ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ការកាត់បន្ថយភាពក្រីក្ររបស់ប្រជាជន និងការលើកកម្ពស់ជីវភាពប្រជាជន គឺជាគោលដៅរបស់ប្រទេសកម្ពុជា ដូច្នេះកិច្ចការសំខាន់មួយដើម្បីកាត់បន្ថយភាពក្រីក្រ គឺការបង្កើតការងារ ។ នេះជាការលើកឡើងរបស់ ឯកឧត្តម ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ ក្នុងពិធីសម្ពោធរោងចក្រផលិតកេសកាតុង OJI PACKAGING Cambodia កាលពីពេលថ្មីៗនេះ។
បើតាមទស្សនៈរបស់ ឯកឧត្តម ហ៊ុន ម៉ាណែត មានកិច្ចការធំៗចំនួនបី នៅក្នុងកិច្ចការបង្កើតការងារជូនប្រជាជន នោះគឺ ៖
១). បរិមាណ ៖ បើតាមប្រសាសន៍របស់ ឯកឧត្តម ហ៊ុន ម៉ាណែត បរិមាណ គឺមិនត្រូវប្រមូលផ្តុំតែនៅរាជធានីភ្នំពេញ ឬខេត្តព្រះសីហនុ ឬក៏នៅទីណានោះទេ ហើយជាគោលដៅរបស់រាជរដ្ឋាភិបាល គឺត្រូវបង្កើតការងារឱ្យបានច្រើន និងរុញការងារឱ្យដល់មូលដ្ឋាន។
ឯកឧត្តម ហ៊ុន ម៉ាណែត
“កន្លែងណាដែលមានសក្តានុពលខាងកសិកម្ម យើងជំរុញខាងកសិកម្ម, កន្លែងណាមានសក្តានុពលក្នុងការអភិវឌ្ឍវិស័យទេសចរណ៍ យើងលើកទឹកចិត្តឱ្យបង្កើតនូវឧស្សាហកម្មទេសចរណ៍… ធ្វើយ៉ាងណាយើងបង្កើតការងារឱ្យបានច្រើន បង្កើតនៅកន្លែងដែលមានសក្តានុពល និងរុញឱ្យដល់មូលដ្ឋានដើម្បីឱ្យកូនចៅប្រជាពលរដ្ឋយើងមានការងារធ្វើ”
២). គុណភាព ៖ ចំពោះអាជីវកម្ម ឬការវិនិយោគដែលមានគុណភាព គឺជាកិច្ចការមួយយើងត្រូវយកចិត្តទុកដាក់ , គុណភាពមាន៥ចំណុច ទី១ ការវិនិយោគដែលមានយុទ្ធសាស្រ្តច្បាស់លាស់ និងយូរអង្វែង, ២.ការផ្តល់ឱកាសឱ្យកម្មករនិយោជិតទទួលបាននូវបៀវត្សរ៍ និងអត្ថប្រយោជន៍ល្អ រួមជាមួយនឹងឱកាសឱ្យគាត់បង្កើនសមត្ថភាព, ៣.ការវិនិយោគ និងបង្កើតការងារដែលផ្តល់ការការពារសិទ្ធិ និងយកចិត្តទុកដាក់ទៅលើសុខមាលភាពរបស់អ្នកទាំងអស់គ្នា ជាពិសេសរបស់កម្មករនិយោជិត, ៤.ការវិនិយោគត្រូវយកចិត្តទុកដាក់ផងដែរទៅលើបរិស្ថាន សហគមន៍ និងសង្គមជាតិ, និង ៥.ការពង្រឹងការលើកកម្ពស់ប្រសិទ្ធិភាព ផលិតភាពការងារ តាមរយៈការនាំចូលនូវបច្ចេកវិទ្យាទំនើប និងការពង្រឹងនូវរបៀបរបបការងារថ្មី។
ឯកឧត្តម ហ៊ុន ម៉ាណែត
“ការគ្រប់គ្របទាំង៥ចំណុចនេះ ខ្ញុំគិតថា ជាកត្តារួមផ្សំនៃការកំណត់ថា តើវិនិយោគណាមួយ ឬអាជីវកម្មណាមួយដែលមានគុណភាព… គុណភាពនៃការផ្តល់ឱ្យការងារ គុណភាពបរិស្ថាន គុណភាពផាសុកភាព គុណភាពរក្សាច្បាប់ គុណភាពការចូលរួមចំណែក និងការពង្រឹងនូវរបៀបរបបការងារ និងបច្ចេកវិទ្យានៅកម្ពុជា”
