ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កូនរ៉ូបូតបោសសម្អាតឆ្លាតវៃមួយគ្រឿង ដែលមានសមត្ថភាពបោសសំអាតតាមរយៈប្រអប់បញ្ជា ជាគំនិតច្នៃប្រឌិតរបស់សិស្សថ្នាក់ទី១១ នៃសាលារៀនជំនាញថ្មី វិទ្យាល័យព្រែកលៀប ត្រូវបានដាក់បង្ហាញក្នុងទិវាជាតិអប់រំបណ្តុះបណ្ដាលបច្ចេកទេស និងវិជ្ជាជីវៈ លើកទី៧ ឆ្នាំ២០២៤ កាលពីពេលថ្មីៗនេះ ដោយទទួលបានការចាប់អារម្មណ៍ពីសាធារណៈជន។
យុវសិស្ស ឃាង វិបុល ជាសិស្សថ្នាក់ទី១១ សាលារៀនជំនាន់ថ្មី នៃវិទ្យាល័យព្រែកលៀប និងជាតំណាងក្រុម បានប្រាប់ឱ្យដឹងថា គំរូរ៉ូបូតបោសសម្អាតនេះ មានតួនាទីក្នុងការសម្អាតបរិស្ថាន ប្រមូលសំរាម ដើម្បីជួយឱ្យប្រទេសកម្ពុជាមានភាពស្រស់ស្អាតផ្នែកបរិស្ថាន។ យុវសិស្ស ឃាង វិបុល បន្តថា រ៉ូបូតបោសសម្អាតនេះ ក៏ជាផ្នែកមួយជួយសម្រួលកម្លាំងប្រជាជនក្នុងការសម្អាតទីធ្លារតាមដងផ្លូវផងដែរ។
ចំពោះការតម្លើងរៀបចំរ៉ូបូតនេះ បើតាម យុវសិស្ស វិបុល វាត្រូវចំណាយពេលសម្រាប់រៀបចំ និងតម្លើងរយៈពេលមួយសប្ដាហ៍ ដោយមានការសហការជាក្រុម និងយល់ចិត្តគ្នា។
យុវសិស្ស ឃាង វិបុល បន្ថែមថា លក្ខណៈពិសេសរបស់ រ៉ូបូតបោសសម្អាត នេះ គឺប្រើប្រាស់បន្ទះ Arduino សម្រាប់ប្រើក្នុងការបញ្ជាររ៉ូបូតឱ្យដើរទៅមុខ ទៅក្រោយ ឬងាកឆ្វេង ងាកស្ដាំ។ លើសពីនេះ ប្រើប្រព័ន្ធស្វ័យប្រវត្តិ ដើម្បីឱ្យឧបករណ៍បោសសម្អាតដែលនៅខាងមុខដំណើរការបោសសម្អាត។
តំណាងក្រុមរ៉ូបូតបោសសម្អាត រូបនេះ លើកឡើងថា រូបគេមានអារម្មណ៍សប្បាយចិត្ត ព្រោះបានបង្កើត រ៉ូបូតបោសសម្អាតនេះឡើង ក្នុងគោលបំណងជួយសង្គម ហើយប្រសិនបើអាចដំណើរការទៅមុខបន្តទៀត គឺរូបគេនឹងធ្វើឱ្យកាន់តែធំជាងនេះទៀត។
គួរជម្រាបជូនថា គំនិតច្នៃប្រឌិតមាននៅគ្រប់ទីកន្លែង ប្រសិនបើមនុស្សមានមូលដ្ឋានក្នុងការគិតពិចារណាឱ្យបានស៊ីជម្រៅ។ ជាក់ស្ដែងដូចជា ការបង្កើតឧបករណ៍ច្នៃប្រឌិតខ្លះសិស្សអាចរៀនដោយខ្លួនឯង ដូចជាតាមរយៈការមើលវីដេអូ ឬយូធូបជាដើម៕
