ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
យោងតាមសេចក្តីជូនដំណឹងរបស់ក្រសួងអប់រំ យុវជន និងកីឡា, ក្រសួងការបរទេសរូម៉ានី នឹងចាប់ផ្តើមបើកការទទួលពាក្យស្នើសុំអាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត របស់និស្សិតបរទេស រួមទាំងនិស្សិតកម្ពុជាផង ដើម្បីទៅសិក្សានៅប្រទេសរ៉ូម៉ានី។
អាហារូបករណ៍នេះ ផ្តល់ជូនថ្លៃសិក្សា ការស្នាក់នៅ និងអត្ថប្រយោជន៍ផ្សេងៗ។
ឯកសារដែលត្រូវការសម្រាប់ការដាក់ពាក្យរួមមាន ៖ ច្បាប់ចម្លងនៃសញ្ញាបត្រដែលទទួលបាន (សញ្ញាបត្របរិញ្ញាបត្រ អនុបណ្ឌិត បណ្ឌិត ឬសញ្ញាបត្រដែលមានតម្លៃស្មើ ដោយបកប្រែជាភាសាអង់គ្លេស បារាំង អេស្ប៉ាញ ឬរ៉ូម៉ានី, ព្រឹត្តិបត្រពិន្ទុ, សំបុត្រកំណើត (ឬឯកសារសមមូល), ច្បាប់ថតចម្លងលិខិតឆ្លងដែនដែលមានសុពលភាព, ប្រវត្តិរូបសង្ខេប (Curriculum Vitae) ជាភាសាអង់គ្លេស បារាំង ឬរ៉ូម៉ានី។ សម្រាប់ថ្នាក់បណ្ឌិត បេក្ខជនត្រូវដាក់បញ្ជីស្នាដៃវិទ្យាសាស្ត្រ ការបោះពុម្ពផ្សាយឯកទេស ការពិពណ៌នាលម្អិតនៃគម្រោងស្រាវជ្រាវដែលបានស្នើឡើង។
ការដាក់ពាក្យតាមរយៈ [ វេទិកាអនឡាញ ] ចន្លោះពីថ្ងៃទី១៦ ខែកុម្ភៈ ឆ្នាំ២០២៦ ដល់ថ្ងៃទី៣១ ខែមីនា ឆ្នាំ២០២៦ ដោយលទ្ធផលនៃការជ្រើសរើសនឹងត្រូវប្រកាសនៅប្រហែលថ្ងៃទី១៥ ខែកក្កដា ឆ្នាំ២០២៦។ នៅពេលជ្រើសរើស នឹងតម្រូវឱ្យមានការបំពេញបែបបទបន្ថែម ក៏ដូចជាការទទួលបានទិដ្ឋាការ។
បេក្ខជនដែលមានចំណាប់់អារម្មណ៍ និងចង់ចូលរួមកម្មវិធីអាហារូបករណ៍ សូមចូលទៅកាន់គេហទំព័រ https://studyinromania.gov.ro ដើម្បីស្វែងរកព័ត៌មានលម្អិត៕
