ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – នៅព្រឹកថ្ងៃទី១០ ខែមេសា ឆ្នាំ២០២៣ យុវជនស្ម័គ្រចិត្តប្រមាណ៥០០នាក់ បានចេញដំណើរទៅកាន់ខេត្តសៀមរាប ដើម្បីត្រៀមខ្លួនក្នុងការទទួលបងប្អូនភ្ញៀវទេសចរជាតិ និងអន្តរជាតិ ដែលនឹងចូលរួមព្រឹត្តិការណ៍អង្គរសង្រ្កាន្ត ដែលនឹងប្រព្រឹត្តទៅពីថ្ងៃទី១៤ ដល់ថ្ងៃទី១៦ ខែមេសា ឆ្នាំ២០២៣។
ក្នុងពិធីជូនដំណើរយុវជនស្ម័គ្រចិត្ត នៃព្រឹត្តិការណ៍អង្គរសង្រ្កាន្ត ដែលបានរៀបចំឡើងនៅបរិវេណកោះពេជ្រ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា មានប្រសាសន៍ដោយអគុណចំពោះការស្ម័គ្រចិត្តរបស់យុវជនក្នុងការចូលរួមព្រឹត្តិការណ៍អង្គរសង្រ្កាន្ត។ ឯកឧត្តមបញ្ជាក់ថា ព្រឹត្តិការណ៍អង្គរសង្រ្កាន្តអាចជោគជ័យទៅបាន មុនដំបូងបង្អស់គឺត្រូវអគុណដល់បងប្អូន ពូមីង ដែលជាអ្នកស្ម័គ្រចិត្តចូលរួមព្រឹត្តិការណ៍អង្គរសង្រ្កាន្ត។
” អ្នកស្ម័គ្រចិត្តអង្គសង្រ្កាន្ត ជាអ្នកនាំយកស្នាមញញឹមទៅដល់ពុកម៉ែបងប្អូនដែលទៅលេងអង្គរសង្រ្កាន្ត ហើយនិងមិត្តភក្តិបរទេសដែលគេនឹងយល់ពីវប្បធម៌ប្រពៃណី និងពិធីចូលឆ្នាំខ្មែររបស់យើង…”
តាមកាលវិភាគរៀបចំចេញដំណើរ យុវជនស្ម័គ្រចិត្តនឹងចេញដំណើរជាបន្តបន្ទាប់ ចាប់ពីថ្ងៃនេះរហូតដល់ថ្ងៃទី១២ ខែមេសា ឆ្នាំ២០២៣ ដោយនៅថ្ងៃទី១០ ខែមេសា យុវជនស្ម័គ្រចិត្តនឹងចេញដំណើរសរុបចំនួន៧០០នាក់, នៅថ្ងៃទី១១ ខែមេសា ចំនួន ៩០០នាក់, ថ្ងៃទី១២ ខែមេសា ជាង៣០០នាក់ និងនៅថ្ងៃទី១៣ ខែមេសា ជាង១០០នាក់។
សូមបញ្ជាក់ថា ឆ្នាំ២០២៣នេះ ជាខួប១០ឆ្នាំ នៃមហាព្រឹត្តិការណ៍ដ៏អស្ចារ្យនេះផងដែរ ដែលក្រុមការងាររៀបចំ បានខិតខំសម្រិតសម្រាំង និងបង្កើតផ្ទាំងទស្សនីយភាព និងការច្នៃប្រឌិតជាច្រើនដើម្បីជាចំណីអារម្មណ៍ថ្មីប្លែកជាច្រើនសម្រាប់អ្នកចូលទស្សនា៕
