ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់ឧត្ដមសិក្សានៅប្រទេសអាល្លឺម៉ង់ក្រោមគម្រោងកម្មវិធី Heinrich Boll Foundation Scholarship 2026។ អាហារូបករណ៍ផ្ដល់ការសិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត សម្រាប់ការសិក្សានៅសាកលវិទ្យាល័យជាច្រើនក្នុងប្រទេសអាល្លឺម៉ង់។
កម្មវិធីអាហារូបករណ៍ផ្ដល់ជូនការសិក្សាលើជំនាញជាច្រើននៅក្នុងសាកលវិទ្យាល័យ គ្រឹះស្ថានឧត្ដមសិក្សាល្បីៗក្នុងប្រទេសអាល្លឺម៉ង់ ដោយបេក្ខជននឹងមានឱកាសសិក្សាជាមួយនិស្សិតអន្តរជាតិមកពីបណ្ដាប្រទេសផ្សេងៗ ការសិក្សាជាមួយកម្មវិធីសិក្សាអន្តរជាតិ និងសម្ភារសិក្សាទំនើប សាស្ត្រាចារ្យមានបទពិសោធន៍ និងបទពិសោធន៍រស់នៅក្នុងប្រទេសអាល្លឺម៉ង់។
លក្ខខណ្ឌនៃការដាក់ពាក្យ ៖ បេក្ខជនត្រូវមានភ្ជាប់ឯកសារចាំបាច់មួយចំនួនដូចជា ពាក្យសុំចូលរៀន លិខិតបញ្ជាក់ការសិក្សា សម្រាប់ការស្នើថ្នាក់បរិញ្ញាបត្រត្រូវមានសញ្ញាបត្រថ្នាក់វិទ្យាល័យ (មធ្យមសិក្សាទុតិយភូមិ) សម្រាប់ការស្នើថ្នាក់បរិញ្ញាបត្រជាន់ខ្ពស់ត្រូវមានសញ្ញាបត្រថ្នាក់បរិញ្ញាបត្រ សម្រាប់ការស្នើថ្នាក់បណ្ឌិតត្រូវមានសញ្ញាបត្រថ្នាក់បរិញ្ញាបត្រ និងថ្នាក់បរញ្ញាបត្រជាន់ខ្ពស់។ ជាមួយគ្នានេះ បេក្ខជនត្រូវភ្ជាប់លិខិតបញ្ជាក់ភាសាអង់គ្លេស និងភាសាអាល្លឺម៉ង់ អប្បងរមា DSH2 ឬកម្រិត B2។
អត្ថប្រយោជន៍ដែលបេក្ខជនជ័យលាភីអាហារូបករណ៍នឹងទទួលបាន ៖ ប្រាក់ឧបត្ថម្ភប្រចាំខែ ធានារ៉ាប់រងសុខភាពបន្ថែម (€102 ដល់ €185)។ ជាមួយគ្នានេះ បេក្ខជននឹងទទួលបានការគាំទ្របន្ថែមផ្នែកហិរញ្ញវត្ថុដោយអាស្រ័យលើភាពជាក់ស្ដែងរបស់បេក្ខជន ដូចជា ការចំណាយលើការធ្វើដំណើរ (ចន្លោះពី€200 ដល់ €3,000 ក្នុងមួយប្រទេសគោលដៅ) ថ្លៃចូលរួមវគ្គសិក្សាភាសា និងប្រាក់ឧបត្ថម្ភសម្រាប់ថែទាំកុមារ (សម្រាប់កូនរបស់បេក្ខជន)។
បេក្ខជនដែលមានចំណាប់អារម្មណ៍ក្នុងការដាក់ពាក្យអាចចូលទៅកាន់ https://www.boell.de/de/stiftung/stipendien ។ សម្រាប់ព័ត៌មានបន្ថែមអាចទំនាក់ទំនងទៅកាន់ E-Mail: studienwerk@boell.de ។
ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី០១ ខែមីនា ឆ្នាំ២០២៦៕