៣). សមធម៌ ៖ ការវិនិយោគដែលមានលក្ខណៈសមធម៌ ត្រូវគិតទាំងនិយោជក និងនិយោជិត ។ បើតាមប្រសាសន៍របស់ ឯកឧត្តម ហ៊ុន ម៉ាណែត តួរអង្គទាំងពីរសំខាន់នៅក្នុងការបង្កើតប្រព័ន្ធសង្វាក់ឯកជនឱ្យដើរ ដោយយើងមិនអាចគិតតែក្រុមហ៊ុន ហើយអត់គិតពីកម្មករ ហើយក៏មិនអាចគិតពីកម្មករ មិនគិតពីការបង្កលក្ខណៈដល់ក្រុមហ៊ុនដើម្បីដំណើរការ ដូចជាការផ្តល់នូវការលើកទឹកចិត្តផ្សេងៗបាននោះទេ។ ពោលគឺធ្វើយ៉ាងណា ឱ្យមានសុខដុមនីយកម្មរវាងនិយោជក និងនិយោជិត។ ឯកឧត្តមបញ្ជាក់ថា ច្បាប់ដែលកម្ពុជាបានដាក់ចេញ គឺដើម្បីការពារកម្មករកម្មការិនី ធ្វើយ៉ាងណានៅក្នុងព្រំដែនមួយដែលធ្វើឱ្យភាគីទាំងពីរអាចរួមគ្នាបាន សហការគ្នា ស្រឡាញ់គ្នា និងជួយគ្នា។
ឯកឧត្តម ហ៊ុន ម៉ាណែត
“យើងអត់កាន់ជើងពីណាគេទេ យើងកាន់ជើងជាតិយើងទាំងមូល ផលប្រយោជន៍យើងជារួម ទាំងសេដ្ឋកិច្ច ទាំងផលប្រយោជន៍ជូនដល់ប្រជាពលរដ្ឋយើង ជាពិសេសកម្មករកម្មការិនី…”
ដូច្នេះហើយ រាជរដ្ឋាភិបាលលើកទឹកចិត្ត ធ្វើយ៉ាងណាឱ្យការវិនិយោគប្រកបដោយសមធម៌ សំដៅផ្តល់នូវអត្ថប្រយោជន៍ដល់ទាំងនិយោជិត និងនិយោជក ដើម្បីធ្វើយ៉ាងណាឱ្យភាគីទាំងពីរសប្បាយចិត្តរួមគ្នាធ្វើការ។ បើទាំងពីរសប្បាយចិត្តបានផលរួមនៅក្នុងសង្គមជាតិរបស់យើង សេដ្ឋកិច្ចបានដើរ ប្រជាពលរដ្ឋយើងបានការងារធ្វើ មានការគាំពារច្បាស់លាស់ បៀវត្សរ៍បានកើន នោះនឹងមានការកាត់បន្ថយភាពក្រីក្រ៕
លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ ៥០កន្លែង ទៅសិក្សានៅប្រទេសចិន តាមរយៈកម្មវិធីអាហារូបករណ៍ អ.ម.ត.
ព័ត៌មានអាហារូបករណ៍, ព្រឹត្តិការណ៍
• 21/04/2026
អាហារូបករណ៍ដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត សិក្សា នៅសាធារណរដ្ឋប្រជាមានិតចិន ថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់ (លើកទី២) ចំនួន ៥០ កន្លែង
អាហារូបករណ៍ទេពកោសល្យស្ទែម ចំនួន១០កន្លែងនៅសាកលវិទ្យាល័យ CamTech
ព័ត៌មានអាហារូបករណ៍, ព្រឹត្តិការណ៍
• 20/08/2025
សម្រាប់សិស្សានុសិស្សដែលចាប់អារម្មណ៍ក្នុងការបន្តការសិក្សានៅសាកលវិទ្យាល័យទៅលើជំនាញស្ទែម ពេលនេះ សាកលវិទ្យាល័យ CamTech បានប្រកាសពីអាហារូបករណ៍ទេពកោសល្យស្ទែម របស់ឯកឧត្តមបណ្ឌិតសភាចារ្យ ហង់ជួន ណារ៉ុន...
អាហារូបករណ៍ភាសាអង់គ្លេសសម្រាប់សិស្សថ្នាក់ទី១២ ដើម្បីត្រៀមប្រឡងបាក់ឌុប
ព័ត៌មានអាហារូបករណ៍, ព្រឹត្តិការណ៍
• 04/06/2025
ក្រសួងអប់រំ យុវជន និងកីឡា ក្រោមកិច្ចសហការ និងការគាំទ្រពី មជ្ឈមណ្ឌលអូស្ត្រាលីសម្រាប់ការបណ្តុះបណ្តាល (ACE) និងសាលាអន្តរជាតិកម្ពុជាអូស្រ្តាលី (Australia Cambodia Education Academy – AusCam Academy)
អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ១០កន្លែងនៅសាកលវិទ្យាល័យលីមកុកវីង
ព័ត៌មានអាហារូបករណ៍, ព្រឹត្តិការណ៍
• 18/12/2023
ជាឱកាសសម្រាប់សិស្សនិស្សិតដែលកំពុងស្វែងរកអាហារូបករណ៍សិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់ នៅសាកលវិទ្យាល័យលីមកុកវីង ពេលនេះ គណៈកម្មាធិការអាហារូបករណ៍...
