កីឡាការិនីប៊ីយ៉ាការ៉ុម ស្រួង ភាវី ទទួលបានពានរង្វាន់ Asia Special Award 2023 នៅកូរ៉េខាងត្បូង

កូរ៉េខាងត្បូង – កីឡាការិនីប៊ីយ៉ាការ៉ុម ស្រួង ភាវី ដែលកំពុងមានកេរ្តិ៍ឈ្មោះបោះសំឡេងលើឆាកអន្តរជាតិ និងកំពុងធ្វើការងារមនុស្សធម៌ជួយដល់ប្រជាជនកម្ពុជា បានទទួលបានពានរង្វាន់ Asia Special Award 2023 ពីកម្មវិធី Asia Model Festival នៅប្រទេសកូរ៉េខាងត្បូង កាលពីថ្ងៃទី០៥ ខែវិច្ឆិកាកន្លងទៅ ។ ព្រឹត្តិការណ៍មហោស្របតារាម៉ូឌែលអាស៊ីលើកទី១៨ មានសាធារណជន និងសារព័ត៌មានជាច្រើនបានចុះផ្សាយ ។

សារព័ត៌មាន Korea Time បានឱ្យដឹងថា Asia Model Awards ឬមហោស្របតារាម៉ូឌែលអាស៊ី បានបង្កើតឡើងក្នុងគោលបំណងទទួលស្គាល់ទេពកោសល្យលើប្រភេទសិល្បករឆ្នើមប្រចាំប្រទេស ដូចជា តារាបង្ហាញម៉ូត តារាសម្តែង តារាច្រៀង អ្នករចនាម៉ូដ និងតារាដែលបានបង្ហាញសម្រស់នៅអាស៊ីទៅកាន់ពិភពលោក ។ ព្រឹត្តិការណ៍ថ្លៃងអំណរគុណដល់អ្នកមានស្នាដៃសិល្បៈនេះ ក៏មានកម្មវិធីបង្ហាញម៉ូដសម្លៀកបំពាក់ ការបង្ហាញសម្រស់តារាឆ្នើម ការសម្តែង K-pop និងការបង្ហាញខ្លួនដោយតារាល្បីៗប្រចាំប្រទេស ព្រមទាំងមានវត្តមានអ្នកដឹកនាំឧស្សាហកម្មម៉ូដសម្លៀកបំពាក់ និងថែសម្ផស្សផងដែរ ។

អ្នកនាង ស្រួង ភាវី កីឡាការិនីប៊ីយ៉ាការ៉ុមពិភពលោក បាននិយាយថា ពានរង្វាន់ Asia Special Award 2023 បានធ្វើឱ្យអ្នកនាងបង្ហាញពីកិត្តិនាមប្រទេសកម្ពុជាទៅកាន់ឆាកអន្តរជាតិ ។ ទន្ទឹមគ្នានេះ អ្នកនាង ស្រួង ភាវី បានចាត់ទុកពានរង្វាន់ដែលទទួលបានជាពានរង្វាន់សម្រាប់ប្រជាជនកម្ពុជា ព្រមទាំងអរគុណដល់កម្ពុជាជាទឹកដីកំណើតរបស់ខ្លួន ។

អ្នកនាង ស្រួង ភាវី បានបញ្ជាក់ថា ៖ “ពុកម៉ែបងប្អូន ! កូនស្រីកម្ពុជាម្នាក់នេះបានឧទ្ទិសរួចហើយ រាល់សមិទ្ធផលទាំងប៉ុន្មានដែលនាងខ្ញុំសម្រេចបាន គឺខ្ញុំបានដាក់ជារបស់រួមសម្រាប់ប្រជាជនខ្មែរទាំងអស់ និងប្រទេសជាតិទាំងមូល ។ ខ្ញុំសង្ឃឹមថា រាល់ភាពជោគជ័យដែលកូនខ្មែរទទួលបាន សូមគាំទ្រ ស្រឡាញ់ ផ្ដល់តម្លៃ ផ្ដល់កម្លាំងចិត្ត និងលើកស្ទួយដល់ពួកគាត់ដែលបាន និងកំពុងខិតខំប្រឹងប្រែងខ្លាំងណាស់ទម្រាំទទួលបានជោគជ័យដ៏ត្រចះត្រចង់នៅលើឆាកអន្តរជាតិនានា។”

