ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការទទួលទានដំណេកត្រូវបានទទួលស្គាល់ជាទូទៅថា ផ្តល់ប្រយោជន៍ជាច្រើនទៅកាន់សុខភាព យ៉ាងណាមិញ ការគេងលើសលប់ វាក៏ប៉ះពាល់ទៅដល់សុខភាពដូចគ្នា។ ជារឿយៗ រៀងរាល់ថ្ងៃសម្រាកពីការងារ មានមនុស្សមួយចំនួនបានចំណាយពេលគេងហួសពីចំនួនធម្មតាក៏មាន តែបើតាមគេហទំព័រ New Yourk Post បានឱ្យដឹងថា ការគេងដែលហួសប្រមាណនៅចុងសប្តាហ៍ បណ្តាលឱ្យប៉ះពាល់ទៅកាន់សុខភាព ដូចជា ភាពស្ពឹកស្រពន់ និងជំងឺរលាកក្រពះដោយហេតុថា ការទទួលទានអាហារមិនបានទៀងទាត់។
ទន្ទឹមគ្នានោះ តាមការសិក្សារបស់សាកលវិទ្យាល័យ King’s College London បានបន្ថែមថា ការគេងហួសប្រមាណនៅចុងសប្តាហ៍បណ្តាលឱ្យរាងកាយខ្វះចលនា និងនាំឱ្យទៅរកការបង្កើតទម្លាប់ទទួលទានដំណេកមួយដែលគ្មានរបៀបរៀបរយ ហើយកាលដែលមិនមានភាពទៀងទាត់ក្នុងការគេង គឺប៉ះពាល់យ៉ាងច្រើនទៅដល់សុខភាព និងការរស់នៅប្រចាំថ្ងៃ។
ការបង្កើតទម្លាប់គេងឱ្យត្រឹមត្រូវ និងរក្សាតុល្យភាព ដោយធ្វើកាលវិភាគទាំងពេលចូលគេង និងការក្រោកពីគេង ដែលអកប្បកិរិយាទាំងនោះ គឺជាវិធីសាស្រ្តងាយស្រួលក្នុងការកំណត់ពេលគេងប្រចាំថ្ងៃដោយមិនល្អៀង។ ចងចាំថា ការគេងគឺជាបុព្វហេតុនាំឱ្យសុខភាពគាប់ប្រសើរ ប៉ុន្តែបើគេងមិនបានត្រឹមត្រូវ វាក៏ជះផលមិនល្អដូចគ្នាដែរ តួយ៉ាងដូចជាគេងលើសគឺវាបានជំរុញឱ្យ រាងកាយបាត់បង់ភាពស្វាហាប់ និងបង្កឱ្យមានជំងឺគ្រុនពោះវៀន ឬក្រពះដោយសារខ្វះអាហារដើម្បីទ្រទ្រង់សារពាង្គកាយ ។ ដូច្នេះ ត្រូវរក្សាភាពទៀងទាត់នៃការចូលគេង មិនថាថ្ងៃបំពេញការងារ ឬថ្ងៃឈប់សម្រាក៕
