ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – សាកលវិទ្យាល័យគៀងយ៉ាង នៃប្រទេសវៀតណាម បានប្រកាសផ្ដល់អាហារូបករណ៍ថ្នាក់បរិញ្ញាបត្រដល់និស្សិតកម្ពុជាដែលកំពុងសិក្សានៅសាកលវិទ្យាល័យភូមិន្ទភ្នំពេញ ។
អាហារូបករណ៍ផ្ដល់ជូនកន្លែងសិក្សាចំនួន៤កន្លែងលើជំនាញ Biotechnology, Crop Science, Animal Husbandry, Environmental Technology Engineering, Natural Resources and Environmental management, Vietnamese and Vietnamese culture ។
លក្ខខណ្ឌនៃការជ្រើសរើស គឺជានិស្សិតឆ្នាំទី១នៃសាកលវិទ្យាល័យភូមិន្ទភ្នំពេញក្នុងឆ្នាំសិក្សា២០២៣-២០២៤ ។ ជាមួយគ្នានេះនិស្សិតគម្បីភ្ជាប់ជាមួយឯកសារចាំបាច់មួយចំនួនដូចជា ពាក្យសុំអាហារូបករណ៍មួយច្បាប់១ច្បាប់ (មានស្រាប់នៅការិយាល័យទំនាក់ទំនងអន្តរជាតិ) សំបុត្រកំណើត១ច្បាប់ សញ្ញាបត្រមធ្យមសិក្សាទុតិយភូមិ ឬវិញ្ញាបនបត្រមធ្យមសិក្សាទុតិយភូមិបណ្ដោះអាសន្ន១ច្បាប់ ព្រឹត្តិបត្តិពិន្ទុនៅវិទ្យាល័យ១ច្បាប់ ឯកសារបញ្ជាក់អំពីសុខភាព(ក្នុងរយះពេល៦ខែចុងក្រោយ) និងច្បាប់ចម្លងលិខិតឆ្លងដែន១ច្បាប់ ។ គួរបញ្ជាក់ដែរថា លិខិតឯកសារទាំងអស់ត្រូវបកប្រែជាភាសាអង់គ្លេស ។
ក្រោយបំពេញពាក្យ និស្សិតអាចយកពាក្យនិងសំណៅឯកសារដែលបានបញ្ជាក់ខាងលើទៅកាន់ការិយាល័យទំនាក់ទំនងអន្តរជាតិ បន្ទប់២១៨A អគារA ចាប់ពីថ្ងៃផ្សាយដំណឹងរហូតដល់ថ្ងៃទី១៩ ខែឧសភា ឆ្នាំ២០២៣ ។
សម្រាប់ព័ត៌មានបន្ថែមនិស្សិតអាចធ្វើការដាក់សាកសួរ ឬទំនាក់ទំនងតាមរយៈតេលេក្រាម (@iro_rupp) រៀងរាល់ម៉ោងធ្វើការ ៕
