ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់ក្រោយឧត្ដមសិក្សានៅប្រទេសសិង្ហបុរីពីកម្មវិធីអាហារូបករណ៍ SG Academies South-East Asia Fellowship ឬ SASEAF សម្រាប់បេក្ខជនពីប្រទេសមាជិកអាស៊ានសម្រាប់ឆ្នាំសិក្សា២០២៣។
ជំនាញដែលអាហារូបករណ៍ផ្ដល់ជូនគឺការសិក្សាស្រាវជ្រាវផ្នែក វិទ្យាសាស្ត្រ វេជ្ជសាស្ត្រ និងវិស្វកម្ម ដោយសិក្សានៅសាកលវិទ្យាល័យ វិទ្យាស្ថាន និងស្ថាប័នស្រាវជ្រាវដែលជាស្ថាប័នពាក់ព័ន្ធ ។ ចំពោះអាទិភាពនឹងត្រូវបានផ្តល់ជូនបេក្ខជនដែលធ្វើការលើជំងឺឆ្លង, សុខភាពប្រជាជន/សុខភាពសាធារណៈ, សេដ្ឋកិច្ចបៃតង និងខៀវ, ការប្រែប្រួលអាកាសធាតុ, ប្រធានបទស្រាវជ្រាវនិរន្តរភាព ជាដើម។
លក្ខខណ្ឌជ្រើសរើស ៖ បេក្ខជនដែលអាចស្នើពាក្យអាហារូបករណ៍បាន ជាពលរដ្ឋនៃប្រទេសអាស៊ាន(មិនរាប់បញ្ចូលសិង្ហបុរី និងមិនមានមូលដ្ឋានរស់នៅក្នុងប្រទេសសិង្ហបុរី), បេក្ខជនត្រូវមានសញ្ញាបត្រថ្នាក់បណ្ឌិត, មានអាយុមិនលើស៤០ឆ្នាំ, មានបទពិសោធន៍ការងារ និងមានការងារផ្លូវការណាមួយ, ស្ទាត់ជំនាញក្នុងការប្រើប្រាស់ភាសាអង់គ្លេស(ទាំងនិយាយ និងសរសេរ) ។ អាហារូបករណ៍លើកទឹកចិត្តឱ្យមានភាពចម្រុះ និងស្វាគមន៍បេក្ខជនដែលមានសិទ្ធិទាំងអស់ ដោយមិនគិតពីភេទ វប្បធម៌ ជាតិសាសន៍ សាសនា ឬប្រជាសាស្រ្តណាមួយឡើយ។
ឯកសារចាំបាច់ដែលបេក្ខជនត្រូវភ្ជាប់ជាមួយពាក្យស្នើសុំអាហារូបករណ៍រួមមាន ទម្រង់ពាក្យសុំអាហារូបករណ៍, សំណើស្រាវជ្រាវ(មិនលើសពី២ទំព័រ) សញ្ញាបត្របណ្ឌិត ឬសញ្ញាបត្រមានតម្លៃស្មើ(ថតចម្លង) ប្រតិចារិកសិក្សា និងលិខិតអនុសាសន៍ចំនួន២ច្បាប់ ។
អត្ថប្រយោជន៍ដែលជ័យលាភីអាហារូបករណ៍ទទួលបានរួមមាន ប្រាក់ឧបត្ថម្ភប្រចាំខែពី៤០០០ដុល្លារសិង្ហបុរី ដល់ ៦៥០០ដុល្លាសិង្ហបុរី, ថ្លៃធ្វើដំណើរពីប្រទេសកំណើតទៅកាន់ប្រទេសសិង្ហបុរី, និងឱកាសស្វែងយល់បន្ថែមប្រទេសសិង្ហបុរី និងបង្កើតទំនាក់ទំនងជាមួយនិស្សិតបរទេសផ្សេងៗ ។
សម្រាប់ព័ត៌មានលម្អិតអាចចូលទៅកាន់តំណភ្ជាប់ https://snas.org.sg/aseanfellowship ឬអាចEmail: general@snas.org.sg ។ ផុតកំណត់ទទួលពាក្យថ្ងៃទី៣០ ខែវិច្ឆិកា ឆ្នាំ២០២៣ ៕
