ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រសួងអប់រំ យុវជន និងកីឡា ប្រកាសប្រឡងជ្រើសរើសសិស្ស-និស្សិតសិក្សាអាហារូបករណ៍ពីកម្មវិធី ASEAN-CHINA YOUNG LEADERS SCHOLARSHIP PROGRAMME (ACYLS) សិក្សានៅប្រទេសចិនឆ្នាំសិក្សា២០២៤-២០២៥។ អាហារូបករណ៍ផ្ដល់ជូនវគ្គសិក្សាថ្នាក់បរិញ្ញាបត្រជាន់ខ្ពស់០៨នាក់ ថ្នាក់បណ្ឌិត០៥នាក់ និងថ្នាក់ស្រាវជ្រាវរយៈពេលខ្លីចំនួន០២នាក់ ។
លក្ខខណ្ឌជ្រើសរើស និងចុះឈ្មោះ ៖ បេក្ខជនទាំង២ភេទត្រូវមានសញ្ជាតិខ្មែរ មានចំណេះដឹងភាសាអង់គ្លេស IELTS ៦.០/ TOEFL ៨០ មានលក្ខខណ្ខសម្បតិ្តសមស្របតាមលក្ខខណ្ឌជ្រើសរើសរបស់សាកលវិទ្យាល័យនីមួយៗ មានបទពិសោធន៍ការងារពិសេសការងារទាក់ទងនឹងកិច្ចការ ASEAN ឬ CHINA-ASEAN (យ៉ាងតិច១ឆ្នាំ)។ បេក្ខជនដែលប្រឡងថ្នាក់បរិញ្ញាបត្រជាន់ខ្ពស់ត្រូវមានសញ្ញាបត្របរិញ្ញាបត្រ និងមានអាយុក្រោម៤៥ឆ្នាំ។ សម្រាប់បេក្ខជនប្រឡងថ្នាក់បណ្ឌិតត្រូវមានសញ្ញាបត្របរិញ្ញាបត្រជាន់ខ្ពស់ និងមានអាយុក្រោម៤៥ឆ្នាំ ជាមួយគ្នានេះបេក្ខជនត្រូវមានសញ្ញាបត្របរិញ្ញាបត្រឡើងទៅសម្រាប់ថ្នាក់ស្រាវជ្រាវរយៈពេលខ្លី (៤ខែ ឬ៥ខែ)។ បេក្ខជនត្រូវមានសុខភាពល្អបរិបូណ៌ទាំងកាយសម្បទា និងសតិបញ្ញា និងមិនមែនជានិស្សិតអាហារូបករណ៍រដ្ឋាភិបាលចិនក្នុងពេលថ្មីៗនេះ។
ជំនាញដែលអាចសិក្សាបានរួមមាន Environmental Design, Food Hygiene and Nutrition, Chinese Language and Literature, Biological Science, Logistics Engineering និងជំនាញជាច្រើនទៀត។
ដំណើរការដាក់ពាក្យសុំអាហារូបករណ៍បេក្ខជនត្រូវដាក់ពាក្យតាម Online នៅគេហទំព័រ http://www.campuschina.org ហើយចុចយក «Scholarship Application for Students» ដើម្បីបំពេញឱ្យបានសព្វគ្រប់ត្រឹមថ្ងៃទី២០ ខែមីនា ឆ្នាំ២០២៤។ ជាបន្ទាប់បេក្ខជនត្រូវផ្ញើពាក្យសុំអាហារូបករណ៍ និងឯកសារផ្សេងៗដែលបានបំពេញតាម Online ជា Hard Copy ទៅកាន់ការិយាល័យអាហារូបករណ៍ និងកម្មសិក្សា នៃនាយកដ្ឋានទំនាក់ទំនងវប្បធម៌ និងអាហារូបករណ៍ អគារលេខ២៣ ផ្លូវ៣៦០ សង្កាត់បឹងកេងកង រាជធានីភ្នំពេញ(ខាងកើតស្ថានីយទូរទស្សន៍អប្សរាប្រហែល៥០ម៉ែត្រ) ឱ្យបានមុនថ្ងៃទី២៥ ខែមីនា ឆ្នាំ២០២៤ វេលាម៉ោង១៦:០០នាទី។
បេក្ខជនជ័យលាភីនឹងទទួលបានអត្ថប្រយោជន៍ដូចជា ថ្លៃអាហារប្រចាំខែ ថ្លៃសិក្សា ការស្នាក់នៅ និងសំបុត្រយន្តហោះទៅមក កម្ពុជា-ចិន-កម្ពុជា។ សម្រាប់ព័ត៌មានបន្ថែមអាចចូលទៅកាន់តំណភ្ជាប់ http://www.campuschina.org/universities/index.html ឬទំនាក់ទំនងទៅកាន់ ០៩៨ ៩៨៩ ៧៨៩/ ០៩៥ ៦២៤ ៨៩៥៕
