ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានពហុបច្ចេកទេសខេត្តពោធិ៍សាត់ ប្រកាសជ្រើសរើសយុវជន យុវនារី ដែលមកពីគ្រួសារក្រីក្រ និងគ្រួសារងាយរងហានិភ័យឱ្យចូលរៀនជំនាញវិជ្ជាជីវៈ និងបច្ចេកទេស កម្រិតសញ្ញាបត្របច្ចេកទេស និងវិជ្ជាជីវៈ១ (C1) ចំនួន៣០០កន្លែងដោយឥតគិតថ្លៃ។
ជំនាញដែលផ្តល់ជូនរួមមាន ៖ ការងារកំបោរ (៣០នាក់), ការដំឡើងបណ្តាញអគ្គិសនីក្នុងអគារ (៣០នាក់), ការថែទាំ និងជួសជុលរថយន្ត (៣០នាក់), ការផ្សាអគ្គិសនី (៣០នាក់), ការបោះពុម្ព (៣០នាក់), សេវាកម្មបរិក្ខារត្រជាក់ក្នុងគេហដ្ឋាន (៣០នាក់), ការរចនាក្រាហ្រ្វិកដោយកុំព្យូទ័រ (៣០នាក់), បដិសណ្ឋារកិច្ច (៣០នាក់), សេវាកម្មសម្អាងកាយ (៣០នាក់), ការកែច្នៃបន្លែ និងផ្លែឈើ (៣០នាក់)។
លក្ខខណ្ឌនៃការចុះឈ្មោះ ៖ មានអាយុចាប់ពី ១៥ ដល់ ៤៥ឆ្នាំ, មានបណ្ណសមធម៌ (ក្រ១ ឬក្រ២) ឬបណ្ណសម្គាល់គ្រួសារងាយរងហានិភ័យ។ អ្នកមានប័ណ្ណទាំងអស់នឹងទទួលបានប្រាក់ឧបត្ថម្ភចំនួន ២៨ម៉ឺនរៀលក្នុង១ខែ ដោយសិក្សាពេញម៉ោង។
សម្រាប់ព័ត៌មានលម្អិតអំពីការចុះឈ្មោះ សូមទំនាក់ទំនងផ្ទាល់ជាមួយអាជ្ញាធរមូលដ្ឋាន ឬទាក់ទងមកកាន់វិទ្យាស្ថានពហុបច្ចេកទេសខេត្តពោធិ៍សាត់ដោយផ្ទាល់ ដែលមានទីតាំងស្ថិតនៅភូមិចំការចេកខាងត្បូង សង្កាត់ផ្ទះព្រៃ ក្រុងពោធិ៍សាត់ (ជាប់របងខាងជើង មជ្ឈមណ្ឌល ប៊ុនរ៉ានី ហ៊ុនសែន)។
កាលបរិច្ឆេទទទួលពាក្យ រៀនរាល់ថ្ងៃ ហើយកាលបរិច្ឆេទចូលរៀន រៀងរាល់ថ្ងៃទី១ នៃដើមខែនីមួយៗ៕
