ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ឱកាសសិក្សាអាហារូបករណ៍ថ្នាក់ឧត្ដមសិក្សាសម្រាប់និស្សិតបរទេសនៅសាកលវិទ្យាល័យណានជីងប្រទេសចិនឆ្នាំសិក្សា២០២៣ ។ អាហារូបករណ៍ផ្ដល់ជូនការសិក្សាផ្នែកវិទ្យាសាស្រ្តធម្មជាតិ វិស្វកម្ម និងឱសថ ដែលត្រូវការ HSK កម្រិត 4 និងសិល្បៈសេរី ធុរកិច្ច និងវិទ្យាសាស្ត្រសង្គម ត្រូវការកម្រិត HSK 5។
បេក្ខជនដែលមានចំណាប់អារម្មណ៍ក្នុងការដាក់ពាក្យអាចចូលទៅកាន់តំណភ្ជាប់ ៖ https://hwxy.nju.edu.cn/lxnd/zsxx/jxj/zgzfjxj/index.html ។ ជាមួយគ្នានេះ បេក្ខជនត្រូវភ្ជាប់ជាមួយឯកសារចាំបាច់ លិខិតឆ្លងដែន លិខិតបញ្ជាក់មិនធ្លាប់មានបទឧក្រិដ្ឋកម្ម ប្រតិចារិកសិក្សារបស់សិស្ស (The student’s academic Transcripts) លិខិតអនុសាសន៍ចំនួនពីរពីសាកលវិទ្យាល័យ (ឬពីលោកគ្រូអ្នកគ្រូនៅវិទ្យាល័យសម្រាប់ថ្នាក់បរិញ្ញាបត្រ) លិខិតបញ្ជាក់តេស្តភាសាចិនHSK (សម្រាប់អ្នកសិក្សាកម្មវិធីសិក្សាជាភាសាចិន) លិខិតបញ្ជាក់ភាសាអង់គ្លេស IELTS ៦.០ , TOEFL ៨៥ពិន្ទុ ឬ Duolingo ១០០ សម្រាប់កម្មវិធីសិក្សាភាសាអង់គ្លេស និងសញ្ញាបត្រមធ្យមសិក្សាទុតិយភូមិ សញ្ញាបត្របញ្ជាក់ការសិក្សាដែលបានបញ្ចប់ លិខិតថ្លែងការជាបុគ្គល(Personal statement) ។
លក្ខខណ្ឌដែលបេក្ខជនអាចធ្វើការដាក់ពាក្យស្នើសុំបានត្រូវ មិនមានសញ្ជាតិជនជាតិចិន មានសុខភាពល្អទាំងកាយសម្បទា និងស្មារតី បេក្ខជននឹងមិនមានសិទ្ធិប្រសិនបើបានបញ្ចប់ការសិក្សាពីសាកលវិទ្យាល័យណាមួយក្នុងប្រទេសចិនតិចជាងមួយឆ្នាំមុន ។ សម្រាប់ការស្នើពាក្យសុំអាហារូបករណ៍ថ្នាក់បរិញ្ញាបត្រត្រូវមានអាយុក្រោម២៥ឆ្នាំ ថ្នាក់បរិញ្ញាបត្រជាន់ខ្ពស់អាយុក្រោម៣៥ឆ្នាំ និងថ្នាក់បណ្ឌិតក្រោម៤០ឆ្នាំ ។
បេក្ខជនដែលទទួលបានអាហារូបករណ៍នឹងទទួលបានការគាំទ្រដូចជា ការសិក្សាឥតគិតថ្លៃ កន្លែងស្នាក់នៅ ថ្លៃសេវាកម្មធានារ៉ាប់រងសុខភាព ទឹកប្រាក់ឧបត្ដម្ភ២៥០០RMB សម្រាប់ថ្នាក់បរិញ្ញាបត្រ ទឹកប្រាក់៣០០០RMB សម្រាប់ថ្នាក់បរិញ្ញាបត្រជាន់ខ្ពស់ និងទឹកប្រាក់៣៥០០RMB សម្រាប់ថ្នាក់បណ្ឌិត ។
សម្រាប់ព័ត៌មានបន្ថែមអាចចូលទៅកាន់ https://b4unew.com/chinese-government-scholarship-at-nanjing-university-2023/ ។ ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី១២ ខែមីនា ឆ្នាំ២០២៣ ៕
