ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
អស់រយៈពេលប្រាំមួយឆ្នាំហើយ ដែលហ្វាំងឡង់ជាប់ចំណាត់ថ្នាក់ជាប្រទេសមានសុភមង្គលបំផុតលើពិភពលោកជាប់ៗគ្នា។ លោក Frank Martela អ្នកស្រាវជ្រាវ និងទស្សនវិទូជនជាតិហ្វាំងឡង់ បានលើកឡើងថា ត្បិតថា ប្រទេសនេះ ជាកន្លែង ដែលប្រជាជនមានសុភមង្គលជាងគេពិតមែន ប៉ុន្តែមានការយល់ខុសមួយចំនួន ដែលមនុស្សភាគច្រើនគិតខុសមកលើ ប្រជាជនហ្វាំងឡង់, ព្រោះគេយល់ថា ជនជាតិហ្វាំងឡង់ កើតមកភ្ជាប់មកនូវជាមួយទស្សនវិស័យវិជ្ជមានលើជីវិត។ លោកបន្តថា ប្រសិនបើ និយាយថា ហ្វាំងឡង់ គឺជាប្រទេស ដែលមានមនុស្សមិនសប្បាយចិត្តតិចជាងគេ អាចនឹងត្រឹមត្រូវជាង។
អ្នកជំនាញរូបនេះ បន្តថា មានមូលហេតុធំៗចំនួន បី ដែលជួយឱ្យប្រជាជនហ្វាំងឡង់ អាចរស់នៅដោយមានក្ដីសុខ ដូចជា ៖ ទំនាក់ទំនងល្អក្នុងសហគមន៍, ការធ្វើអំពើល្អចំពោះគ្នាទៅវិញទៅមក និងស្គាល់គោលបំណងនៃជីវិតខ្លួនឯងច្បាស់។
ការមានមនុស្សជុំវិញខ្លួន យកចិត្តទុកដាក់ចំពោះអ្នក និងមនុស្សជាទីស្រឡាញ់របស់អ្នក នឹងធ្វើឱ្យអ្នកកាន់តែរីករាយ
លោក Frank Martela អ្នកស្រាវជ្រាវ និងទស្សនវិទូជនជាតិហ្វាំងឡង់
ចំពោះការធ្វើអំពើល្អចំពោះអ្នកដទៃ, ការសិក្សារបស់សាកលវិទ្យាល័យ Ohio State ក្នុងឆ្នាំ២០២៣ ដែលធ្វើលើមនុស្ស ១២២នាក់ ដែលមានបញ្ហាថប់បារម្ភ ជំងឺធ្លាក់ទឹកចិត្ត និងភាពតានតឹង បានរកឃើញថា ការធ្វើអំពីល្អ ចំពោះអ្នកដទៃ បានធ្វើឱ្យពួកគេ មានអារម្មណ៍ថាពេញចិត្ត និងមានក្ដីសុខ។ ក្រៅពីសកម្មភាពសាមញ្ញទាំងនេះ ការជួយមិត្តរួមការងារលើគម្រោង ឬការទិញអំណោយផ្សេងៗជូនមនុស្សជាទីស្រឡាញ់ ក៏មានឥទ្ធិពលវិជ្ជមានខ្លាំងសម្រាប់សុខភាពផ្លូវចិត្តផងដែរ។
នៅពេលដែលបានជួយនរណាម្នាក់ ឬមានឥទ្ធិពលវិជ្ជមានលើអ្នកដទៃ សុភមង្គល និងអត្ថន័យជីវិតរបស់អ្នក នឹងកើតឡើង។ នៅក្នុងស្ថានភាពមានវិបត្តិ ជាឱកាស ដែលជួយយកអាសារគ្នាទៅវិញទៅមក ហើយក៏អាចកសាងអារម្មណ៍នៃសាមគ្គីភាពផងដែរ។
លោក Frank Martela អ្នកស្រាវជ្រាវ និងទស្សនវិទូជនជាតិហ្វាំងឡង់
អ្នកជំនាញខាងលើបន្តថា ការស្វែងរកគោលបំណងសម្រាប់ជីវិត អាចជាការលំបាកបំផុត ក្នុងចំណោមសកម្មភាពទាំងបី។ នៅពេលដែលអ្នកមានគោលបំណងនៃការរស់នៅច្បាស់លាស់, អ្នកនឹងកាន់តែពូកែអត់ធ្មត់ នៅពេលជួបប្រទះនឹងស្ថានការណ៍លំបាក៕
