អ្នកស្រី គីម ស៊ីដដាវីស ៖ ប្រាំប្រយោគប្រើសម្រាប់លើកទឹកចិត្តខ្លួនឯង

ភ្នំពេញ – មនុស្សយើង មិនមានអ្នកណាម្នាក់គេចផុតពីបញ្ហាជីវិតនោះទេ ទោះជាអ្នកនោះរឹងប៉ឹងប៉ុណ្ណា ឬពូកែប៉ុណ្ណា វាត្រូវតែមានពេលណាមួយ មានអារម្មណ៍ចង់លះបង់អ្វីៗទាំងអស់ ហើយពេលខ្លះទៀតមានអារម្មណ៍មិនចង់ធ្វើអ្វីសោះ ធុញទ្រាន់ អាក់អន់ចិត្ត បាក់ទឹកចិត្ត គ្មានថាមពល ក្នុងខ្លួន។

អ្នកស្រី គីម ស៊ីដដាវីស អ្នកនិយាយសាធារណៈ និងជាគ្រូបង្រៀនមុខវិជ្ជាជំនាញគ្រប់គ្រងនៅសាកលវិទ្យាល័យភូមិន្ទភ្នំពេញ ប្រាប់អំពីប្រយោគលើកទឹកចិត្តចំនួន៥ ដែលអ្នកទាំងអស់គ្នាអាចប្រើប្រាស់ជាមួយនឹងខ្លួនឯង នៅពេលដែលប្រឈមមុខជាមួយនឹងបញ្ហា សម្ពាធ និងភាពតានតឹង រួមមាន៖

១. គ្រប់យ៉ាងនឹងកន្លងផុតទៅ ៖ រឿងរ៉ាវដែលកើតមានក្នុងថ្ងៃណាមួយរបស់អ្នក មិនមែនបានន័យថា វានឹងកើតពេញមួយជីវិតនោះទេ មិនថារឿងនោះធំ ឬតូចប៉ុណ្ណា វានឹងមិននៅជាមួយអ្នកយូរទេ គ្រប់រឿងរ៉ាវទាំងអស់វាមានអាយុកាលរបស់វា មិនថាអ្នកដោះស្រាយវាចេញ ឬដោះមិនចេញ អត់ធន់ក្នុងអាយុកាលរបស់វាឱ្យបាន ហើយគ្រប់យ៉ាងវានឹងប្រសើរឡើង។

២. អ្នកធ្វើល្អបំផុតហើយ ៖ ពេលណាដែលមានអាម្មណ៍ខកចិត្ត បន្ទោសខ្លួនឯង កុំភ្លេចប្រាប់ខ្លួនឯងថា អ្នកធ្វើរឿងហ្នឹងល្អបំផុតហើយ។ អ្នកធ្វើរឿងហ្នឹងអស់ពីសមត្ថភាពហើយ ប៉ុន្តែអាចមកពីរឿងនោះវាធំពេកសម្រាប់ដោះស្រាយតែឯង។

៣. គ្រប់បញ្ហាសុទ្ធតែមានដំណោះស្រាយ ៖ ដាស់តឿនខ្លួនឯងជានិច្ចថា គ្រប់បញ្ហាសុទ្ធតែមានផ្លូវចេញទាំងអស់ គ្រាន់តែបញ្ហាខ្លះត្រូវពេលបន្តិចសម្រាប់ការដោះស្រាយ ដែលមិនអាចតម្រូវតាមការចង់បានរបស់អ្នកបាន បញ្ហាខ្លះតម្រូវឱ្យមានការចូលរួមជួយពីអ្នកដទៃ តែយ៉ាងណាម៉ិញគ្រប់បញ្ហាសុទ្ធតែមានដំណោះស្រាយ។

