ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
លទ្ធផលនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ២៨ សីហា ២០២៥ បានប្រកាសជាផ្លូវការហើយនៅព្រឹកថ្ងៃទី១៩ ខែកញ្ញា នេះ ដោយបេក្ខជនប្រមាណជាង ១២ម៉ឺននាក់ ដែលស្មើនឹង ៨៤.៥៦ភាគរយ បានប្រឡងជាប់ ខណៈនិទ្ទេស A មានរហូតដល់ជាង ៣ពាន់នាក់ ខណៈឆ្នាំទៅ សិស្សនិទ្ទេស A មានចំនួនជាង ២ពាន់។
យោងតាមសេចក្ដីប្រកាសព័ត៌មានរបស់ក្រសួងអប់រំ យុវជន និងកីឡា បេក្ខជនដែលប្រឡងជាប់សញ្ញាបត្រមធ្យមសិក្សាទុតិយភូមិមានសរុប ១២២ ៤៧៣នាក់ ហើយបេក្ខជនជាប់និទ្ទេស A មានចំនួន ៣០០៣ នាក់, និទ្ទេស B ចំនួន ៩៩០១ នាក់, និទ្ទេស C ចំនួន ២៨ ៨០១ នាក់, និទ្ទេស D ចំនួន ៤៥ ៨៥៩ នាក់, និងនិទ្ទេស E ចំនួន ៣៤ ៩០៩ នាក់។
សូមជំរាបជូនថា ការប្រឡងសញ្ញាបត្រមធ្យមសិក្សាទុតិយភូមិ ដែលបានប្រព្រឹត្តទៅកាលពីថ្ងៃទី២៨ និងថ្ងៃទី២៩ ខែសីហា មានបេក្ខជនចុះឈ្មោះប្រឡងសរុប ១៤៦ ៧២០ នាក់ ស្រី ៨១ ៤៤២ នាក់។
យ៉ាងណាក៏ដោយ សម្រាប់ការប្រកាសលទ្ធផលជាផ្លូវការនៅតាមមណ្ឌលប្រឡង បើតាមក្រសួងអប់រំ គេគ្រោងនឹងធ្វើនៅថ្ងៃទី២០ ខែកញ្ញា ស្អែកនេះ នៅតាមមណ្ឌលសំណេរ នៃរាជធានីខេត្តទាំង២៥ ទូទាំងប្រទេស៕
