ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការបង្កើតទំនាក់ទំនង ជាជំនាញមួយដែលត្រូវការអនុវត្ត និងសិក្សាស្វែងយល់ជាប្រចាំ។ ហើយការបង្កើតមិត្តក្នុងនាមជាយុវវ័យ ក៏ជាភាពប្រកួតប្រជែងមួយដែលត្រូវការទំនួលខុសត្រូវ និងភាពសកម្មក្នុងការប្រាស្រ័យទាក់ទងគ្នា។ គេហទំព័រ Los Angeless Time បានបង្ហាញអំពីគន្លឹះក្នុងការអភិវឌ្ឍជំនាញសង្គម និងបង្កើតទំនាក់ទំនងមិត្តភាព ដោយមានរៀបរាប់លម្អិតនៅខាងក្រោម ៖
១. សង្កេតអារម្មណ៍របស់ភាគីម្ខាងទៀត ៖ ដើម្បីមានទំនាក់ទំនងល្អជាមួយនឹងមិត្ត គឺត្រូវផ្តោតលើបច្ចុប្បន្នភាពឱ្យច្រើនតាមដែលអាចធ្វើបាន ដោយផ្តោតទៅលើភាគីម្ខាងទៀតថា តើគេមានស្ថានភាពផ្លូវចិត្តបែបណា ប្រសិនបើសង្កេតឃើញថា អំឡុងពេលពិភាក្សា ភាគីម្ខាងទៀតមានស្ថានភាពធុញទ្រាន់ គួរកាត់បន្ថយការសន្ទនា ឬក៏រក្សាគម្លាតដើម្បីឱ្យភាគីម្ខាងទៀតមានផាសុកភាព ឬក៏មានពេលគ្រប់គ្រាន់។
២. ផ្លាស់ប្តូរសង្គមមនុស្សដែលត្រូវជួប ៖ ចង់បង្កើតទំនាក់ទំនង ឬបង្កើតមិត្តបន្ថែម គួរព្យាយាមជួបមនុស្សឱ្យច្រើន និងចម្រុះគ្នា ដោយចំណូលចិត្តខុសគ្នានេះហើយ គឺជាឱកាសក្នុងការសិក្សា និងស្វែងយល់ពីគ្នា តែយ៉ាងណាការសិក្សាពីរបៀបឆ្លើយតបទៅកាន់មនុស្សមានរបៀបខុសៗគ្នា សុទ្ធសឹងតែជាតម្រូវការចាំបាច់ក្នុងការទំនាក់ទំនង។
៣. ស្តាប់ចេញពីចិត្ត ៖ ការស្តាប់មិត្ត ឬភាគីណាម្នាក់ដោយយកចិត្តទុកដាក់ ជាចំណែកសំខាន់ក្នុងការធ្វើឱ្យភាគីម្ខាងទៀតមានអារម្មណ៍ថា មានភាពសំខាន់ ក៏ដូចជាការសន្ទនាគ្នាប្រកបដោយប្រសិទ្ធភាព។ ការស្តាប់ដោយសុទ្ធចិត្តទៀតសោត ចង់សំដៅលើការយល់ពីភាគីម្ខាងទៀត ជាជាងការស្តាប់ដោយគ្រាន់តែចង់ឆ្លើយតប៕