កាលពីខែកក្កដាកន្លងទៅ ម្ចាស់មេដាយមាសស៊ីហ្គេមលើកទី៣២ ផ្នែកកីឡាប៊ីយ៉ាការ៉ុម កីឡាការិនី ស្រួង ភាវី បានប្រកួតឈ្នះពាន PBA-LPBA Championship ២០២៣ និងបានធ្វើឱ្យមហាជននៅប្រទេសកូរ៉េខាងត្បូង និងនៅកម្ពុជាសាទរយ៉ាងខ្លាំងចំពោះជ័យជម្នះនេះ ។ កីឡាការិនី ស្រួង ភាវី បច្ចុប្បន្នមានអាយុ ៣៤ឆ្នាំ ជាស្ត្រីឆ្នើមកម្ពុជាដែលលេងកីឡាប៊ីយ៉ាការ៉ុមយ៉ាងស្ទាត់ជំនាញ ជាប់ចំណាត់ថ្នាក់លេខ១ នៅប្រទេសកូរ៉េខាងត្បូង និងជាកីឡាការិនីជាប់ចំណាត់ថ្នាក់លេខ២ របស់ពិភពលោក ។

សូមជម្រាបថា កីឡាការិនី ស្រួង ភាវី មានទឹកដីកំណើតនៅខេត្តត្បូងឃ្មុំ និងបានទៅរស់នៅប្រទេសកូរ៉េខាងត្បូងជាមួយនឹងស្វាមីជនជាតិកូរ៉េ ។ កីឡាការិនី ស្រួង ភាវី បានហាត់លេងកីឡាប៊ីយ៉ាការ៉ុមចាប់តាំងពីឆ្នាំ២០១៤ ព្រមទាំងបានសាងកេរ្តិ៍ឈ្មោះល្បាញល្បីលើប្រភេទកីឡានេះចេញពីទឹកដីកូរ៉េខាងត្បូងទៅកាន់ពិភពលោក ។ សព្វថ្ងៃតាមរយៈជោគជ័យកីឡាផ្ទាល់ខ្លួននេះ ភាវីបានធ្វើកិច្ចការសប្បុរសធម៌ជាច្រើនជួយដល់ប្រជាជនក្រីក្រ កុមារ និងប្រជាជនកម្ពុជាទាំងក្នុងប្រទេសនិងនៅប្រទេសកូរ៉េខាងត្បូង៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Zhejiang Normal ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 13/01/2025

សមាគមនិស្សិតកម្ពុជាប្រចាំសាធារណរដ្ឋប្រជាមានិតចិន ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ​ Zhijiang សម្រាប់ឆ្នាំសិក្សា២០២៥-២០២៦។ អាហារូបករណ៍ផ្ដល់ជូនការសិក្សាលើជំនាញ...

វិទ្យាស្ថានពហុបច្ចេកទេសខេត្តកំពង់ធំ ផ្ដល់អាហារូបករណ៍សិក្សាជំនាញបច្ចេកទេស និងវិជ្ជាជីវៈ ចំនួន ៥១០កន្លែង

ព័ត៌មានអាហារូបករណ៍, ព្រឹត្តិការណ៍

• 21/11/2023

ឱកាសសិក្សាជំនាញបច្ចេកទេស និងវិជ្ជាជីវៈដោយឥតគិតថ្លៃនៅវិទ្យាស្ថានពហុបច្ចេកទេសកំពង់ធំ ចំនួន៥១០នាក់ ដល់យុវជន យុវតី សិស្ស និស្សិត និងសាធារណជនដែលមកពី...

អាហារូបករណ៍ថ្នាក់បណ្ឌិត និង ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ King AbdulAziz អារ៉ាប៊ីសាអូឌីត

ព័ត៌មានអាហារូបករណ៍, ព្រឹត្តិការណ៍

• 11/09/2025

កម្មវិធីអាហារូបករណ៍ King AbdulAziz University Graduate Scholarship Programs បានប្រកាស​ពីការផ្តល់ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ King AbdulAziz អារ៉ាប៊ីសាអូឌីត

អាហារូបករណ៍​កន្លែង​ស្នាក់​នៅ​ឥត​គិត​ថ្លៃ​ ​សម្រាប់​សិស្ស​-​និស្សិត​មកពី​តាម​បណ្តា​ខេត្ត​