៤. មនុស្សគ្រប់គ្នាសុទ្ធតែមានបញ្ហា ៖ អ្នកត្រូវដឹងថាមនុស្សទំាងអស់ដែលរស់នៅក្នុងពិភពលោកយើងនេះគ្រប់គ្នាសុទ្ធតែមានបញ្ហាជារបស់ខ្លួន អាចបញ្ហាមិនដូចគ្នា ធំតូចជាងគ្នា និងកើតក្នុងពេលវេលាមួយផ្សេងៗគ្នា តែប៉ុណ្ណោះ។

៥. គ្រប់បញ្ហាអាចជាមេរៀនដ៏អស្ចារ្យ ៖ កំហុស ឬបញ្ហាមិនមែនតែងតែនាំមកនូវរឿងអាក្រក់ៗទាំងអស់នោះទេ ពីព្រោះពេលខ្លះ បញ្ហាគឺជាមេរៀនជីវិតដ៏ល្អដែលបង្រៀនអ្នកឱ្យដឹងពីអ្វីដែលខុស ហើយមានអ្វីខ្លះដែលអ្នកមិនគួរធ្វើ ហើយត្រូវចងចាំថា ប្រសិនបើអ្នកមិនដែលធ្វើខុសពីមុនអ្នកនឹងមិនដែលដឹងអ្វីដែលត្រូវនោះទេ ដូច្នេះធ្វើឱ្យល្អជាងមុនគឺគ្រប់គ្រាន់ហើយ។

ជារួមមក ការប្រើប្រាស់នូវពាក្យពេចន៍លើកទឹកចិត្តខ្លួនឯង គឺជាចំណែកមួយដែលអាចជួយអ្នកឱ្យមានថាមពលនៅពេលដែលស្ថិតក្នុងស្ថានភាពដុនដាប ដែលពេលខ្លះពិបាកនៅក្នុងការស្វែងរកអ្នកយល់ចិត្ត៕

លោក សន តុលា | Mr. Sorn Tola

ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។

របាយការណ៍ថ្មី

មើលទាំងអស់ ➧

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ចិញ្ចឹមកូនទម្រើស នឹងធ្វើឱ្យកុមារក្លាយជាមនុស្សគ្មានទំនុកចិត្ត និងឯករាជ្យលើខ្លួនឯង

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត ទៅសិក្សានៅប្រទេសរូម៉ានី

ព័ត៌មានអាហារូបករណ៍, ព្រឹត្តិការណ៍

• 20/03/2026

ក្រសួងការបរទេសរូម៉ានី នឹងចាប់ផ្តើមបើកការទទួលពាក្យស្នើសុំអាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត របស់និស្សិតបរទេស រួមទាំងនិស្សិតកម្ពុជាផង ដើម្បីទៅសិក្សានៅប្រទេសរ៉ូម៉ានី។

អាហារូបករណ៍អភិសន្តិបណ្ឌិត ស សុខា ផ្ដល់អាហារូបករណ៍ថ្នាក់ឧត្ដមសិក្សា៤០០កន្លែងនៅវិទ្យាស្ថានខ្មែរជំនាន់ថ្មី

ព័ត៌មានអាហារូបករណ៍, ព្រឹត្តិការណ៍

• 16/10/2024

ឱកាសសិក្សាអាហារូបករណ៍ចំនួន៤០០កន្លែងនៅវិទ្យាស្ថានខ្មែរជំនាន់ថ្មីសិក្សាថ្នាក់ឧត្ដមសិក្សាពីកម្មវិធីអាហារូបករណ៍អភិសន្តិបណ្ឌិត ស សុខា សម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់។

អាហារូបករណ៍ថ្នាក់ឧត្ដមសិក្សាពីវិទ្យាស្ថានខុងជឺនៅប្រទេសចិនឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 02/02/2026

