ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
គម្លាតផលិតភាព-ប្រាក់បៀវត្សរ៍ គឺជាកង្វល់ដ៏គួរឱ្យបារម្ភអស់រយៈពេលច្រើនទស្សវត្សមកហើយ។ យ៉ាងណាក៏ដោយ ជារឿយៗក៏មានក្ដីបារម្ភអំពីបញ្ហាមិនកើនឡើងផលិតភាពផងដែរ ហើយបើទោះជាផលិតភាពកើនឡើង ក៏ប្រាក់ឈ្នួលនៅតែមិនកើនឡើង។
ការកើនឡើងនៃបច្ចេកវិទ្យាស្វ័យប្រវត្តិកម្ម បាននិងកំពុងដើរតួយ៉ាងសំខាន់ក្នុងរឿងនេះ។ បច្ចុប្បន្ន ការមកដល់នៃបច្ចេកវិទ្យា AI គ្រប់ទីកន្លែង មានន័យថា វាមិនត្រឹមតែធ្វើឱ្យតួនាទីរបស់កម្មករក្នុងរោងចក្រលែងសំខាន់ប៉ុណ្ណោះទេ ប៉ុន្តែវាក៏ប៉ះពាល់ដល់និស្សិត ដែលកំពុងរៀនថ្នាក់សាកលវិទ្យាល័យផងដែរ។
យោងតាមទ្រឹស្ដីសេដ្ឋកិច្ចស្ដង់ដារបានបង្ហាញថា ផលិតភាព និងប្រាក់បៀវត្សរ៍គួរតែកើនឡើងជាលំដាប់។ ចាប់ផ្ដើមនៅទស្សវត្សឆ្នាំ១៩៧០ ប្រាក់ឈ្នួលមានភាពខុសគ្នាឆ្ងាយពីផលិតភាពនៅសហរដ្ឋអាមេរិក និងអ៊ឺរ៉ុប។ ប្រទេសជប៉ុន បានបន្តធ្វើឱ្យគម្លាតនេះកាន់តែខ្លាំងក្នុងទស្សវត្សបន្ទាប់។
មូលហេតុដែលបានលើកឡើង រួមមាន ការប្រមូលផ្ដុំនៃការដំឡើងប្រាក់ឈ្នួលក្នុងចំណោមមនុស្ស នៅក្នុងមុខតំណែងជាន់ខ្ពស់កាន់តែច្រើន ការផ្លាស់ប្ដូរប្រាក់ចំណូល ជាទូទៅនៅឆ្ងាយពីបុគ្គលិក រហូតដល់ម្ចាស់ភាគហ៊ុន និងភាពអត់ការងារធ្វើ។ ទន្ទឹមនឹងនេះដែរ ខណៈពេលដែលស្វ័យប្រវត្តិកម្ម អាចបង្កើតផលប្រយោជន៍ច្រើន វាក៏បង្កផលវិជ្ជមានសម្រាប់មនុស្សដែរ។
បើយោងតាមវេទិកាសេដ្ឋកិច្ចពិភពលោក (WE Forum) បង្ហាញថា ភាពខុសគ្នារវាងការកើនឡើងនៃផលិតភាព និងការដំឡើងប្រាក់ឈ្នួលយឺត អាចកើនឡើងបន្ថែមទៀត នៅពេលដែលបច្ចេកវិទ្យាបញ្ញាសិប្បនិម្មិត (AI) ត្រូវបានប្រើប្រាស់កាន់តែទូលំទូលាយ។ ប៉ុន្តែប្រសិនបើមើលក្នុងរូបភាពធំ បច្ចេកវិទ្យានេះ នឹងបង្កើតការងារនៅក្នុងវិស័យជាច្រើន ដែលផ្ដល់ប្រាក់ចំណូលខ្ពស់សម្រាប់អ្នកជំនាញ ជាពិសេសក្នុងវិស័យបច្ចេកវិទ្យា៕