ព័ត៌មានអាហារូបករណ៍, ព្រឹត្តិការណ៍

• 06/08/2026

អង្គការពន្លកយុវជនដើម្បីអភិវឌ្ឍន៍ (YAD) បានប្រកាសជូនដំណឹងជាផ្លូវការអំពីការផ្តល់អាហារូបករណ៍កន្លែងស្នាក់នៅបន្ថែមទៀតដោយឥតគិតថ្លៃ ជូនដល់សិស្ស និងនិស្សិតមកពីតាមបណ្តាខេត្តនានា

អាហារូបករណ៍ទាំង១០ សម្រាប់និស្សិតសិក្សានៅក្រៅប្រទេស

ព័ត៌មានអាហារូបករណ៍, ព្រឹត្តិការណ៍

• 21/05/2025

ការសិក្សានៅបរទេសសម្រាប់និស្សិត ត្រូវបានដឹងថា ជាការសិក្សាដែលចំណាយអស់ថវិកាយ៉ាងច្រើន ទាំងថ្លៃសិក្សា ថ្លៃស្នាក់នៅ និងការចំណាយផ្សេងៗ។ តាមរយៈគេហទំព័រ Scholarship Safe បង្ហាញនូវអាហារូបករណ៍កំពូលទាំង១០...

ឱកាសចូលរូមសិក្ខាសាលានៅប្រទេសឥណ្ឌា ពីកម្មវិធីភាពជាអ្នកដឹកនាំលើទី១១ ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 13/02/2025

ឱកាសសម្រាប់យុវជន ចូលរួមក្នុងកម្មវិធីសិក្ខាសាលាភាពជាអ្នកដឹកនាំយុវជនលើកទី១១ ឆ្នាំ២០២៥ នៅមជ្ឈមណ្ឌលអប់រំសម្រាប់ការយល់ដឹងអន្តរជាតិរបស់អង្គការយូណេស្កូអាស៊ីប៉ាហ្វិក (APCEIU)។ កម្មវិធីនឹងជ្រើសរើស យុវជន យុវនារី ចំនួន៤០នាក់...

អាហារូបករណ៍សិក្សាជំនាញផលិតភាពយន្តឯកសារ និងពហុប្រព័ន្ធផ្សព្វផ្សាយ ពីមជ្ឈមណ្ឌលបុប្ផាណា

ព័ត៌មានអាហារូបករណ៍, ព្រឹត្តិការណ៍

• 28/05/2025

មជ្ឈមណ្ឌលធនធានសោតទស្សន៍បុប្ផាណា ប្រកាសជ្រើសរើសសិស្សដែល​ចង់សិក្សាជំនាញផលិតភាពយន្ត និងពហុប្រព័ន្ធផ្សព្វផ្សាយ ក្នុងវគ្គបណ្ដុះបណ្ដាលផ្នែកផលិតភាពយន្តឯកសារ និងពហុប្រព័ន្ធផ្សព្វផ្សាយក្រោមការឧបត្ថម្ភពីមូនិធិហេនរីលូស៍...

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Muhammadiyah Surakarta ប្រទេសឥណ្ឌូនេស៊ីឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 09/06/2023

កម្មវិធីអាហារូបករណ៍ UMS International Priority Scholarship (IPS) 2023 ផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិតសិក្សានៅសាកលវិទ្យាល័យ...

វិទ្យាស្ថានអភិវឌ្ឍន៍វិទ្យាសាស្ត្រ និងបច្ចេកវិទ្យាកម្រិតខ្ពស់ផ្ដល់អាហារូបករណ៍រយៈពេលខ្លីផ្នែកព័ត៌មានវិទ្យា៥០កន្លែង

ព័ត៌មានអាហារូបករណ៍, ព្រឹត្តិការណ៍

• 09/05/2023

វិទ្យាស្ថានអភិវឌ្ឍន៍វិទ្យាសាស្ត្រ និងបច្ចេកវិទ្យាកម្រិតខ្ពស់ប្រកាសជ្រើសរើសនិស្សិតឱ្យសិក្សាអាហារូបករណ៍ចំនួន៥០កន្លែងឆ្នាំសិក្សា២០២៣ ។ អាហារូបករណ៍សិក្សារយៈពេល៤ខែ...