ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – មានប្រសាសន៍ទៅកាន់ក្រុមអ្នកសារព័ត៌មាន ក្នុងឱកាសអញ្ជើញចូលរួមកម្មវិធី «ភ្ជុំបិណ្ឌ ៖ តោះទៅវេចនំអន្សមរួមគ្នា» ដែលរៀបចំឡើងដោយសហភាពសហព័ន្ធយុវជនកម្ពុជារាជធានីភ្នំពេញ នៅអគារខេមរ៉ានី នាព្រឹកថ្ងៃទី១៥ ខែកញ្ញា ឆ្នាំ២០២២ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានលើកឡើងថា កម្មវិធីនេះ ជាកម្មវិធីដ៏ល្អក្នុងការផ្សព្វផ្សាយពីអត្ថន័យប្រពៃណីទំនៀមទម្លាប់របស់ខ្មែរ ហើយក៏ជាកម្មវិធី នៃការកៀងគរ ឬបើកឱកាសដើម្បីឱ្យមានការជួបជុំជាលក្ខណៈគ្រួសារខ្មែរផងដែរ។
ឯកឧត្តម ហ៊ុន ម៉ានី មានប្រសាសន៍ថា ការវេចនំអន្សម គឺជាការនាំប្រជាពលរដ្ឋខ្មែរជួបជុំគ្នាក្នុងលក្ខណៈជាសង្គមខ្មែរ ក្នុងការរាប់អានគ្នាទៅវិញទៅមក ។ ឯកឧត្តមបានរំលឹកថា ក្នុងដំណាក់កាលទសវត្សរ៍ទី៨០ ពេលនោះ ការអភិវឌ្ឍប្រទេសកម្ពុជានៅមានកម្រិតនៅឡើយ តែអ្វីដែលសំខាន់នាពេលនោះ នៅពេលមានបុណ្យទានម្តងៗ គឺក្រុមគ្រួសារមកជួបជុំគ្នាធ្វើការវេចនំ ដោយការធ្វើរបៀបនេះមាននៅក្នុងក្របខណ្ឌទូទាំងប្រទេស ហើយនៅតែបន្តមានមកទល់បច្ចុប្បន្ន។ ឯកឧត្តមបន្ថែមថា តែបើនិយាយពីក្របខណ្ឌរាជធានីភ្នំពេញវិញ ដោយសារជីវភាព ដោយសារការងារមមារញឹក ការជួបជុំគ្នាជាលក្ខណៈសហគមន៍វេចអន្សមជុំគ្នា គឺមានតិចទៅៗ។
ឯកឧត្តម ហ៊ុន ម៉ានី
” អញ្ចឹងហើយចំពោះខ្ញុំ ខ្ញុំគិតថា ការរៀបចំគំនិតផ្តួចផ្តើមរបស់ប្អូនៗនៅក្នុងការវេចអន្សមនេះ គឺជាការកត្តាមួយដ៏ល្អប្រសើរ ដែលក្នុងនោះចំពោះអ្នករាជធានីភ្នំពេញមានសម្ពាធចេញពីការងារច្រើន… អាចនាំក្រុមគ្រួសារមករីឡែស នាំកូនមកលេងផង មកជួបជុំគ្នា លក្ខណៈជាពលរដ្ឋខ្មែរដូចៗគ្នា ដោយយកឱកាសនេះមកស្គាល់គ្នា…”
ពាក់ព័ន្ធនឹងការវេចនំអន្សមនេះដែរ ក្រោយពីការចូលរួមវេចនំអន្សមដោយផ្ទាល់ ឯកឧត្តម ហ៊ុន ម៉ានី បានសម្តែងអារម្មណ៍រីករាយ ដោយថា កម្មវិធី «តោះ ទៅវេចនំអន្សមរួមគ្នា» ធ្វើឱ្យឯកឧត្តមស្រមៃឃើញកាលពីនៅកុមារភាព ដោយនៅពេលនោះ ឱ្យតែដល់បុណ្យចូលឆ្នាំខ្មែរ ឬក៏ភ្ជុំបិណ្ឌ គឺពុកម៉ែមារមីង តែងតែជួបជុំគ្នា ហើយពេលនោះ ឯកឧត្តមក៏បានចូលរួមជួយវេចអន្សម ។
ឯកឧត្តម ហ៊ុន ម៉ានី
