ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការបង្រៀនកុមារ ឱ្យចូលចិត្តអានទាំងដែលពួកគេមិនទាន់គ្រប់អាយុចូលសាលារៀន មិនមែនជាការចាប់ផ្តើមដោយតក់ក្រហល់នោះទេ ផ្ទុយទៅវិញ ការអានបានឆាប់រហ័ស បានជំរុញវប្បធម៌នៃការស្រឡាញ់ការសិក្សារៀនសូត្រក្នុងរយៈពេលវែង។ តាមរយៈគេហទំព័រ Readingrocket បានបង្ហាញគន្លឹះ ៨ចំណុច ដើម្បីជំនួយឱ្យអ្នកអាណាព្យាបាល ប្រើប្រាស់សម្រាប់បង្រៀនកូនឱ្យស្គាល់ការអានមុននឹងឈានជើងចូលសាលារៀន។
១. អានជាមួយក្មេងរៀងរាល់ថ្ងៃ ៖ អានឱ្យកូន ក្មួយ ស្ដាប់រៀងរាល់ថ្ងៃ ដោយការអាននោះធ្វើយ៉ាងណាបង្កប់ដោយភាសាកក់ក្តៅ និងក្ដីស្រឡាញ់ រវាងអ្នកអាណាព្យាបាល និងកូនៗ។
២. បង្រៀនឱ្យកត់សម្គាល់ឈ្មោះនីមួយៗ ៖ ក្រៅពីអាន ការបំផុសសំណួរពេលឃើញរូបភាពនីមួយៗ មិនថាក្នុងសៀវភៅ ឬនៅក្នុងស្ថានភាពជាក់ស្តែង ។ ជាឧទាហរណ៍ នៅពេលឃើញយន្តហោះ គឺប្រាប់កូនឱ្យមើលទៅលើយន្តហោះមួយនោះ ហើយសួរក្មេងៗថា ហេតុអ្វីយន្តហោះមានស្លាប?
៣. បង្ហាញពីអារម្មណ៍ស្រឡាញ់សៀវភៅទៅកាន់ក្មេង ៖ ការប្រើប្រាស់ភាសានិយាយស្ដីចេញ និងប្រាប់កុមារ ពីទំហំចិត្តដែលអ្នកមានភាពសប្បាយរីករាយកំឡុងពេលដែលមានឱកាសអានសៀវភៅជាមួយពួកគេ។ ប្រាប់ក្មេងៗថា ពេលវេលា ដែលបានអានសៀវភៅជាមួយគ្នានេះ គឺជាពេលដែលអាណាព្យាបាលចូលចិត្តខ្លាំងណាស់។
៤. ប្រើសម្លេងកំប្លែងដើម្បីអាន ៖ ដើម្បីបង្រៀនក្មេង និងធ្វើឱ្យពួកគេជក់ចិត្ត ឬចាប់អារម្មណ៍អំពីការអាននៅពេលមានវ័យជំទង់ ចាប់ផ្តើមដោយការប្រើប្រាស់សម្លេងកំប្លែងៗ ឬសម្លេងដែលធ្វើឱ្យកុមារពេញចិត្ត ហើយប្រើទម្រង់ខុសៗគ្នាជាប្រចាំ។
៥. ឈប់សម្រាក ៖ ប្រសិនបើសង្កេតឃើញថា កូនក្មេងចាប់ផ្តើមមានអារម្មណ៍ធុញទ្រាន់ ឬក៏ពិបាកក្នុងការផ្តោតពេលអានសៀវភៅ ដល់ពេលដែលត្រូវទុកសៀវភៅនៅមួយឡែក ហើយអនុញ្ញាតឱ្យពួកគេមានឱកាសបានសម្រាក។
៦. ផ្សារភ្ជាប់ទំនាក់ទំនង ៖ ក្រៅពីការនាំកុមារអាន អាណាព្យាបាលត្រូវមានការជជែក ដេញដោលបន្ថែម អំពីព្រឹត្តិការណ៍ ដែលបានកើតមានក្នុងសៀវភៅ ហើយបើកទៅទំព័រដែលគួរឱ្យចាប់អារម្មណ៍ណាមួយ បន្ទាប់មក សួរសំណួរទៅកាន់ពួកគេ។
៧. អានម្តងហើយម្តងទៀត ៖ បន្តបេ្តជ្ញាអានឱ្យក្មេងបានឃើញ បានឮ ពាក់ព័ន្ធនឹងសៀវភៅដែលកុមារចូលចិត្តឱ្យបាន១០០ដង។
៩. និយាយពីការអាន ៖ ទន្ទឹមគ្នានឹងការបណ្តុះសមត្ថភាពក្នុងការអាន គួរលើកឡើងអំពីរបៀបសរសេរ ថា តើតួរអក្សរនីមួយៗ ត្រូវចាប់ផ្តើមពីណាទៅមុន? ឬហតុអ្វីអក្សរនីមួយត្រូវការសញ្ញាបញ្ចប់ ឬក៏ការដកឃ្លា និងចុះបន្ទាត់ជាដើម។
១០. ព្រីនក្រដាសបិទឱ្យច្រើនកន្លែង ៖ បន្ទាប់ពីអាន ឧស្សាហ៍និយាយអំពីអ្វីៗដែលបានកើតមានឡើងនៅជុំវិញខ្លួន និងក្នុងសៀវភៅ ហើយសរសេរចេញ និងបិទនៅជុំវិញកន្លែងស្នាក់នៅ រួចឱ្យក្មេងជ្រើសយកពាក្យផ្សេងៗមកបិទបន្ថែម។
១១. វាស់វែងការអភិវឌ្ឍ ៖ ក្នុងករណី អ្នកអាណាព្យាបាល មានការព្រួយបារម្មណ៍ ភាពលូតលាស់អំពីការអាន ការស្តាប់ និងការសរសេរ ឬក៏ការអភិវឌ្ឍភាសាណាមួយ ចាំបាច់ទៅជួបអ្នកជំនាញកុមារតូច ឬអ្នកប្រឹក្សា ឱ្យបានលឿនតាមដែលអាចធ្វើបានដើម្បីពន្លឿនការលូសលាស់របស់ពួកគេ៕
