សាលារៀនចំនួន១២០ ត្រូវ​បានប្រកាស​ជាសាលារៀនគំរូ​សម្រាប់ឆ្នាំសិក្សា​២០២៣-២០២៤

នៅក្នុងសន្និបាទ​បូកសរុបការងារអប់រំ យុវជន និងកីឡាឆ្នាំ​២០២២-២០២៣ ​និងលើកទិសដៅ​ការងារឆ្នាំ​២០២៣-២០២៤ សាលារៀនចំនួន១២០ នៅទូទាំង​ប្រទេស ត្រូវ​បានប្រកាស​ជាផ្លូវការ​ជា​គ្រឹះស្ថាន​សិក្សា​គំរូ ក្រោយ​ពីឆ្លង​កាត់ការពិនិត្យ​វាយតម្លៃទៅ​តាម​ស្តង់ដាសាលា​រៀនគំរូ ដែល​ត្រូវ​បានប្រកាស​ដាក់​ឱ្យ​ប្រើប្រាស់កាលពីចុងឆ្នាំ២០២៣។

ស្តង់ដាសាលារៀនគំរូ សម្រាប់​មត្តេយ្យសិក្សា រហូត​ដល់មធ្យមសិក្សា ត្រូវ​ផ្តោត​ទៅលើស្តង់ដាចំនួន៥ រួមមាន ស្តង់ដាទី១ ផ្តោតលើ លទ្ធផល​សិក្សា​របស់សិស្ស, ស្តង់ដាទី២ ផ្តោត​លើ​ការ​បង្រៀន និង​រៀន, ស្តង់ដាទី៣ ផ្តោតលើការចូលរួម​របស់សហគមន៍, ស្តង់ដាទី៤ ផ្តោតលើ​ ដំណើរ​ប្រតិបត្តិ​ការ និង​រដ្ឋបាល​សាលារៀន និង ស្តង់ដាទី៥ ផ្តោត​លើ គណនេយ្យភាព​របស់សាលារៀន។

ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី និង​ជា​រដ្ឋមន្រ្តីក្រសួងអប់រំ យុវជន និងកីឡា មានប្រសាសន៍ថា ការ​ជ្រើសរើស​គ្រឹះស្ថានសិក្សា​ចំនួន១២០ ជាគ្រឹះស្ថាន​សិក្សា​គំរូ គឺស្របទៅ​នឹងគោលនយោបាយរបស់ក្រសួងអប់រំ​ យុវជន និងកីឡា ក៏​ដូចជាទៅតាមចក្ខុវិស័យរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រ​កម្ពុជា ហើយ​ក៏​ដូចជាចក្ខុវិស័យរបស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តីផងដែរ។ ជាមួយ​គ្នា​ឯកឧត្តម​ក៏​បានអគុណដល់ភាគីពាក់ព័ន្ធដូចជា លោកគ្រូអ្នកគ្រូ​គណៈគ្រប់គ្រង​ ដែលបានជួយ​ដល់ការងារកំណែទម្រង់វិស័យអប់រំ ជាពិសេស​កំណែទម្រង់សាលារៀន ដំណើរការទៅបានយ៉ាងល្អ។

បើតាម​ប្រសាសន៍បញ្ជាក់របស់ ឯកឧត្តមរដ្ឋមន្រ្តី ការជ្រើសរើស​សាលា​រៀនគំរូ នឹង​ធ្វើបន្ត​ទៀត​នៅចុងឆ្នាំនេះ ដូច្នេះ​ឯកឧត្តមស្នើដល់សាលារៀន​ដែល​ពុំមាន​ឈ្មោះ​នៅក្នុងបញ្ជីសាលារៀនគំរូ សូមបន្ត​កិច្ច​ខិតខំប្រឹងប្រែង ដោយថា ក្រសួងអប់រំ ក៏​ដូចជា​មន្ទីរអប់រំរាជធានីខេត្ត បានរៀបចំជាក្រុមការងារដើម្បីចុះទៅជួយគាំទ្រ ក្នុងគោលដៅ​ធ្វើយ៉ាងណា​ឱ្យសាលារៀនរបស់យើងក្លាយទៅជាទីកន្លែងសម្រាប់សិក្សា​នុសិស្ស​ធ្វើការសិក្សា​ទទួលបាននូវវិជ្ជាសម្បទារ បំណិនសម្បទា និងចរិយាសម្បទា។

