ល្ខោនយីកេ ជំនាញសិល្បៈដែល​ប្រឈមនឹងការបាត់បង់! លោកស្រី កែវ សុផានិត អំពាវនាវឱ្យ​យុវជនជំនាន់ក្រោយចូលរួមបន្តវេនថែរក្សា

ល្ខោនយីកេ ត្រូវបានចាត់ទុកជាទម្រង់ដ៏លេចធ្លោមួយនៃល្ខោនតន្ត្រីខ្មែរ រួមជាមួយល្ខោនបាសាក់ និងល្ខោននិយាយ។ ប៉ុន្តែបច្ចុប្បន្ន​ទម្រង់ល្ខោន​មួយ​នេះ កំពុងប្រឈមនឹងការបាត់បង់ ដោយ​ថយចុះអ្នកបន្តវេន នៅក្នុងយុគសម័យទំនើបនេះ។

លោកស្រី កែវ សុផានិត អនុប្រធានការិយាល័យ នាយកដ្ឋានទស្សនីយភាពល្ខោន នៃនាយកដ្ឋានសិល្បៈ និងទស្សនិយភាព លើកឡើងថា បច្ចុប្បន្ន​មិនសូវមានសិស្សចូលរៀនជំនាញនេះទេ ដោយការសិក្សាចំណាយរយៈពេលយូរ ហើយទីផ្សារ​ការងារមិន​សូវ​មាន។

មិនមានតួលេខច្បាស់លាស់ ឬ ស្ថិតិផ្លូវការប្រចាំឆ្នាំ អំពីចំនួនសិស្សដែលកំពុងរៀនជំនាញល្ខោនយីកេនៅទូទាំងប្រទេសកម្ពុជានោះទេ ប៉ុន្តែ​បើប្រៀបធៀបទៅនឹងជំនាញសិក្សា ឬសិល្បៈផ្សេងទៀត ចំនួនសិស្សដែលជ្រើសរើសជំនាញល្ខោនយីកេមាន តិចតួច។ ដោយ​សារមិនសូវមានអ្នកចាប់អារម្មណ៍ បច្ចុប្បន្ន​មាន​សាលា​តិចតួចប៉ុណ្ណោះ​ដែល​កំពុង​ទទួលបង្រៀនជំនាញល្ខោនយីកេនេះ ដូចជា សាលាមធ្យមវិចិត្រសិល្បៈ ស្ថិត​ក្នុង​រាជធានីភ្នំពេញ សាលាតន្ត្រីប្រពៃណីនៅកំពត ក៏​ដូចជាអង្គការសិល្បៈខ្មែរអមតៈ ជាដើម។

ទាក់ទងទៅនឹង​ការ​រៀនជំនាញយីកេវិញ បើតាម​លោកស្រី កែវ សុផានិត ការរៀនជំនាញល្ខោនយីកេ ត្រូវចំណាយដើមទុនច្រើនក្នុងការសិក្សា ជាក់ស្ដែងលោកស្រីផ្ទាល់ បានចូលរៀនជំនាញ​ល្ខោនយីកេនេះតាំងពីឆ្នាំ២០១០ ដោយផ្តើម​រៀន​ពីថ្នាក់ទី១ ដល់ទី១២ ហើយ​បន្តថ្នាក់ឆ្នាំទី១ ដល់ឆ្នាំទី៤ ឬអាចហៅជាភាសាបច្ចេកទេសបានថា ថ្នាក់ថ្នាល (ថ្នាក់ទី១ដល់ថ្នាក់ទី៦), ថ្នាក់មធ្យម (ថ្នាក់ទី៧ដល់ថ្នាក់ទី៩) និងថ្នាក់បរិញ្ញាបត្រ(ឆ្នាំទី១ ដល់ឆ្នាំទី៤)។

លោកស្រី សុផានិត បញ្ជាក់ថា​ នៅក្នុងកម្រិតថ្នាក់ថ្នាល និងថ្នាក់មធ្យម គឺសិក្សាដូចទៅនឹងសាលារៀនរបស់រដ្ឋ និងឯកជនផ្សេងៗដែរ ដោយបូកបន្ថែមចំណេះដឹងទូទៅ នៃកម្មវិធីសិក្សារបស់ក្រសួងអប់រំ យុវជន និងកីឡា។ ការសិក្សាពីសិល្បៈនឹងធ្វើឡើងនៅពេលព្រឹក ហើយថ្នាក់ចំណេះទូទៅនឹងរៀននៅពេលរសៀល។

