ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានជាតិពហុបច្ចេកទេសតេជោសែន និងគណៈកម្មាធិការអាហារូបករណ៍សិស្ស-និស្សិតក្រីក្រ សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប្រកាសផ្ដល់អាហារូបករណ៍សិក្សាថ្នាក់បរិញ្ញាបត្ររងចំនួន២១០កន្លែងសម្រាប់ឆ្នាំសិក្សា២០២៤-២០២៥។
ជំនាញដែលអាហារូបករណ៍ផ្ដល់ជូនសិក្សារួមមាន ៖ សំណង់ស៊ីវិល ៣០នាក់, អគ្គិសនី៣០នាក់, វិទ្យាសាស្ត្រកុំព្យូទ័រ៣០នាក់, គ្រប់គ្រងពាណិជ្ជកម្ម១៥នាក់, ភាសាអង់គ្លេស១៥នាក់, បរិក្ខាត្រជាក់៣០នាក់, យន្តសាស្ត្ររថយន្ត៣០នាក់ និង បសុព្យាបាល ៣០នាក់។ ជ័យលាភីអាហារូបករណ៍នឹងត្រូវសិក្សាវេនព្រឹក ចាប់ពីថ្ងៃច័ន្ទ ដល់ សុក្រ ដែលមានទីតាំងនៅផ្លួវជាតិលេខ២១ ភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្ដាល។
លក្ខខណ្ឌសម្រាប់សិស្ស-និស្សិតដាក់ពាក្យស្នើសុំអាហារូបករណ៍ ៖ ជាបេក្ខជនទូទាំងប្រទេសដែលប្រឡងធ្លាក់ ឬជាប់សញ្ញាបត្រមធ្យមសិក្សាទុតិយភូមិ, មានឆន្ទៈពិតប្រាកដក្នុងការបន្តការសិក្សា ខិតខំរៀនសូត្រ, គោរពតាមការណែនាំ និងព្រមទទួលយកលក្ខខណ្ឌដែលមានចែងរបស់គណៈកម្មាធិការអាហារូបករណ៍ និង វិទ្យាស្ថាន។ ជាមួយគ្នានេះ បេក្ខជនដែលស្នើពាក្យអាហារូបករណ៍ តម្រូវឱ្យដាក់ពាក្យស្នើសុំជាមួយគណៈកម្មាធិការអាហារូបករណ៍ ដោយបំពេញព័ត៌មានតាមរយៈ https://reg.amt.live/web/signup និងភ្ជាប់ជាមួយឯកសារចាំបាច់មួយចំនួនរួមមាន៖ រូបថត៤x៦ (មួយច្បាប់), វិញ្ញាបនបត្របញ្ចប់ការសិក្សាថ្នាក់ទី១២ (មួយច្បាប់), ច្បាប់ថតចម្លងអត្តសញ្ញាណប័ណ្ណសញ្ជាតិខ្មែរ ឬសេចក្ដីថតចម្លងសំបុត្របញ្ជាក់កំណើតមួយច្បាប់ និងច្បាប់ចម្លងសៀវភៅគ្រួសារ ឬសៀវភៅស្នាក់នៅ (មួយច្បាប់) ។ គួរបញ្ជាក់ថា ឯកសារភ្ជាប់ទាំងអស់សូម Covert ទៅជា File.JPG។
សម្រាប់ព័ត៌មានបន្ថែម អាចទំនាក់ទំនងទៅកាន់ការិយាល័យអាហារូបករណ៍ ដែលមានអាសយដ្ឋាននៅ ផ្ទះលេខ៤ ផ្លូវ៥២២ សង្កាត់បឹងកក់១ ខណ្ឌទួលគោក រាជធានីភ្នំពេញ នៅរៀងរាល់ថ្ងៃច័ន្ទ-សុក្រ ម៉ោង៨ព្រឹក-៥ល្ងាច។
ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី២៥ខែធ្នូ ឆ្នាំ២០២៤៕