ជាមួយគ្នានេះ ឯកឧត្តមរដ្ឋមន្រ្តី ក៏​បានបង្ហាញពីមហិច្ឆតា និងគោល​ដៅក្នុងការកែលម្អ និង​​ប្រែក្លាយ​សាលារៀន ទៅជា​សាលារៀន​គំរូយ៉ាងហោចណាស់​ឱ្យ​បានពី៥០០ ទៅ១ពាន់សាលារៀនក្នុងរយៈពេល២ឆ្នាំទៅមុខទៀត ។

យើងមានគោលដៅថា ២ឆ្នាំទៀត យើងជួយគាំទ្រ កែលម្អ និងប្រែក្លាយសាលារៀន​យើង​ឱ្យបានជាសាលារៀនគំរូនៅឆ្នាំ​២០២៦នេះ យ៉ាងហោចណាស់ឱ្យបានពី ៥០០ ទៅ១ពាន់សាលា….

ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា

សូមបញ្ជាក់ថា នៅក្នុងរាជរដ្ឋាភិបាលអាណត្តិទី៧ នៃរដ្ឋសភា ក្រសួងអប់រំ យុវជន និងកីឡា បានកំណត់​នូវ​កំណែទម្រង់​សាលារៀនជាអាទិភាព ដែលក្នុងនោះ​ក្រសួងនឹងពង្រឹងការគ្រប់គ្រងតាមសាលារៀនឆ្ពោះទៅលើកកម្ពស់​លទ្ធផល​សិក្សារបស់សិស្ស ការផ្លាស់ប្តូរវប្បធម៌សាលារៀន និង​ការពង្រឹងវិន័យ សីលធម៌ ចរិយាធម៌ សុជីវធម៌ គុណធម៌ និង​ឥរិយាបទ​ល្អ​របស់បុគ្គលិកអប់រំ និងសិស្សានុសិស្ស។ ក្នុងចំណោមសាលារៀនទាំង៣ប្រភេទ ដែលក្រសួងបានធ្វើចំណាត់ថ្នាក់ សាលារៀនគំរូ ជាអាទិភាពមួយ​ដែល​ក្រសួងរៀបចំជាស្តង់ដា និងសូចនាករ ព្រមទាំង​ចេញសេចក្តីណែនាំអនុវត្ត​ច្បាស់លាស់ ដើម្បី​ដាក់ឱ្យ​អនុវត្ត​ជាផ្លូវការ​នៅទូទាំង​ប្រទេស។

បើយោង​តាម​ឯកសារ​របស់ក្រសួងអប់រំ យុវជន និងកីឡា «ស្តង់ដាសាលាគំរូ» គឺមានគោលបំណងពង្រឹងស្វ័យ​គ្រប់គ្រង​សាលា​ និង​ផ្តល់​សេវាអប់រំ​ប្រកបដោយ​គុណភាព សមធម៌ បរិយាបន្ន ប្រសិទ្ធភាព និង​ចីរភាព ដើម្បីផ្តល់​ឱកាស​ឱ្យ​សិស្សានុសិស្ស​មានបំណិន​ខ្ពស់សម្រាប់​ជីវិត និង​ការងារ និង​ត្រៀមខ្លួនរួចជាស្រេច​បន្ត​ការ​សិក្សា​នៅ​កម្រិត​ឧត្តមសិក្សា ឬចូលក្នុងទីផ្សារការងារ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសសិក្សាជំនាញបច្ចេកទេស! អាហារូបករណ៍ ១០កន្លែង សិក្សានៅវិទ្យាស្ថានជាតិបណ្តុះបណ្តាលបច្ចេកទេស (NTTI) សម្រាប់ឆ្នាំ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 18/09/2026

ក្រុមការងារអាហារូបករណ៍អភិសន្តិបណ្ឌិត ស សុខា ក្រោមការឧបត្ថម្ភ និងគាំទ្រពី ឯកឧត្តមអភិសន្តិបណ្ឌិត ស សុខា និងលោកជំទាវ កែ សួនសុភី បានប្រកាសផ្ដល់

វិទ្យាស្ថានពហុបច្ចេកទេសខេត្តកំពង់ស្ពឺ ជ្រើសរើសយុវជន៥៧០នាក់ ចូលរៀនជំនាញបច្ចេកទេស និង​វិជ្ជាជីវៈ

ព័ត៌មានអាហារូបករណ៍, ព្រឹត្តិការណ៍

• 26/04/2024

វិទ្យាស្ថានពហុបច្ចេកទេស​ខេត្តកំពង់ស្ពឺ បានប្រកាស​ពីការ​ជ្រើសរើស​យុវជន​រហូត​ដល់​ចំនួន ៥៧០នាក់ ដើម្បីចូលរៀន​ជំនាញបច្ចេកទេស និង​វិជ្ជាជីវៈ១ កម្មវិធី ១.៥លាននាក់ជំហានទី២ ដែលនឹងចាប់ផ្តើម​នៅពាក់កណ្តាល...