ឱកាសសិក្សាថ្នាក់ឧត្ដមសិក្សានៅប្រទេសចិនសម្រាប់ឆ្នាំសិក្សា២០២៦ ពីកម្មវិធីអាហារូបករណ៍វិទ្យាស្ថានខុងជឺ ឆ្នាំ២០២៦។ អាហារូបករណ៍ផ្ដល់ឱ្យថ្នាក់បរិញ្ញាបត្រ បរិញ្ញាបត្រជាន់ខ្ពស់ ថ្នាក់សិក្សាវគ្គខ្លីជាឆ្នាំ និងឆមាស។

អាហារូបករណ៍ថ្នាក់បណ្ឌិតពីកម្មវិធី Rosa Luxemburg នៅប្រទេសអាល្លឺម៉ង់ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 22/09/2023

ឱកាសសិក្សាថ្នាក់បណ្ឌិតពីមូលនិធិ Rosa Luxemburg នៃកម្មវីធីសិក្សា DAAD ប្រទេសអាល្លឺម៉ង់ឆ្នាំសិក្សា២០២៤-២០២៥ ។ អាហារូបករណ៍ផ្ដល់ជូនការសិក្សាដល់និស្សិតបរទេស.....

ឱកាសផ្លាស់ប្ដូរការសិក្សា៨សប្ដាហ៍នៅសាកលវិទ្យាល័យក្យូតូ ប្រទេសជប៉ុនឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 12/12/2024

ឱកាសទទួលបានការផ្លាស់ប្ដូរការសិក្សានៅសាកលវិទ្យាល័យក្យូតូ នាប្រទេសជប៉ុនក្នុងឆ្នាំសិក្សា២០២៥ ពីកម្មវិធីអាហារូបករណ៍ 2025 Kyoto University Amgen Scholars Program។ កម្មវិធីផ្លាស់ប្ដូរការសិក្សាមានរយៈពេល៨សប្ដាហ៍...

អាហារូបករណ៍ថ្នាក់អនុបណ្ឌិត និងបណ្ឌិត ពីកម្មវិធី Australia Awards ប្រទេសអូស្រ្តាលី

ព័ត៌មានអាហារូបករណ៍, ព្រឹត្តិការណ៍

• 19/04/2023

កម្មវិធីអាហារូបករណ៍ «Australia Awards Scholarships Intake 2024» របស់រដ្ឋាភិបាលអូស្រ្តាលី សម្រាប់ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ចាប់ផ្តើមដំណើរការចុះឈ្មោះ...

រៀនជំនាញបច្ចេកទេស ១៣ជំនាញ ឥតគិតថ្លៃ នៅវិទ្យាស្ថានពហុបច្ចេកទេសខេត្តកំពង់ឆ្នាំង

ព័ត៌មានអាហារូបករណ៍, ព្រឹត្តិការណ៍

• 09/07/2026

សម្រាប់យុវជន ក៏ដូចជាប្រជាពលរដ្ឋទូទៅដែលកំពុងស្វែងរកការសិក្សាជំនាញបច្ចេកទេស ពេលនេះវិទ្យាស្ថានពហុបច្ចេកទេសខេត្តកំពង់ឆ្នាំង កំពុងជ្រើសរើសសិស្សឱ្យចូលរៀនជំនាញបច្ចេកទេស និងវិជ្ជាជីវៈ ទៅលើ ១៣ជំនាញដោយឥតគិតថ្លៃ...

អាហារូបករណ៍សិក្សាថ្នាក់ក្រោយឧត្ដមសិក្សានៅប្រទេសសិង្ហបុរីពីកម្មវិធីអាហារូបករណ៍ SASEAF

ព័ត៌មានអាហារូបករណ៍, ព្រឹត្តិការណ៍

• 26/07/2023

ឱកាសសិក្សាអាហារូបករណ៍ថ្នាក់ក្រោយឧត្ដមសិក្សានៅប្រទេសសិង្ហបុរីពីកម្មវិធីអាហារូបករណ៍ SG Academies South-East Asia Fellowship ឬ SASEAF សម្រាប់បេក្ខជនពីប្រទេសមាជិកអាស៊ានសម្រាប់ឆ្នាំសិក្សា២០២៣