ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
អាហារូបករណ៍ថ្នាក់បរិញ្ញាបត្ររងចំនួន៥០កន្លែង កំពុងរង់ចាំសិស្សដែលមិនបានជាប់ថ្នាក់ទី១២ ដើម្បីសិក្សាជំនាញវិជ្ជាជីវៈ នៅសាកលវិទ្យាល័យ អាយអាយស៊ី នៃបច្ចេកវិទ្យា ដែលគាំទ្រដោយ គណៈកម្មាធិការអាហារូបករណ៍សិស្ស-និស្សិតក្រីក្រ សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ឆ្នាំសិក្សា២០២៤-២០២៥។
ជំនាញដែលអាហារូបករណ៍ផ្ដល់ជូនរួមមាន ៖ ថ្នាក់បរិញ្ញាបត្ររងគ្រប់គ្រង១០កន្លែង, បរិញ្ញាបត្ររងគណនេយ្យ១០កន្លែង, បរិញ្ញាបត្ររងនីតិសាស្ត្រ១០កន្លែង, បរិញ្ញាបត្ររងរដ្ឋបាលសាធារណៈ១០កន្លែង, បរិញ្ញាបត្ររងវិទ្យាសាស្ត្រកុំព្យូទ័រ១០កន្លែង។ បេក្ខជនជ័យលាភីអាហារូបករណ៍ត្រូវសិក្សាវេន ព្រឹក ឬ រសៀល ដែលគ្រឹះស្ថានសិក្សាមានអាស័យដ្ឋាននៅ អគារលេខ៦៩ ផ្លូវបេតុង (តាមបណ្ដោយផ្លូវជាតិលេខ១) ភូមិតាព្រហ្ម សង្កាត់ព្រែកឯង ខណ្ឌច្បារអំពៅ រាជធានីភ្នំពេញ។ គួរបញ្ជាក់ថា បេក្ខជនត្រូវបង់ថ្លៃរដ្ឋបាលចំនួន១២៥ដុល្លារក្នុងមួយឆ្នាំ ជាបន្ទុករបស់សាម៉ីខ្លួន។
លក្ខខណ្ឌសម្រាប់សិស្ស-និស្សិតដាក់ពាក្យស្នើសុំអាហារូបករណ៍ ៖ ជាបេក្ខជនទូទាំងប្រទេសដែលប្រឡងធ្លាក់សញ្ញាបត្រមធ្យមសិក្សាទុតិយភូមិ, មានឆន្ទៈពិតប្រាកដក្នុងការបន្តការសិក្សា, ខិតខំរៀនសូត្រ, គោរពតាមការណែនាំ និងព្រមទទួលយកលក្ខខណ្ឌដែលមានចែងរបស់គណៈកម្មាធិការអាហារូបករណ៍ និង សាកលវិទ្យាល័យ។ ជាមួយគ្នានេះ បេក្ខជនដែលស្នើពាក្យអាហារូបករណ៍ តម្រូវឱ្យដាក់ពាក្យស្នើសុំជាមួយគណៈកម្មាធិការអាហារូបករណ៍ ដោយបំពេញព័ត៌មានតាមរយៈ https://reg.amt.live/web/signup និងភ្ជាប់ជាមួយឯកសារចាំបាច់មួយចំនួនដូចជា ៖ រូបថត៤x៦ (មួយច្បាប់) វិញ្ញាបនបត្របញ្ចប់ការសិក្សាថ្នាក់ទី១២ (មួយច្បាប់) ច្បាប់ថតចម្លងអត្តសញ្ញាណប័ណ្ណសញ្ជាតិខ្មែរ ឬសេចក្ដីថតចម្លងសំបុត្របញ្ជាក់កំណើតមួយច្បាប់ និងច្បាប់ចម្លងសៀវភៅគ្រួសារ ឬសៀវភៅស្នាក់នៅ (មួយច្បាប់) ។ គួរបញ្ជាក់ថា ឯកសារភ្ជាប់ទាំងអស់សូម Covert ទៅជា File.JPG និង File.PDF។
សម្រាប់ព័ត៌មានបន្ថែម អាចទំនាក់ទំនងទៅកាន់ការិយាល័យអាហារូបករណ៍ ដែលមានអាសយដ្ឋាននៅ ផ្ទះលេខ៤ ផ្លូវ៥២២ សង្កាត់បឹងកក់១ ខណ្ឌទួលគោក រាជធានីភ្នំពេញ នៅរៀងរាល់ថ្ងៃច័ន្ទ-សុក្រ ម៉ោង៨ព្រឹក-៥ល្ងាច។
ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី២៧ ខែធ្នូ ឆ្នាំ២០២៤៕