“ការចូលរួមវេចអន្សមដោយដៃខ្លួនឯង គឺធ្វើឱ្យយើងមានឱកាសក្នុងការស្វែងយល់ថា ពីដំណាក់កាលមួយ ទៅដំណាក់កាលមួយ ហើយគ្រឿងអ្វីខ្លះនៃការវេចខ្ចប់ មិនថាអន្សមចេក អន្សមជ្រូក នំគម និងនំបត់ ទាំង៤នេះគឺជាប្រភេទនំដែលត្រូវទៅជាមួយគ្នាតែម្តង អត់មានមួយខ្វះមួយបានទេ មិនមែនស្រួលដូចយើងគិតទេ…”
យ៉ាងណាក៏ដោយសម្រាប់កម្មវិធី «តោះ ទៅវេចនំអន្សមរួមគ្នា» ដែលរៀបចំដោយ ស.ស.យ.ក រាជធានីភ្នំពេញ នៅអគារខេមរ៉ានី នេះ ឯកឧត្តម ហ៊ុន ម៉ានី យល់ឃើញថា វាបានផ្តល់បរិយាកាសមួយឱ្យយើងស្វែងយល់ពីវប្បធម៌ ប្រពៃណីយើង ក្នុងបរិយាកាស នៃពិធីភ្ជុំបិណ្ឌរបស់យើង។
សូមបញ្ជាក់ថា សហភាពសហព័ន្ធយុវជនកម្ពុជារាជធានីភ្នំពេញ បានរៀបចំព្រឹត្តិការណ៍ «ភ្ជុំបិណ្ឌ ៖ តោះទៅវេចនំអន្សមរួមគ្នា» នៅអគារខេមរ៉ានី ក្នុងសង្កាត់ព្រែកលៀប ខណ្ឌជ្រោយចង្វា ដោយសាធារណជនអាចចូលរួមកម្មវិធីនេះបានដោយសេរី ហើយអាចចូលរួមវេចនំអន្សមដោយផ្ទាល់ និងស្វែងយល់ពីនំខ្មែរ និងដំណើរការ នៃការវេចនំ ការចម្អិននំ ដែលដូនតាយើងបានបន្សយល់ទុក ចាប់ពីនៅថ្ងៃទី១៧ និងថ្ងៃទី១៨ ខែកញ្ញា ឆ្នាំ២០២២៕
លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ក្រសួងអប់រំ ផ្តល់អាហារូបករណ៍ដល់និស្សិតទៅសិក្សាថ្នាក់ឧត្ដមសិក្សានៅតំបន់ស្វយ័តជនជាតិជាំក្វាងស៊ី ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 21/02/2024
ក្រសួងអប់រំ យុវជន និងកីឡា ប្រកាសប្រឡងជ្រើសរើសសិស្សនិស្សិតទៅសិក្សាអាហារូបករណ៍ថ្នាក់ឧត្ដមសិក្សានៅតំបន់ស្វយ័តជនជាតិក្វាំងស៊ី នៃ...
ឱកាសអាហារូបករណ៍សិក្សាឥតគិតថ្លៃនៅអាល្លឺម៉ង់ ពីកម្មវិធី DAAD MIDE 2026
ព័ត៌មានអាហារូបករណ៍, ព្រឹត្តិការណ៍
• 19/06/2025
កម្មវិធីអាហារូបករណ៍ DAAD MIDE 2026 បានប្រកាសផ្តល់អាហារូបករណ៍សម្រាប់និស្សិតអន្តរជាតិពីប្រទេសកំពុងអភិវឌ្ឍ ដើម្បីទៅសិក្សាថ្នាក់បរិញ្ញាបត្រជាន់ខ្ពស់សេដ្ឋកិច្ចអន្តរជាតិ និងការអភិវឌ្ឍ (Master)
ឱកាសសិក្សាអាហារូបករណ៍ Stamp Scholarship ២០២៣ នៅសាកលវិទ្យាល័យ Miami សហរដ្ឋអាមេរិក
ព័ត៌មានអាហារូបករណ៍, ព្រឹត្តិការណ៍
• 13/06/2023
កម្មវិធីអាហារូបករណ៍ Stamp Scholarship ២០២៣ ប្រកាសផ្ដល់អាហារូបករណ៍ថ្នាក់ឧត្ដមសិក្សា នៅសាកលវិទ្យាល័យ Miami សហរដ្ឋអាមេរិកឆ្នាំសិក្សា២០២៣ ។...
អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យព្រុយណេដារូសាឡាម ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 21/04/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់សម្រាប់សាធារណជនទាំងពីរភេទនៅសាកលវិទ្យាល័យព្រុយណេដារូសាឡាម នៃប្រទេសព្រុយណេឆ្នាំសិក្សា២០២៣-២០២៤ ...
ស.ស.យ.ក. រាជធានីភ្នំពេញ ផ្តល់ការចុះឈ្មោះប្រឡងគណិតវិទ្យាសិង្ហបុរី ចំនួន២៥០កន្លែង ដោយឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 06/08/2025
ដើម្បីបន្តចូលរួមចំណែកជាមួយរាជរដ្ឋាភិបាលក្នុងការលើកកម្ពស់ធនធានមនុស្ស នៃព្រះរាជាណាចក្រកម្ពុជា សហភាពសហព័ន្ធយុវជនកម្ពុជា រាជធានីភ្នំពេញ ក្រោមកិច្ចសហប្រតិបត្តិការជាមួយមជ្ឈមណ្ឌលរៀបចំការប្រឡងអូឡាំព្យាដសិង្ហបុរី (SIMCC)
អាហារូបករណ៍ថ្នាក់ក្រោយឧត្តមសិក្សា និងថ្នាក់បរិញ្ញាបត្រ ចំនួន១២០កន្លែង ទៅសិក្សានៅប្រទេសវៀតណាម ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 30/09/2025
ក្នុងឆ្នាំសិក្សា២០២៥-២០២៦ នេះ ក្រសួងអប់រំ យុវជន និងកីឡា នឹងធ្វើការជ្រើសរើសនិស្សិតអាហារូបករណ៍ថ្នាក់ក្រោយឧត្តមសិក្សា និងប្រឡងជ្រើសរើសនិស្សិតអាហារូបករណ៍ថ្នាក់បរិញ្ញាបត្រ ចំនួន ១២០នាក់ ទៅសិក្សានៅសាធារណរដ្ឋសង្គមនិយមវៀតណាម។
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Porto នៃព័រទុយហ្គាល់ ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 08/10/2025
ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Porto នៃប្រទេសព័រទុយហ្គាល់ សម្រាប់និស្សិតអន្តរជាតិជាច្រើនកន្លែង នៅឆ្នាំសិក្សា២០២៦។ អាហារូបករណ៍ផ្ដល់សម្រាប់ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ ថ្នាក់បណ្ឌិត និងថ្នាក់បណ្ឌិត។
ឱកាសសិក្សាថ្នាក់បរិញ្ញាបត្រពីកម្មវិធីអាហារូបករណ៍ Merit Scholarships នៅសាកលវិទ្យាល័យ Tulane សហរដ្ឋអាមេរិក ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 07/08/2024
ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Tulane ពីកម្មវិធីអាហារូបករណ៍ Marit Scholarship សហរដ្ឋអាមេរិកឆ្នាំសិក្សា២០២៥...
អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ MGIMO ចំនួន៣កន្លែង
ព័ត៌មានអាហារូបករណ៍, ព្រឹត្តិការណ៍
• 26/05/2025
យោងតាមសមាគមនិស្សិតខ្មែរប្រចាំសហព័ន្ធរុស្សី ពេលនេះ សាកលវិទ្យាល័យ MGIMO បានប្រកាសជ្រើសរើសនិស្សិតចំនួន៣កន្លែង សម្រាប់ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ក្នុងឆ្នាំសិក្សា២០២៥-២០២៦។
កម្មវិធីពិសេសរបស់ AMS EDUCATION
ព័ត៌មានសង្ខេប