លោកស្រី កែវ សុផានិត ក៏​បានចែក​រំលែក​ពីបទពិសោធន៍ នៃការ​សិក្សា​ជំនាញល្ខោនយីកេ ដោយថា នៅក្នុងការសិក្សាជំនាញល្ខោនយីកេនេះ មានតួអង្គជាច្រើនសម្រាប់សិក្សាដោយបែងចែកតួអង្គសភាវគ្គល្អ និង សភាវគ្គមិនល្អ និងតួបន្ទាប់បន្សំជាច្រើនទៅតាមសាច់រឿង។ លោកស្រីបន្តថា នៅក្នុងការសិក្សាល្ខោយីកេនេះ មានច្រើនតួអង្គ ច្រើនរឿង ហើយគ្រប់គ្នាសុទ្ធតែសម្ដែងបានគ្រប់តួ អាស្រ័យលើសមត្ថភាព រូបសម្បត្តិ កាយវិការ ការយកចិត្តទុកដាក់ និងការតាំងចិត្តរបស់បុគ្គល។

ឆ្លងកាត់ការសិក្សា និងនៅក្នុងវិស័យនេះអស់រយៈពេល១៥ឆ្នាំ លោកស្រី សុផានិត បានចូលរួមសម្ដែងនៅលើឆាកល្ខោនដែលជានិច្ចកាលគេធ្វើឡើងនៅក្នុងពិធីបុណ្យកឋិនទាន នៅតាមបណ្ដាវត្ត និងនៅតាមបណ្ដាខេត្តផ្សេងៗ ក៏​ដូចជាចាក់ផ្សាយនៅក្នុងទូរទស្សន៍ជាដើម។ បន្តមកទៀត លោកស្រី មានឱកាសសម្ដែងនៅក្នុងទស្សនីយភាពល្ខោនយីកេរឿង «ទុំទាវបីជំនាន់» កាលពីឆ្នាំ២០១៨ ជាដើម។

យ៉ាងណាក៏ដោយ​លោកស្រី សុផានិត សូមលើកទឹកចិត្តឱ្យយុវជនជំនាន់ក្រោយចូលរួមថែរក្សា និងបន្តវេនអំពីល្ខោនយីកេនេះ ព្រោះជាអ្វីដែលអាចប្រឈមនឹងការបាត់បង់នាពេលអនាគត។ មិនភ្លេចបន្ថែម សម្រាប់យុវជនជំនាន់ក្រោយដែលចង់ចូលរៀនក្នុងផ្នែកល្ខោនយីកេ ក៏ត្រូវតែមានសមត្ថភាព ទេពកោសល្យពីធម្មជាតិ ការស្រឡាញ់ចូលចិត្តផ្នែកសិល្បៈ ការតាំងចិត្តខិតខំប្រឹងប្រែង រួមបញ្ចូលក្រមសីលធម៌ និងសុជីវធម៌ក្នុងការរៀនសូត្រផងដែរ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

បណ្ឌិត្យ​សភា​នគរបាល​កម្ពុជា ផ្តល់​អាហារូបករណ៍​៤០០កន្លែង សម្រាប់​សិស្ស​និស្សិត​ដែល​ចង់​ក្លាយ​ជា​មន្រ្តី​នគរបាល

ព័ត៌មានអាហារូបករណ៍, ព្រឹត្តិការណ៍

• 19/11/2024

ក្រសួង​មហាផ្ទៃ​កាលពី​ពេលថ្មីៗ​នេះ​បាន​ប្រកាស​ដល់​សាធារណជន ក៏​ដូចជា​សិស្ស និស្សិត ដែល​មាន​បំណង​ក្លាយ​ជា​នាយ​នគរបាល និង​នាយ​នគរបាល​រង​បន្តវេន ក្នុង​ក្រប​ខ័ណ្ឌ​មន្រ្តី​នគរបាលជាតិ សូម​ត្រៀម​ខ្លួន​ក្នុង​ការ​ដាក់ពាក្យ​ប្រឡង​ប្រជែង​ទទួល​យក​អាហារូបករណ៍...

ឱកាសសិក្សាជំនាញ AI ពីកម្មវិធី Google Course Artificial Intelligence 2024 តាមរយៈ Online

ព័ត៌មានអាហារូបករណ៍, ព្រឹត្តិការណ៍

• 01/02/2024

កម្មវិធី Google Course Artificial Intelligence 2024 ផ្ដល់ការសិក្សាអំពី Artificial Intelligence(AI) សម្រាប់ឆ្នាំសិក្សា២០២៤ ។ ការសិក្សាវគ្គខ្លីនេះផ្ដល់...

