ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សាលាឯកជនមួយក្នុងទីក្រុងការ៉ាជី បានដាក់ដំណើរការគ្រូបង្រៀន AI ជាស្ត្រីដំបូងគេរបស់ប្រទេសប៉ាគីស្ថាន ដែលជាការបោះជំហាន យ៉ាងសំខាន់ក្នុងការអភិវឌ្ឍវិស័យអប់រំក្នុងប្រទេសនេះ។
យោងតាម propakistani ដែលជាសារព័ត៌មានក្នុងស្រុករបស់ប៉ាគីស្ថាន បានឱ្យដឹងថា គ្រូបង្រៀន AI ដែលមានឈ្មោះថា Ainee ត្រូវបានដាក់ដំណើរការជាលើកដំបូងក្នុងសាលារៀនឯកជនមួយក្នុងតំបន់ Gulshan-e-Iqbal នៃទីក្រុង Karachi ។
គ្រូបង្រៀន AI នេះ ត្រូវបានរចនាឡើង ដើម្បីជួយបង្រៀនថ្នាក់ទី៥ លើមុខវិជ្ជា គណិតវិទ្យា វិទ្យាសាស្ត្រ និងភាសា ដោយអាចឆ្លើយរាល់សំណួរ ដែលសិស្សបានសួរ។ លើសពីការបង្រៀន គ្រូបង្រៀន AI ដែលជាស្ត្រីនេះ អាចតាមដានវឌ្ឍនភាពការសិក្សារបស់សិស្ស និងកែសម្រួលមេរៀន ដោយផ្អែកលើល្បឿននៃការសិក្សារបស់សិស្សម្នាក់ៗ។
គ្រូបង្រៀន AI នេះ បំពាក់ដោយប្រព័ន្ធបច្ចេកវិទ្យាបញ្ញាសិប្បនិម្មិត (AI) ទំនើបបំផុតក្នុងប្រទេសនេះ ដើម្បីជួយក្នុងការបង្រៀន និងផ្ដល់ឱ្យសិស្សនូវបទពិសោធន៍សិក្សាផ្ទាល់ខ្លួនបែបថ្មី។
គួរជម្រាបថា កាលពីដើមខែ តុលា ដើម្បីដោះស្រាយបញ្ហាទុក្ខលំបាករបស់មនុស្ស ៣២,៥ លាននាក់ ដោយសារជំងឺលើសឈាម ប៉ាគីស្ថាន បានប្រើបច្ចេកវិទ្យាបញ្ញាសិប្បនិម្មិត (AI) ដែលមានឈ្មោះថា Heart Line Chatbot ក្នុងការសម្រួលការងារគ្រូពេទ្យ ដោយបានដាក់ដំណើរការក្នុងសន្និសីទប្រចាំឆ្នាំលើកទី២៧ នៃសម្ព័ន្ធជំងឺលើសឈាមប៉ាគីស្ថាន (PHL) ។
Chatbot ដែលត្រូវបានបង្កើតឡើង ក្រោមគម្រោង Discovering Hypertension មានគោលបំណង ណែនាំអ្នកជំងឺលើសសម្ពាធឈាមពីព័ត៌មានមូលដ្ឋាន រហូតដល់វិធីសាស្ត្រព្យាបាល ដោយផ្ដល់ជូននូវដំណោះស្រាយឌីជីថល ដែលកំពុងមានតម្រូវការច្រើនក្នុងប្រទេសនេះ ខណៈបច្ចុប្បន្ន អ្នកជំងឺលើសឈាមត្រឹមតែ ១១ភាគរយប៉ុណ្ណោះ ដែលស្ថានភាពស្ថិតក្រោមការគ្រប់គ្រង៕
