ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – វិទ្យាស្ថានបច្ចេកទេសឧស្សាហកម្ម សម្រេចផ្តល់អាហារូបករណ៍ដល់យុវជន សាធារណជន សិស្សានុសិស្ស ចូលរៀនជំនាញបច្ចេកទេស និងវិជ្ជាជីវៈ ឆ្នាំសិក្សា២០២២-២០២៣ ចំនួន ៩៤០កន្លែង និងបង់ថ្លៃចំនួន៧៤០កន្លែង ។ អាហារូបករណ៍ផ្ដល់ជូនជំនាញសិក្សាជាច្រើនកម្រិតរួមមាន សញ្ញាបត្របរិញ្ញាបត្របច្ចេកវិទ្យា/ឯកទេស សញ្ញាបត្រជាន់ខ្ពស់បច្ចេកទេស/បរិញ្ញាបត្ររង សញ្ញាបច្ចេកទេស និងវិជ្ជាជីវៈ១ ២ ៣ ។
អាហារូបកណ៍ផ្ដល់ជូនការសិក្សាជំនាញព័ត៌មានវិទ្យា៨០កន្លែង ពាណិជ្ជកម្មអេឡិចត្រូនិច៤០កន្លែង វិស្វកម្មរថយន្ត៨០កន្លែង បរិក្ខាត្រជាក់៦០កន្លែង វិស្វកម្មលោហៈ៤០កន្លែង គ្រប់គ្រងបច្ចេកវិទ្យា៤០កន្លែង វិស្វកម្មអគ្គិសនី៤០កន្លែង និងវិស្វកម្មលោហៈបន្ទះបន្សារ៦០កន្លែង ។ លើសពីនេះ ជំនាញការថែទាំនិងជួសជុលអគ្គសនីរថយន្ត១២០កន្លែង ការថែទាំនិងជួសជុលអគ្គិសនីរថយន្ត៦០កន្លែង សេវាកម្មបរិក្ខាត្រជាក់ក្នុងគេហដ្ឋាន១២០កន្លែង ការផ្សារអគ្គិសនី១២០កន្លែង សេវាកម្មគ្រប់គ្រងយានដ្ឋាន២០កន្លែង ការដំឡើងបណ្ដាញអគ្គិសនីក្នុងអគារ៦០កន្លែង និងការបន្ស៊ីលោហៈ៤០កន្លែង ។ គួរបញ្ជាក់ថាអាហារូបករណ៍បែងចែកចំនួនសិក្សាជំនាញទៅតាមកម្រិតសញ្ញាបត្រសិក្សាដែលបានផ្ដល់ជូន ។
លក្ខខណ្ឌជ្រើសរើសសម្រាប់បក្ខេជនត្រូវបានបែងចែកទៅតាមកម្រិតសិក្សាដូចជា កម្រិតបរិញ្ញាបត្របច្ចេកវិទ្យា/ឯកទេសត្រូវមានសញ្ញាបត្រមធ្យមសិក្សាទុតិយភូមិ ឬសញ្ញាបត្រមានតម្លៃស្មើ កម្រិតសញ្ញាបត្រជាន់ខ្ពស់បច្ចេកទេស/បរិញ្ញាបត្ររងត្រូវមានសញ្ញាបត្របច្ចេកទេស និងវិជ្ជាជីវៈ៣ ឬសញ្ញាបត្រមធ្យមសិក្សាទុតិយភូមិ(ជាប់ឬធ្លាក់) ឬសញ្ញាបត្រមានតម្លៃស្មើ ។ កម្រិតសញ្ញាបត្របច្ចេកទេស និងវិជ្ជាជីវៈ៣ ត្រូវមានសញ្ញាបត្របច្ចេកទេស និងវិជ្ជាជីវៈ២ ឬសញ្ញាបត្រដែលមានតម្លៃស្មើ កម្រិតសញ្ញាបត្របច្ចេកទេស និងវិជ្ជាជីវៈ១ត្រូវមានសញ្ញាបត្រមធ្យមសិក្សាបឋមភូមិ(ជាប់ឬធ្លាក់) ឬវិញ្ញាបនបត្រវិជ្ជាជីវៈ(VC) ឬសញ្ញាបត្រមានតម្លៃស្មើ ។
ជាមួយគ្នានេះ បេក្ខជន-បេក្ខនារីដែលមានចំណាប់អារម្មណ៍ក្នុងការសិក្សាត្រូវបំពេញបែបបទពាក្យសុំចូលរៀន សាលាកប័ត្រឯកត្តជន និងកិច្ចសន្យា០១ច្បាប់ សញ្ញាបត្រ ឬលិខិតបញ្ជាក់០១ច្បាប់ សៀវភៅគ្រួសារថតចម្លង១ច្បាប់ អត្តសញ្ញាណប័ណ្ណថតចម្លង០១ច្បាប់ និងរូបថតថ្មីពាក់អាវធំផ្ទៃក្រោយពណ៌ខៀវទំហំ ៤x៦(២សន្លឹក) និងរូប៣x៤ (២សន្លឹក) ។ បេក្ខជន-បេក្ខនារីដែលមានពិការភាព ស្រ្តី សិស្សានុសិស្ស ជនជាតិដើមភាគតិចត្រូវបានផ្ដល់អាទិភាព ។
សម្រាប់ព័ត៌មានលម្អិតសូមទំនាក់ទំនងតាមរយៈលេខទូរស័ព្ទ ០១៥ ៨២១ ៨២៧ – ០៨៧ ៥២៥ ៥០៩ – ០៧០ ៧១៩ ៦០០ ។ ទទួលពាក្យចាប់ពីថ្ងៃផ្សាយដំណឹងនេះរហូតដល់គ្រប់ចំនួនកំណត់ ៕
ជីវប្រវត្តិ: ឈឿង ប៉ូលីណា ជាអ្នករាយការណ៍ និងសរសេរព័ត៌មាននៅស្ថាប័នព័ត៌មាន AMS Education ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់បរិញ្ញាបត្រ ១៥កន្លែង នៅសាកលវិទ្យាល័យអាមេរិកាំងភ្នំពេញ ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 10/10/2024
