ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
គណៈកម្មាធិការអាហារូបករណ៍សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន ប្រកាសពីការផ្តល់អាហារូបករណ៍ចំនួន ២២កន្លែង សម្រាប់ការសិក្សាកម្រិតថ្នាក់បរិញ្ញាបត្រនៅវិទ្យាស្ថានភាសាបរទេស (IFL) និងវិទ្យាស្ថានសិក្សាអន្តរជាតិ និងគោលនយោបាយសាធារណៈ (IISPP) សម្រាប់ឆ្នាំសិក្សា២០២៣-២០២៤។
លក្ខខណ្ឌសម្រាប់សិស្ស-និស្សិត ក្នុងការដាក់ពាក្យស្នើសុំចូលរួមប្រឡងយករួមមាន ៖ ជាបេក្ខជនបានប្រឡងជាប់សញ្ញាបត្រមធ្យមសិក្សាទុតិយភូមិ ឬមានសញ្ញាបត្រសមមូល, មានឆន្ទៈពិតប្រាកដក្នុងការបន្តការសិក្សា ខិតខំរៀនសូត្រ, គោរពតាមការណែនាំ និងព្រមទទួលយកលក្ខខណ្ឌដែលមានចែងរបស់គណៈកម្មាធិការអាហារូបករណ៍សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត និងវិទ្យាស្ថានទាំងពីរ។
ជំនាញដែលនឹងត្រូវផ្តល់ជូន សម្រាប់វិទ្យាស្ថានភាសាបរទេស ៖ ភាសាអង់គ្លេស ៦កន្លែង, ភាសាជប៉ុន ២កន្លែង, ភាសាកូរ៉េ ២កន្លែង, ភាសាចិន ២កន្លែង, ភាសាបារាំង ២កន្លែង, ភាសាថៃ ២កន្លែង។
សម្រាប់វិទ្យាស្ថានសិក្សាអន្តរជាតិ និងគោលនយោបាសាធារណៈ មានជំនាញ ៖ ទំនាក់ទំនងអន្តរជាតិ ២កន្លែង, សេដ្ឋកិច្ចអន្តរជាតិ ២កន្លែង, វិទ្យាសាស្រ្តនយោបាយ និងរដ្ឋបាលសាធារណៈ ២កន្លែង។
សម្រាប់បេក្ខជនដែលមានចំណាប់អារម្មណ៍ សូមទាញយកពាក្យប្រឡងតាមដំណរភ្ជាប់នេះ និងសូមដាក់ពាក្យប្រឡងនៅវិទ្យាស្ថាននីមួយៗផ្ទាល់ តាមការជ្រើសរើសរបស់សាម៉ីខ្លួន និងអនុលោមតាមនីតិវិធីរបស់វិទ្យាស្ថាននីមួយៗ។
កាលបរិច្ឆេទដាក់ពាក្យ គឺចាប់ពីថ្ងៃជូនដំណឹងនេះ រហូតដល់ថ្ងៃទី២២ ខែធ្នូ ឆ្នាំ២០២៣ ហើយសម័យប្រឡងនឹងប្រព្រឹត្តទៅនៅថ្ងៃទី៦ ខែមករា ឆ្នាំ២០២៤៕
