាព, ប្រាក់ប្រចាំខែចំនួន៣០០០យ័ន សម្រាប់ថ្នាក់បរិញ្ញាបត្រ និង ៣៥០០យ័នសម្រាប់ថ្នាក់បណ្ឌិត។ សម្រាប់ថ្លៃសំបុត្រយន្តហោះបេក្ខជនត្រូវចំណាយដោយខ្លួនឯង។
ដើម្បីធ្វើការដាក់ពាក្យ បេក្ខជនត្រូវយកពាក្យ និងឯកសារចាំបាច់ទៅកាន់ការិយាល័យទំនាក់ទំនង នៅបន្ទប់ 219A អគារA នៃសាកលវិទ្យាល័យភូមិន្ទភ្នំពេញ។ សម្រាប់ព៏ត៌មានបន្ថែម អាចចូលទៅកាន់ https://www.chinesescholarshipcouncil.com/ ឬអាចទំនាក់ទំនងទៅកាន់ https://t.me/iro_rupp ។ ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី១០ ខែមករា ឆ្នាំ២០២៥៕
