ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ក្នុងពិធីសម្ពោធដាក់ឱ្យប្រើប្រាស់ជាផ្លូវការ «អគារសាលាយុត្តិធម្ម» ស្ថិតនៅសង្កាត់ព្រែកលៀប ខណ្ឌជ្រោយចង្វា នាព្រឹកថ្ងៃទី២៦ មិថុនា សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានលើកឡើងថា ការមានកន្លែងធ្វើការល្អ គឺវាប្រសើរណាស់ទៅហើយ ប៉ុន្តែប្រសើរជាងនេះទៀត គឺប្រសិទ្ធិភាព។
បើតាមប្រសាសន៍របស់សម្តេចតេជោនាយករដ្ឋមន្រ្តី នៅក្នុងយុទ្ធសាស្រ្តចតុកោណ គឺមានពាក្យមួយឃ្លា គឺប្រសិទ្ធភាព ដូច្នេះទោះមានកន្លែងធ្វើការធំប៉ុណ្ណា ស្រួលប៉ុណ្ណាក៏ដោយ ប៉ុន្តែប្រសិនបើប្រសិទ្ធភាពការងារគ្មាន គឺវាមិនអាចទៅរួចនោះទេ។
សម្តេចតេជោ ហ៊ុន សែន នាយករដ្ឋមន្រ្តី
” អញ្ចឹងខ្ញុំសុំស្នើកន្លែងនេះ ការកសាងឱ្យមានកន្លែងធ្វើការវាជាការលំបាកមួយហើយ ប៉ុន្តែបញ្ហាធ្វើការដោយមាននិរន្តភាពម្ខាង និងធានាឱ្យមានប្រសិទ្ធភាព គឺជារឿងចាំបាច់… “
ជាមួយគ្នានេះដែរសម្តេចតេជោក៏បានអំពាវនាវទៅដល់មន្រ្តីគ្រប់ស្ថាប័នទាំងអស់ ក៏ត្រូវធ្វើការសន្សំសំចៃភ្លើងនៅកន្លែងការងារផងដែរ ដើម្បីកាត់បន្ថយការចំណាយរបស់រដ្ឋ។
សម្តេចតេជោ ហ៊ុន សែន នាយករដ្ឋមន្រ្តី
“ខ្ញុំសូមអំពាវនាវ កន្លែងធ្វើការកាន់តែល្អ ការចំណាយសម្រាប់ដំណើរការ ក៏កាន់តែច្រើនដែរ ជាពិសេសអំពាវនាវឱ្យសន្សំសំចៃភ្លើងតែម្តង… ពេលចេញទៅផ្ទះអាណិតបិទភ្លើងសិន បិទម៉ាស៊ីនត្រជាក់សិន ដើម្បីសន្សំសំចៃភ្លើងកុំឱ្យការចំណាយវាធំពេក… “
សូមបញ្ជាក់ដែរថា អគារ «សាលាយុត្តិធម្ម» ថ្មី របស់ក្រសួងយុត្តិធម៌ ត្រូវបានសាងសង់ឡើងនៅលើផ្ទៃក្រឡាសរុបប្រមាណ ២៣.០៣៥ម៉ែត្រក្រឡា មានបណ្តោយ ៦២ម៉ែត្រ ទទឹង៦០ម៉ែត្រ កម្ពស់ ៨ជាន់ ដោយបំពាក់នូវប្រព័ន្ធបណ្តាញតភ្ជាប់ផ្នែកបច្ចេកវិទ្យា សម្រាប់បម្រើការងារក្នុងបរិបទ នៃការធ្វើឌីជីថលលូបនីយកម្មនាពេលខាងមុខផងដែរ។
អគារ «សាលាយុត្តិធម្ម» ថ្មីនេះ បែងចែកជាពីរផ្នែក ដោយមួយផ្នែក ជាទីតាំងបម្រើការងារថ្មី របស់សាលាដំបូងរាជធានីភ្នំពេញ និងមួយផ្នែកទៀត ជាទីតាំងបម្រើការងារថ្មីរបស់ សាលាឧទ្ធរណ៍ភ្នំពេញ។ ការរៀបចំទីកន្លែងបំពេញការងារ នៅកន្លែងតែមួយនេះ គឺយកលំនាំតាមការរៀបចំ តុលាការ ដូចនៅប្រទេសបារាំង ហៅថា «វិមានយុត្តិធម៌» (Palais de Justice) ដើម្បីប្រមូលផ្ដុំការផ្តល់សេវាយុត្តិធម៌ ឱ្យនៅជាមួយគ្នា ងាយស្រួល សម្រាប់អ្នកប្រើប្រាស់ សេវានេះ ៕
