ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការបង្កើនផលិតភាពការងារជាកត្តាសំខាន់សម្រាប់ការរីកចម្រើន និងសម្រេចគោលដៅជីវិត។ ប្រសិនបើអ្នកយល់ថា ការអនុវត្តទម្លាប់បច្ចុប្បន្នពុំមានឥទ្ធិពលអាចជំរុញថាមពលរបស់អ្នកក្នុងការបំពេញភារកិច្ចប្រចាំថ្ងៃទេ សូមសាកអនុវត្តទម្លាប់៤ខាងក្រោមនេះ ដើម្បីឱ្យអ្នកអាចមានផលិតភាពការងារបានប្រសើរឡើង ប្រកបដោយភាពច្នៃប្រឌិត និងប្រសិទ្ធភាព។
១. មហិច្ឆតាជាក់លាក់ ៖ មិនអាចប្រកែកបាននោះទេថា ការប្តេជ្ញាចិត្ត ជាកត្តាជំរុញបាននូវថាមពល ក្នុងការរស់នៅ និងបន្តបំពេញភារកិច្ចប្រចាំថ្ងៃ ឬការប្រឹងប្រែងដើម្បីឈានទៅដល់សេចក្ដីប៉ងប្រាថ្នា និងការរំពឹងទុកណាមួយ។ យ៉ាងណាមិញ ដើម្បីរក្សាស្ថិរភាពនៃការប្តេជ្ញាចិត្ត គឺត្រូវមានមហិច្ឆតាជាក់លាក់ វិភាគផែនការសកម្មភាពដែលអាចទៅរួច និងស្មោះត្រង់ចំពោះខ្លួនឯងមុនកំណត់គោលដៅអ្វីមួយ។
២. សរសេរគោលដៅដោយដៃ ៖ អាថ៌កំបាំងមួយ នៃការជំរុញដល់ការសម្រេចឱ្យធ្វើកិច្ចការជាងពេលធម្មតា គឺការសសេរគោលដៅដោយផ្ទាល់ដៃជាប្រចាំ មិនត្រឹមតែប៉ុណ្ណោះ សរសេរគោលដៅទៀងទាត់ជាប្រចាំ ជំរុញទឹកចិត្តផុសផុលក្នុងការបំពេញបេសកម្មការងារ និងមានវត្ថុបំណងនៃការរស់នៅ។
៣. ផ្តល់អាទិភាពទៅកាន់ភារកិច្ចសំខាន់ៗ ៖ ការសម្រេចចិត្តទទួលយកចំណាត់ការណាមួយ ឬការរៀបចំកាលវិភាគចាំបាច់ត្រូវចំណាយពេលវិភាគថ្លឹងថ្លែងថា តើប្រភេទការងារណាខ្លះដែលជាអាទិភាព និងសំខាន់ៗ ក្នុងបេសកកម្មជីវិតរបស់អ្នក ដែលធ្វើយ៉ាងណាមិនមានការផ្លាស់ប្តូរកាលវិភាគដោយគ្មានភាពចាំបាច់។ កាលដែលមិនផ្តល់អាទិភាពចំពោះការចាត់ចែងប្រភេទការងារ ប៉ះពាល់ដល់ភាពថមថយនៃការប្រើប្រាស់ថាមពល ហើយការដែលមិនរក្សាថាមពលបានល្អ ជំរុញឱ្យកើតអាការអស់កម្លាំងមិនធម្មតា និងបាត់បង់សមត្ថភាពផ្តោត។
៤. រិះរកវិធីសាស្រ្តរីករាយជាមួយបច្ចុប្បន្នភាព ៖ វាមិនត្រឹមតែការរក្សាផ្នត់គំនិតវិជ្ជមានប៉ុណ្ណោះទេ ប៉ុន្តែវាពាក់ព័ន្ធនឹងការបញ្ចៀសសកម្មភាពដែលនាំឱ្យដាក់បន្ទុកទៅលើការគិត និងការបំពេញបេសកម្មការងារ។ ស្វែងយល់បន្ថែមពាក់ព័ន្ធនឹងការរស់ក្នុងបច្ចុប្បន្នភាព តាមរយៈការទៅកន្លែងថ្មីៗ សរសេរកំណត់ហេតុ ថែទាំខ្លួនឯង និងការបំបែកគោលដៅឱ្យទៅជាសកម្មភាពដែលអាចធ្វើបាននាពេលបច្ចុប្បន្ន ព្រោះវាបានបង្កើតនូវភាពរីករាយ រួមទាំងស្មារតីនឹងធឹង៕