ឱកាសស្នាក់នៅបណ្ដោះអាសន្ននៅអន្តេវាសិកដ្ឋានវិទ្យាស្ថានបច្ចេកវិទ្យាកម្ពុជាឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 06/01/2025

សមាគមនិស្សិតវិទ្យាស្ថានបច្ចេកវិទ្យាកម្ពុជា ប្រកាសដំណឹងជូនដល់សិស្សនិស្សិតដែលកំពុងសិក្សានៅវិទ្យាស្ថានបច្ចេកវិទ្យាកម្ពុជាឱ្យទទួលបានកន្លែងស្នាក់នៅបណ្ដោះអាសន្ននៅអន្តេវាសិកដ្ឋានចំនួន៤៥នាក់ក្នុងឆ្នាំសិក្សា២០២៤-២០២៥...

អាហារូបករណ៍រៀនជំនាញ TVET រយៈពេល២ឆ្នាំ ចំនួន៣០០កន្លែង នៅ​វិទ្យាស្ថានជាតិ​បណ្តុះបណ្តាល​បច្ចេកទេស

ព័ត៌មានអាហារូបករណ៍, ព្រឹត្តិការណ៍

• 01/10/2025

វិទ្យាស្ថាន​ជាតិ​បណ្តុះបណ្តាល​បច្ចេកទេស បានប្រកាស​ដល់សិស្ស​និស្សិត ដែលចង់ចូលរៀន​ជំនាញ​បច្ចេកទេស និងវិជ្ជាជីវៈ (TVET) លើកម្រិតសញ្ញាបត្រ​ជាន់ខ្ពស់​បច្ចេកទេស (បរិញ្ញាបត្ររង) ដោយ​វិទ្យាស្ថាន​នឹងផ្តល់អាហារូបករណ៍ ១០០% ចំនួន៣០០កន្លែង។

អាហារូបករណ៍ថ្នាក់ឧត្ដមសិក្សានៅ GRIPS នៃប្រទេសជប៉ុន ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 28/10/2025

ឱកាសសិក្សាអាហារូបករណ៍នៅ GRIPS នៃប្រទេសជប៉ុនសម្រាប់ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតសម្រាប់ឆ្នាំសិក្សា២០២៦-២០២៧។ អាហារូបករណ៍ផ្ដល់ជូនសម្រាប់សិក្សារយៈពេល១ឆ្នាំ(MP1) និង ២ឆ្នាំ(MP2) ៣ឆ្នាំ ឬ...

អាហារូបករណ៍ France Excellence សិក្សាថ្នាក់បណ្ឌិតនៅប្រទេសបារាំង ឆ្នាំ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 25/03/2026

ជាឱកាសសម្រាប់និស្សិតកម្ពុជាដែលមានបំណងចង់បន្តការសិក្សានៅប្រទេសបារាំង។ ស្ថានទូតបារាំងប្រចាំកម្ពុជា បានប្រកាសបើកទទួលពាក្យសុំអាហារូបករណ៍ France Excellence (BFE) ថ្នាក់បណ្ឌិត...

ឱកាសសិក្សាអាហារូបករណ៍ចំនួន១២០កន្លែងនៅវិទ្យាស្ថានបច្ចេកវិទ្យាកម្ពុជា សាខាខេត្តត្បូងឃ្មុំ

ព័ត៌មានអាហារូបករណ៍, ព្រឹត្តិការណ៍

• 18/10/2024

វិទ្យាស្ថានបច្ចេកវិទ្យាកម្ពុជាសាខាខេត្តត្បូងឃ្មុំ ប្រកាសជ្រើសរើសនិស្សិតចូលសិក្សាថ្នាក់កម្រិតវិស្វករ ចំនួន១២០កន្លែង។ អាហារូបករណ៍ប្រឡងជ្រើសរើសសម្រាប់កម្រិតវិស្វករ សិក្សារយៈពេល៥ឆ្នាំក្នុងដេប៉ាតឺម៉ង់ចំនួនបួន។

អាហារូបករណ៍សិក្សានៅសាកលវិទ្យាល័យ Pisa ប្រទេសអ៊ីតាលីឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 26/04/2023

ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ Pisa នៃប្រទេសអ៊ីតាលីឆ្នាំសិក្សា២០២៣ ។ ...

អាហារូបករណ៍ថ្នាក់បរិញ្ញាបត្រចំនួន៤០កន្លែងពីអង្គការសម្រេចសុបិនកុមារ ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 20/07/2023

ឱកាសសិក្សាអាហារូបករណ៍ថ្នាក់បរិញ្ញាបត្រសម្រាប់សិស្សនិស្សិតចំនួន៤០កន្លែង ពីអង្គការសម្រេចសុបិនកុមារក្នុងឆ្នាំសិក្សា២០២៣-២០២៤ ។ អាហារូបករណ៍ឧបត្ថម្ភការសិក្សារបស់បេក្ខឱ្យសិក្សានៅតាមសាកលវិទ្យាល័យ...