ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ក្រសួងអប់រំ យុវជន និងកីឡាប្រកាសជ្រើសរើសនិស្សិតសិក្សាថ្នាក់បរិញ្ញាបត្រជាន់ខ្ពស់ផ្នែកគ្រប់គ្រងអប់រំជំនាន់ទី១២ ឆ្នាំសិក្សា២០២៣-២០២៤ ។ ការប្រឡងជ្រើសរើសផ្ដល់ជូនអាហារូបករណ៍ចំនួន២០នាក់ និងបង់ថ្លៃសិក្សាចំនួន៦០កន្លែងរយៈពេល២ឆ្នាំ។
បេក្ខជនដែលមានចំណាប់អារម្មណ៍ក្នុងការដាក់ពាក្យអាចទាញយកពាក្យតាមតំណភ្ជាប់ https://shorturl.at/fuvCD និងបង់សិទ្ធប្រឡងចំនួន២០០០រៀលនៅការិយាល័យគណនេយ្យនៃវិទ្យាស្ថានជាតិអប់រំ និងដាក់ពាក្យនៅការិយាល័យសិក្សានៃវិទ្យាស្ថានជាតិអប់រំរៀងរាល់ម៉ោងធ្វើការ ។
សម្រាប់ការដាក់ពាក្យប្រឡង បេក្ខជនត្រូវភ្ជាប់ជាមួយឯកសារចាំបាច់មួយចំនួនដូចជា ពាក្យសុំចុះឈ្មោះប្រឡង(មានគំរូភ្ជាប់)១ច្បាប់ សញ្ញាបត្របរិញ្ញាបត្រ ឬសញ្ញាបត្រសមមូល (ច្បាប់ចម្លងបញ្ជាក់ពីអាជ្ញាធរដែនដី)១ច្បាប់ ប្រវត្តិរូបសង្ខេបមានបិទរូបថតថ្មី (៤x៦)១ច្បាប់ សលាកបត្រឯកត្តជនមានបិទរូបថត(៤x៦)២ច្បាប់ លិខិតតាំងស៊ុបក្នុងក្របខណ្ឌរដ្ឋ(សម្រាប់ថ្នាក់អាហារូបករណ៍)១ច្បាប់ និងរូបថតថតពីមុខ គ្មានពាក់មួក គ្មានវែនតាទំហំ(៤x៦) ២សន្លឹក ។
លក្ខខណ្ឌក្នុងការជ្រើសរើសបេក្ខជនសម្រាប់ថ្នាក់អាហារូបករណ៍ត្រូវជាបុគ្គលិកអប់រំក្របខណ្ឌក្រសួងអប់រំ យុវជន និងកីឡា, មានបទពិសោធន៍ការងារចាប់ពីតាំងស៊ប់ក្នុងក្របខណ្ឌរដ្ឋ មានវិញ្ញាបនបត្ររដ្ឋបាលចេញដោយប្រធានអង្គភាព មានសញ្ញាបត្របរិញ្ញាបត្រ ឬសញ្ញាបត្រសមមូលឡើងទៅ ។ សម្រាប់ថ្នាក់បង់ថ្លៃសេវាសិក្សាជាបេក្ខជនទូទៅ មានសញ្ញាបត្របរិញ្ញាបត្រ ឬសញ្ញាបត្រសមមូលឡើងទៅ ។
សម័យប្រឡងជ្រើសរើសថ្ងៃទី០១ ខែសីហា ឆ្នាំ២០២៣ ដែលមានវិញ្ញាសាប្រឡងចំនួន៣គឺ វិញ្ញាសាគ្រប់គ្រងអប់រំ រយៈពេល៣ម៉ោង(មេគុណ២) វិញ្ញាសាវប្បធម៌ទូទៅរយៈពេល១ម៉ោង៣០នាទី(មេគុណ១) និងវិញ្ញាសាភាសាអង់គ្លេសរយៈពេល១ម៉ោង៣០នាទី(មេគុណ១) ។
សម្រាប់ព័ត៌មានលម្អិត បេក្ខជនអាចទាក់ទងទៅកាន់ការិយាល័យសិក្សានៃវិទ្យាស្ថានជាតិអប់រំ ឬតាមរយៈលេខទូរស័ព្ទលេខ ០៨៨ ៩៨៩៩ ១៦២/ ០៨៩ ៩៣៨ ៣៤៩/ ០១៦ ៩៥៩ ៦២៤ ។ តាមរយៈតេលេក្រាម https://t.me/pmdmea12 និងគេហទំព័រវិទ្យាស្ថានជាតិអប់រំ http://www.nie.edu.kh ។
អាហារូបករណ៍នឹងទទួលពាក្យចាប់ពីថ្ងៃផ្សាយដំណឹងរហូតដល់ថ្ងៃទី២០ ខែកក្កដា ឆ្នាំ២០២៣ ម៉ោង៥:០០ល្ងាច ៕