ឱកាសសិក្សាអាហារូបករណ៍ថ្នាក់បរិញ្ញាបត្រចំនួន១៥កន្លែងនៅសាកលវិទ្យាល័យអាមេរិកាំងភ្នំពេញ (AUPP) សម្រាប់ឆ្នាំសិក្សា២០២៤-២០២៥។
វិទ្យាស្ថានពហុបច្ចេកទេសខេត្តបន្ទាយមានជ័យ ផ្តល់អាហារូបករណ៍២៥០កន្លែងសម្រាប់សិស្សធ្លាក់ ឬជាប់បាក់ឌុប
ព័ត៌មានអាហារូបករណ៍, ព្រឹត្តិការណ៍
• 10/12/2024
ជាឱកាសសម្រាប់សិស្សានុសិស្សដែលទើបប្រឡងបញ្ចប់សញ្ញាបត្រមធ្យមសិក្សាទុតិយភូមិ ឬបាក់ឌុប វិទ្យាស្ថានពហុបច្ចេកទេសខេត្តបន្ទាយមានជ័យ ប្រកាសផ្តល់អាហារូបករណ៍ចំនួន២៥០កន្លែងសម្រាប់កម្រិតសញ្ញាបត្រជាន់ខ្ពស់បច្ចេកទេស ឬបរិញ្ញាបត្ររង។
សិក្សាវគ្គភាសាអង់គ្លេសតាមប្រព័ន្ធអ៊ីនធឺណិត ដោយឥតគិតថ្លៃ និងទទួលបានវិញ្ញាបនបត្រទទួលស្គាល់ជាអន្តរជាតិ
ព័ត៌មានអាហារូបករណ៍, ព្រឹត្តិការណ៍
• 03/08/2026
សាកលវិទ្យាល័យរដ្ឋអាយអូវ៉ា (Iowa State University) សហការជាមួយកម្មវិធី Online Professional English Network (OPEN) ប្រកាសបើកវគ្គសិក្សាតាមប្រព័ន្ធអ៊ីនធឺណិត
អាហារូបករណ៍៥០% និង១០០% នៅពុទ្ធិកសាកលវិទ្យាល័យព្រះសីហមុនីរាជាឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 31/10/2023
ឱកាសសិក្សាអាហារូបករណ៍៥០% និង១០០% នៅពុទ្ធិកសាកលវិទ្យាល័យព្រះសីហមុនីរាជាសម្រាប់ឆ្នាំសិក្សា២០២៤។ អាហារូបករណ៍១០០% ផ្ដល់ជូនសម្រាប់ថ្នាក់បរិញ្ញាបត្ររយៈ....
អាហារូបករណ៍ថ្នាក់ឧត្ដមសិក្សាពីកម្មវិធីអាហារូបករណ៍រដ្ឋាភិបាល Hubei
ព័ត៌មានអាហារូបករណ៍, ព្រឹត្តិការណ៍
• 12/05/2025
កម្មវិធីអាហារូបករណ៍រដ្ឋាភិបាល Hubei ប្រកាសផ្ដល់អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Hubei សាកលវិទ្យាល័យវិទ្យាសាស្ត្រ និងបច្ចេកវិទ្យា Huazhong និង សាកលវិទ្យាល័យភូមិសាស្ត្រចិន បានប្រកាសផ្តល់អាហារូបករណ៍...
សាកលវិទ្យាល័យភូមិន្ទវិចិត្រសិល្បៈ ផ្តល់អាហារូបករណ៍ ១០០% ជូនដល់កូនៗរបស់វីរយុទ្ធជនដែលបានពលីជីវិត ដើម្បីបុព្វហេតុការពារបូរណភាពទឹកដី
ព័ត៌មានអាហារូបករណ៍, ព្រឹត្តិការណ៍
• 04/08/2025
សាកលវិទ្យាល័យភូមិន្ទវិចិត្រសិល្បៈ សម្រេចផ្តល់ជូនអាហារូបករណ៍សិក្សាឥតបង់ថ្លៃ ១០០% រយៈពេល៤ និង៥ឆ្នាំ ក្នុងកម្រិតសិក្សាថ្នាក់បរិញ្ញាបត្រ គ្រប់ជំនាញសិក្សាទាំង៥មហាវិទ្យាល័យ ជូនដល់កូនៗរបស់វីរៈយុទ្ធជន
សាលារៀនសុវណ្ណភូមិផ្ដល់ជូនអាហារូបករណ៍១០០% ជូនដល់កូនៗរបស់យុទ្ធជនពលីជីវិតដើម្បីបុព្វហេតុការពារជាតិ
ព័ត៌មានអាហារូបករណ៍, ព្រឹត្តិការណ៍
• 31/07/2025
ដើម្បីចូលរួមចំណែកជាមួយរាជរដ្ឋាភិបាលកម្ពុជា និងដើម្បីសម្រាលបន្ទុកហិរញ្ញវត្ថុក្នុងគ្រួសារយុទ្ធជនពលីក្នុងបុព្វហេតុការពារជាតិ សាលារៀនសុវណ្ណភូមិ ប្រកាសផ្ដល់អាហារូបករណ៍១០០% រហូតដល់ចប់ថ្នាក់ទី១២...
កម្មវិធីពិសេសរបស់ AMS EDUCATION
ព័ត៌មានសង្ខេប