អាហារូបករណ៍សិក្សាថ្នាក់ក្រោយឧត្ដមសិក្សានៅប្រទេសសិង្ហបុរីពីកម្មវិធីអាហារូបករណ៍ SASEAF

ព័ត៌មានអាហារូបករណ៍, ព្រឹត្តិការណ៍

• 26/07/2023

ឱកាសសិក្សាអាហារូបករណ៍ថ្នាក់ក្រោយឧត្ដមសិក្សានៅប្រទេសសិង្ហបុរីពីកម្មវិធីអាហារូបករណ៍ SG Academies South-East Asia Fellowship ឬ SASEAF សម្រាប់បេក្ខជនពីប្រទេសមាជិកអាស៊ានសម្រាប់ឆ្នាំសិក្សា២០២៣

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Donghua ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 01/08/2025

កម្មវិធីអាហារូបករណ៍ Donghua University Scholarship 2026 ប្រកាសផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត សម្រាប់ឆ្នាំសិក្សា២០២៦ នៅសាកលវិទ្យាល័យ Donghua ប្រទេសចិន។

វិទ្យាស្ថានពហុបច្ចេកទេស​ភូមិភាគ​តេជោសែនស្វាយរៀង ជ្រើសរើស​សិក្ខាកាមរៀនជំនាញអគ្គិសនី និងកាមេរ៉ាសុវត្ថិភាព

ព័ត៌មានអាហារូបករណ៍, ព្រឹត្តិការណ៍

• 29/09/2023

ជាឱកា​សសម្រាប់យុវជន យុវនារី កម្មករ កម្មការិនី ដែលបាត់បង់​ឱកាស​ការងារ​នៅ​តាម​រោងចក្រ សហគ្រាសនានា និង​គ្មានការងារធ្វើ, ពេលនេះ វិទ្យាស្ថាន​ពហុបច្ចេកទេស​ភូមិ​ភាគ​តេជោ​សែនស្វាយរៀង ប្រកាស​ជ្រើសរើស​សិក្ខាកាម...

អាហារូបករណ៍ China University of Petroleum ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 02/12/2025

ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅ China University of Petroleum សម្រាប់ឆ្នាំសិក្សា២០២៦ ពីកម្មវិធីអាហារូបករណ៍ China Scholarship Council (CSC)។

អាហារូបករណ៍ថ្នាក់បណ្ឌិតពីក្រុមហ៊ុន Meta ឆ្នាំ២០២៦

ព័ត៌មានអាហារូបករណ៍, ព្រឹត្តិការណ៍

• 27/01/2026

ឱកាសសិក្សាអាហារូបករណ៍រយៈពេល២ឆ្នាំសម្រាប់ថ្នាក់បណ្ឌិតពីក្រុមហ៊ុន Meta ឆ្នាំ២០២៦ នៅសហរដ្ឋអាមេរិក។ អាហារូបករណ៍ផ្ដល់ឱ្យបេក្ខភាពបន្តការសិក្សា និងស្រាវជ្រាវក្នុងវិស័យស្នូលរបស់ Meta ដូចជា ឯកជនភាព...

អាហារូបករណ៍ទឹកប្រាក់ពីធនាគារ អ៊ូរី ចំនួន១០០កន្លែងនៅសាកលវិទ្យាល័យភូមិន្ទភ្នំពេញសម្រាប់ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 14/02/2023

សាកលវិទ្យាល័យភូមិន្ទភ្នំពេញសហការណ៍ជាមួយ ធនាគារ អ៊ូរី (ខេមបូឌា) ម.ក សម្រេចផ្ដល់អាហារូបករណ៍សាច់ប្រាក់សម្រាប់និស្សិតសិក្សានៅសាកលវិទ្យាល័យភូមិន្ទ...

ឱកាសសិក្សាអាហារូបករណ៍ភាសាកូរ៉េពីសាកលវិទ្យាល័យ Yonsei ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 29/05/2024

សាកលវិទ្យាល័យ Yonsei និងកម្មវិធីសិក្សាតាមOnline Coursera ប្រកាសផ្ដល់អាហារូបករណ៍សិក្សាភាសាកូរ៉េតាមរយៈ online ពីវិទ្យាស្ថានផ្សេងៗនៃសាកលវិទ្យាល័យYonsei ដល់.....