ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រសួងអប់រំ យុវជន និងកីឡា សហការជាមួយអង្គការ The Asia Foundation ដោយមានការគាំទ្រពីអង្គការ UNICEF បានប្រកាសផ្ដល់វគ្គបណ្តុះបណ្តាល ជំនាញសរសេររបាយការណ៍ជាភាសាអង់គ្លេសសម្រាប់បុគ្គលិកអប់រំចំនួន៣៥នាក់។
បើតាមសេចក្ដីជូនដំណឹងរបស់ក្រសួងអប់រំ វគ្គបណ្តុះបណ្តាលជំនាញសរសេររបាយការណ៍ជាភាសាអង់គ្លេស បង្កើតឡើងក្នុងគោលបំណងផ្ដល់នូវការអភិវឌ្ឍសមត្ថភាពលើជំនាញសរសេររបាយការណ៍ជាភាសាអង់គ្លេស។ ទន្ទឹមគ្នានេះ ក្រោយបញ្ចប់វគ្គបណ្តុះបណ្តាលដោយជោគជ័យសិក្ខាកាមនឹងទទួលបាន ១ក្រេឌីតសម្រាប់ការអភិវឌ្ឍវិជ្ជាជីវៈជាប្រចាំ។
សម្រាប់លក្ខខណ្ឌនៃការចូលរួម បេក្ខជនត្រូវមានតួនាទីចាប់ពីអនុប្រធានការិយាល័យឡើងទៅ។ លើសពីនេះ មានចំណេះដឹងភាសាអង់គ្លេសចាប់ពីកម្រិត Intermediate និងទទួលបន្ទុកការងារជាអ្នកសរសេរ ឬពិនិត្យរបាយការណ៍ក្នុងអង្គភាព។
កាលបរិច្ឆេទទទួលពាក្យចូលរៀនចាប់ពីថ្ងៃផ្សាយដំណឹងរហូតដល់ថ្ងៃទី១២ ខែវិច្ឆិកា ឆ្នាំ២០២៣។ សម្រាប់ព័ត៌មានបន្ថែមសូមទាក់ទងលេខទូរសព្ទ ០១២ ៨៦៤ ០៨៥ / ០៨៨ ៩១៤ ២២ ៩៩៕
