ឱកាសសិក្សាអាហារូបករណ៍ថ្នាក់កម្រិតសញ្ញាបត្រជាន់ខ្ពស់ ឬថ្នាក់បរិញ្ញាបត្ររង នៅវិទ្យាស្ថានបច្ចេកទេសឧស្សាហកម្ម ពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិ ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនក្រោមការឧបត្ថម្ភ និងគាំទ្រពីឯកឧត្ដមអភិសន្តិបណ្ឌិត ស សុខា និងលោកជំទាវ កែ សួនសុភី សហការជាមួយវិទ្យាស្ថានបច្ចេកទេសឧស្សាហកម្ម ចំនួន១០កន្លែង។

ជំនាញដែលអាហារូបករណ៍ផ្ដល់ជូនរួមមាន ជំនាញមេកានិចឧស្សាហកម្ម ៤កន្លែង, ជំនាញវិស្វកម្មអគ្គិសនី ៤កន្លែង និង ជំនាញព័ត៌មានវិទ្យា ២កន្លែង។ អាហារូបករណ៍កម្រិតសញ្ញាបត្រជាន់ខ្ពស់ផ្ដល់ជូនការសិក្សារយៈពេល២ឆ្នាំ និងវេនសិក្សា ព្រឹក-ល្ងាច។ សម្រាប់ព័ត៌មានបន្ថែមទាក់ទងនឹងគ្រឹះស្ថានសិក្សាអាចទំនាក់ទំនងទៅកាន់ ០៩៩ ៤៤៤ ៣៣០ / ០១០ ៩០១ ១៧៧ / ០១២ ៦៣៨ ៤០១ ។

លក្ខខណ្ឌក្នុងការជ្រើសរើសបេក្ខជន ផ្ដល់ជូនសិស្ស-និស្សិតទូទាំងប្រទេស ហើយ​សិស្ស-និស្សិតដែលមកពីខេត្តព្រៃវែង បាត់ដំបង និងបន្ទាយមានជ័យ, សិស្ស-និស្សិតធ្លាប់បានចូលរួមសកម្មភាពការងារសង្គម ឬមានជីវភាពខ្វះខាត, សិស្ស-និស្សិតធ្លាប់បានចូលរួមសកម្មភាពការងារសង្គម ឬមានជីវភាពខ្វះខាត ត្រូវបានទទួលអាទិភាព។ ជាមួយគ្នានេះសិស្ស-និស្សិតត្រូវមានសញ្ញាបត្រមធ្យមសិក្សា​ទុតិយភូមិ ឬធ្លាក់ ត្រូវបំពេញពាក្យស្នើសុំ ប្រវត្តិរូបសង្ខេប សលាកប័ត្រឯកត្តជន (មានគំរូ) និងត្រូវបំពេញកិច្ចសន្យាខិតខំរៀនសូត្រ និងគោរពតាមវិធានបទបញ្ជាផ្ទៃក្នុងរបស់ក្រុមការងារអាហារូបករណ៍។

ដើម្បី​ធ្វើការ​ដាក់ពាក្យ បេក្ខជន​អាច​ស្នើ​ពាក្យ​អាហារូបករណ៍​បាន​តាម​៣របៀប ដោយទីមួយ បេក្ខជន​អាច​ដាក់ពាក្យ​ដោយ​ផ្ទាល់​នៅ​ទីស្នាក់ការ​អាហារូបករណ៍​អភិសន្តិបណ្ឌិត ស សុខា ដែល​មាន​អាសយដ្ឋាន​ផ្ទះលេខ៤៤ ផ្លូវលេខ៤៣២ សង្កាត់ទួលទំពូងទី១ ខណ្ឌ​ចំការមន រាជធានី​ភ្នំពេញ ឬ​អាច​ទំនាក់ទំនង​ទៅកាន់ ០៩៦ ៥៩១ ៦៩៤២។ របៀប​ទីពីរ តាមរយៈ Google Form (https://forms.gle/9nhkGWXEhDbeMnVd7) អាហារូបករណ៍​អភិសន្តិភិបណ្ឌិត ស សុខា ដោយ​បំពេញ​ពាក្យ​ស្នើសុំ និង​ភ្ជាប់​ជាមួយ​នឹង​ឯកសារ​តម្រូវ Scan ឬ​ថត​ឱ្យ​ច្បាស់។

របៀប​ទីបី តាម​រយៈ​ក្រុមការងារ​អាហារូបករណ៍​អភិសន្តិបណ្ឌិត ស សុខា ដោយ​បំពេញ​ពាក្យស្នើសុំ និង​ភ្ជាប់ជាមួយ​នឹង​ឯកសារ​តម្រូវ Scan ឱ្យ​បាន​ច្បាស់ រួចផ្ញើ​ទៅ Telegram របស់​ក្រុម​ការងារ​តាមរយៈ៖ កញ្ញា លី សុគន្ធា (០១៧ ៦៨៤ ៨៨១) កញ្ញា វីន បញ្ញាធីតាវល័ក្ខណ៍(០៩៦ ៥៤៩ ០៧៣៣) និង លោក ម៉ៅ រិទ្ធច័ន្ទសំណាង (០៩៦ ៥៩១ ៦៩៤២)។

ចាប់​ទទួល​ពាក្យ​ពីថ្ងៃផ្សាយ​ដំណឹង​រហូត​ដល់​ថ្ងៃទី១ ខែ​ធ្នូ ឆ្នាំ២០២៤៕