ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
អាការៈលើសឈាម ឬសម្ពាធឈាមឡើងខ្ពស់ បង្កហានិភ័យដល់ជំងឺបេះដូង ដាច់សរសៃឈាមខួរក្បាល និងប៉ះពាល់បញ្ហាសុខភាពដទៃទៀត។ ដើម្បីត្រៀមខ្លួនក្នុងការទប់ទល់នឹងអាការៈបែបនេះ គឺត្រូវការរបៀបរស់នៅមួយដែលមានលក្ខណៈគិតគួរអំពីអនាម័យ របបអាហារល្អ និងរបៀបហាត់ប្រាណមួយដែលមានការប្រឹក្សាត្រឹមត្រូវ។
តាមរយៈគេហទំព័រ knowridge បានបង្ហាញអាហារបួនប្រភេទ ដែលត្រូវការបរិភោគដើម្បីសម្រួលសុខភាពដល់អ្នកសម្ពាធឈាមខ្ពស់។
១. អាហារមានស្លឹកព័ណ៌បៃតង ៖ អាហារដែលផលិតពីបន្លែបៃតង អាចបន្ថយសម្ពាធឈាម និងសម្រួលដល់តម្រងនោម រួមទាំងសុខភាពរាងកាយទូទៅ។
២. ផ្លែចេក ៖ ចេកជាអាហាមួយប្រភេទ មានសមត្ថភាពគ្រប់គ្រងសម្ពាធឈាមខ្ពស់។ ហើយអាហារប្រភេទនេះ ងាយស្រួលរក រួមទាំងមានតម្លៃសមរម្យ។ ចំណែកឯ របៀបនៃការញ៉ាំ អាចចាប់ផ្តើមដោយយកទៅធ្វើជាអាហារសម្រន់ ឬក៏ទឹកភេសជ្ជៈសម្រាប់ទទួលទាន។
៣. យូហ្គើត ៖ យូហ្គើតមានតួនាទីគ្រប់គ្រងសម្ពាធឈាម ប៉ុន្តែត្រូវជ្រើសរើស ប្រភេទយូហ្គើតដែលគ្មានជាតិខ្លាញ់ ពីព្រោះ តាមរយៈការសិក្សាស្រាវជ្រាវបានបង្ហាញថា ទឹកដោះគោជូ ឬយ៉ាអ៊ួ អាចបញ្ចុះសម្ពាធឈាម ជាពិសេសចំពោះស្រ្តី។
៤. សូកូឡាខ្មៅ ៖ ជ្រើសរើសទទួលទានសូកូឡាខ្មៅ ក្នុងកម្រិតមួយដែលសមស្រប បានរៀងរាល់ថ្ងៃ អាចកាត់បន្ថយសម្ពាធឈាម ជាពិសេសចំពោះអ្នកដែលមានអាការៈលើសឈាមស្រាប់៕