ឱកាសសិក្សាជំនាញវិជ្ជាជីវៈចំនួន២៧០កន្លែងនៅវិទ្យាស្ថានពហុបច្ចេកទេសខេត្តព្រៃវែង
ព័ត៌មានអាហារូបករណ៍, ព្រឹត្តិការណ៍, អាហារូបករណ៍
• 30/09/2024
វិទ្យាស្ថានពហុបច្ចេកទេសខេត្តព្រៃវែងប្រកាសជ្រើសរើសសិក្ខាកាមចូលសិក្សាជំនាញវិជ្ជាជីវៈវគ្គខ្លីក្រោមគម្រោង១លាន៥សែននាក់របស់រាជរដ្ឋាភិបាលកម្ពុជាសម្រាប់វគ្គសិក្សាថ្មី។ អាហារូបករណ៍ផ្ដល់ជូនការសិក្សាចំនួន២៧០នាក់ លើមុខជំនាញ៩ផ្សេងគ្នា។
ក្រសួងអប់រំផ្តល់អាហារូបករណ៍ថ្នាក់បណ្ឌិត ទៅសិក្សានៅសាកលវិទ្យាល័យមហាសារ៉ាខាម ប្រទេសថៃ
ព័ត៌មានអាហារូបករណ៍, ព្រឹត្តិការណ៍
• 24/04/2024
ក្រសួងអប់រំ យុវជន និងកីឡា បានឱ្យដឹងថា សម្រាប់ឆ្នាំ២០២៤ សាកលវិទ្យាល័យមហាសារ៉ាខាម នៃព្រះរាជាណាចក្រថៃ នឹងផ្តល់អាហារូបករណ៍ចំនួន ០១កន្លែង ដល់និស្សិតកម្ពុជា ដើម្បីបន្តការសិក្សាថ្នាក់បណ្ឌិត...
អាហារូបករណ៍ថ្នាក់ឧត្ដមសិក្សានៅ University of Luxembourg ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 06/02/2026
ឱកាសសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យលុចសំបួរ ពីកម្មវិធីអាហារូបករណ៍ជាច្រើន សម្រាប់ឆ្នាំសិក្សា២០២៦។ អាហារូបករណ៍ផ្ដល់ការសិក្សាពេញលេញ និងអត្ថប្រយោជន៍ជាច្រើនសម្រាប់...
ឱកាសសិក្សាវជំនាញវិជ្ជាជីវៈ និងបច្ចេកទេសនៅវិទ្យាស្ថានជាតិសហគ្រិនភាព និងនវានុវត្តន៍
ព័ត៌មានអាហារូបករណ៍, ព្រឹត្តិការណ៍
• 19/03/2024
វិទ្យាស្ថានជាតិសហគ្រិនភាព និងនវានុវត្តន៍ប្រកាសជ្រើសរើសបេក្ខជនសិក្សាវគ្គបណ្តុះបណ្តាលជំនាញវិជ្ជាជីវៈ និងបច្ចេកទេស (១,៥ លាននាក់)។ អាហា...
ក្រសួងប្រៃសណីយ៍ ប្រកាសផ្តល់អាហារូបករណ៍ទេពកោសល្យឌីជីថលតេជោ ២៥កន្លែង លើជំនាញ «វិទ្យាសាស្ត្រកុំព្យូទ័រកង់ទិច» នៅសាកលវិទ្យាល័យ AUPP
ព័ត៌មានអាហារូបករណ៍, ព្រឹត្តិការណ៍
• 07/08/2026
ដើម្បីឆ្លើយតបទៅនឹងការវិវត្តយ៉ាងរហ័សនៃបច្ចេកវិទ្យាឌីជីថល និងការអភិវឌ្ឍមូលធនមនុស្សក្នុងយុគសម័យថ្មី និងក្នុងគោលបំណងជំរុញកំណើនសេដ្ឋកិច្ច ការប្រកួតប្រជែងផ្នែកបច្ចេកវិទ្យា
កម្មវិធីពិសេសរបស់ AMS EDUCATION
ព័ត៌មានសង្ខេប
